Posted inଫୁରସତ

ଏକ ମିନିଟ୍‌ରେ ୧୫୦ କାର୍‌ ଲୋଗୋ

ଚେନ୍ନାଇ: କଥାରେ ଅଛି ଆଗ୍ରହର ସହ କରାଯାଇଥିବା ସମସ୍ତ କାମରେ ସଫଳତା ଅବଶ୍ୟ ମିଳିଥାଏ। ଏହାର ଏକ ଉଦାହରଣ ହେଉଛନ୍ତି ଚେନ୍ନାଇର ୭ ବର୍ଷର ବାଳକ କେଭିନ୍‌ ରାହୁଲ। ଏତେ କମ୍‌ ବୟସରେ ସେ ୧୫୦ଟି କାର୍‌ ଲୋଗୋର ନାଁ କହି ରେକର୍ଡ କରିଛନ୍ତି। ଛୋଟବେଳରୁ କେଭିନଙ୍କର କାର୍‌ ପ୍ରତି ଏକ ସ୍ବତନ୍ତ୍ର ଆକର୍ଷଣ ରହିଛି। କାର୍‌ ଦେଖିବା ମାତ୍ରେ ସେ ଭଲଭାବେ ସବୁ ନିରୀକ୍ଷଣ କରିଥାନ୍ତି। କାର୍‌ ପ୍ରତି ତାଙ୍କର ଏହି ଆକର୍ଷଣ ଏବେ ତାଙ୍କୁ ରେକର୍ଡ କରିବାରେ ସାହାଯ୍ୟ କରିଛି। ମାତ୍ର ୧ ମିନିଟ୍‌ ସମୟରେ ସେ ଗାଡ଼ିର ଲୋଗୋ ଦେଖି ୧୫୦ଟି କାର୍‌ର ନାଁ କହି ପାରିଛନ୍ତି। ଏତେ କମ୍‌ ସମୟରେ ସେ ଏତେ କାର୍‌ ନାଁ କହିପାରିଥିବାରୁ ଏବେ ତାଙ୍କ ନାଁ ଇଣ୍ଡିଆ ବୁକ୍‌ ଅଫ୍‌ ରେକର୍ଡ ଓ ଏସିଆ ବୁକ୍‌ ଅଫ୍‌ ରେକର୍ଡରେ ସ୍ଥାନ ପାଇଛି। ଏତେ କମ୍‌ ବୟସରେ କେଭିନ୍‌ ଏହି ରେକର୍ଡ ହାସଲ କରିପାରିଥିବାରୁ ଏବେ ତାଙ୍କ ପରିବାର ଲୋକେ ବେଶ୍‌ ଖୁସି ହୋଇଛନ୍ତି। କେଭିନଙ୍କ ବାପା ରାଜୁଙ୍କ କହିବା ଅନୁସାରେ ସବୁ କଥାକୁ କେଭିନ୍‌ ଶୀଘ୍ର ମନେରଖିପାରନ୍ତି। କିନ୍ତୁ କାର୍‌ ପ୍ରତି ତାଙ୍କର ସ୍ବତନ୍ତ୍ର ରୁଚି ରହିଥିବାରୁ ସବୁ କାର୍‌ର ଲୋଗୋ ଦେଖି ସେ ଗାଡ଼ିର ନାଁ କହିପାରନ୍ତି। ଏହି ସ୍ମରଣଶକ୍ତି ଫଳରେ ସେ ୧ ମିନିଟ୍‌ ମଧ୍ୟରେ ୧୫୦ଟି ଗାଡ଼ିର ନାଁ କହିପାରିଛନ୍ତି। ତାଙ୍କର ମନେ ରଖିବା ଶକ୍ତି ଭଲ ଥିବାରୁ ସେ କିଛି ବି ଭୁଲନ୍ତି ନାହିଁ ଓ ସବୁବେଳେ କିଛି ବଡ଼ କାମ କରିବାକୁ ଚେଷ୍ଟା କରିଥାନ୍ତି। କିନ୍ତୁ ଏତେ କମ୍‌ ବୟସରୁ ସେ କିପରି ରେକର୍ଡ କରିବେ ଚିନ୍ତା କରି ଏହି ରାସ୍ତାକୁ ଆପଣାଇଥିଲେ। ଫଳରେ ଏହି ମାସରେ ସେ ରେକର୍ଡ କରିବା ନିମନ୍ତେ ପଦକ୍ଷେପ ନେଇଥିଲେ ଓ ସଫଳ ହୋଇଥିଲେ। ଗତ ଜୁନ୍‌ ମାସରେ ହୋଇଥିବା ଏକ ନୂଆ ରେକର୍ଡକୁ ଭାଙ୍ଗି ସେ ଏହି ସଫଳତା ହାସଲ କରିପାରିଛନ୍ତି। ଏବେ ଏଭଳି ଏକ ରେକର୍ଡ କରିଥିବା କେଭିନ୍‌ ଭବିଷ୍ୟତରେ ପୁଣି ନୂଆ ରେକର୍ଡ କରିବା ପାଇଁ ଲକ୍ଷ୍ୟ ରଖିଛନ୍ତି। ତେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସାକ୍ଷାତ କରି ତାଙ୍କ ସହ ଆଇସ୍‌କ୍ରିମ୍‌ ଖାଇବା ପାଇଁ କେଭିନ୍‌ଙ୍କର ସ୍ବତନ୍ତ୍ର ଇଚ୍ଛା ରହିଛି।


Enter your email to get our daily news in your inbox.

All Right Reserved By Dharitri.Com

ପ୍ରତି ୪ ବର୍ଷରେ କାହିଁକି ଫେବୃଆରୀ ମାସ ହୁଏ ୨୯ ଦିନିଆ, ଜାଣନ୍ତୁ ଏହାର ପ୍ରକୃତ କାରଣ…

ପୂର୍ବ ହେଉ କି ପଶ୍ଚିମ, ଜ୍ୟୋତିର୍ବିଜ୍ଞାନୀମାନେ କ୍ୟାଲେଣ୍ଡରର ଉନ୍ନତି ପାଇଁ ସର୍ବଦା ଚେଷ୍ଟା କରନ୍ତି। ଭାରତର ହିନ୍ଦୁ ପାଞ୍ଜି କିମ୍ବା କ୍ୟାଲେଣ୍ଡରରେ ଏହା ଦାବି କରାଯାଇଛି...

ପୁଅ ବିବାହ ପୂର୍ବରୁ ଅମ୍ବାନୀ ପରିବାର ନିର୍ମାଣ କଲେ ୧୪ ମନ୍ଦିର, ଭିଡିଓ ଦେଖି ଲୋକେ କଲେ ଖୁବ ପ୍ରଶଂସା

ମୁମ୍ବାଇ,୨୬।୨: ପ୍ରସିଦ୍ଧ ଉଦ୍ଦ୍ୟୋଗପତି ମୁକେଶ ଅମ୍ବାନୀଙ୍କ ସାନପୁଅ ଅନନ୍ତ ଅମ୍ବାନୀ ଖୁବ ଶୀଘ୍ର ରାଧିକା ମର୍ଚାଣ୍ଟଙ୍କ ସହ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି। ଏହି...

ଗୋଟିଏ ଦିନରେ ୟୁପିଆଇ ମାଧ୍ୟମରେ କେତେ ଟଙ୍କା ଫଠାଇ ପାରିବେ, ଜାଣନ୍ତୁ ଏହାର ଲିମିଟ୍‌

ନୂଆଦିଲ୍ଲୀ,୨୫।୨: ସମୟ ଥିଲା ଯେତେବେଳେ ଲୋକମାନେ କାହାକୁ ଆକାଉଣ୍ଟକୁ ଟଙ୍କା ପଠାଇବାକୁ ପଡୁଥିଲେ ବ୍ୟାଙ୍କକୁ ଯିବାକୁ ପଡୁଥିଲା। ରସିଦକୁ ବ୍ୟାଙ୍କରେ ଜମା କରିବାକୁ ପଡୁଥିଲା। ଧାଡିରେ...

ଅଟଳ ପେନସନ ଯୋଜନାରେ ପ୍ରତିଦିନ ନିବେଶ କରନ୍ତୁ ୭ ଟଙ୍କା, ପ୍ରତିମାସରେ ମିଳିବ ୫୦୦୦ଟଙ୍କା

ନୂଆଦିଲ୍ଲୀ,୨୫।୨: ସମସ୍ତେ ନିଜ ଟଙ୍କାକୁ ଏପରି ସ୍ଥାନରେ ବିନିଯୋଗ କରିବାକୁ ଚାହାଁନ୍ତି ଯେଉଁଠାରୁ ସେମାନେ ପ୍ରତି ମାସରେ ଏକ ନିର୍ଦ୍ଦିଷ୍ଟ ପରିମାଣ ରାଶି ପାଇଥା’ନ୍ତି ।...

କେବଳ ସତ ଉପଦେଶକଙ୍କୁ ମାନିବା ଜରୁରୀ

କେଉଁ ଏକ ପୁରାତନ କାଳରୁ ସଂଖ୍ୟାଗରିଷ୍ଠତାର ରାୟକୁ ଆଇନ ବା ଧର୍ମର ଜୟ ବୋଲି ମନାଯାଉଥିଲା ବେଳେ ଅଧୁନା ସାମାଜିକ ଜୀବନରେ ଏମିତି କିଛି ଘଟଣା...

ସିରିଞ୍ଜ ପେଣ୍ଟିଂ

ଫିଲିପାଇନ୍ସ, ଭାଲାଡୋଲିଡ୍‌ରେ ରହୁଥିବା କିମ୍ବରଲି ଜୟ ମାଗ୍‌ବନୁଆଙ୍କର ପିଲାଦିନୁ ଚିତ୍ରକଳା ପ୍ରତି ଥିଲା ଅହେତୁକ ଭଲ ପାଇବା। ହେଲେ ଏନେଇ ସେ କୌଣସି ତାଲିମ୍‌ ନେଇ...

ଲୁଣରେ ତିଆରି ହୋଟେଲ

ଲୁଣ ବିନା ଖାଦ୍ୟରେ ସ୍ବାଦ ଆସେନା। କହିବାକୁ ଗଲେ ଖାଦ୍ୟର ଏକ ମୁଖ୍ୟ ଉପାଦାନ ହେଉଛି ଲୁଣ। ତେବେ ଏହି ଲୁଣକୁ ଖାଦ୍ୟ ବ୍ୟତିତ ଆଉ...

ଘର ନା ଓଲଟା ଡ଼ଙ୍ଗା

ଏଇ ପୃଥିବୀରେ ଅଜବ ସ୍ଥାନର ଅଭାବ ନାହିଁ। ଯେମିତିକି ଉତ୍ତର ଫ୍ରାନ୍ସ ର ଇଂଲିଶ ଚ୍ୟାନେଲ୍‌ ତଟରେ ଥିବା ଏକ ଛୋଟିଆ ସମୁଦ୍ର କୁଳିଆ ଗାଁ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri