ଭୁବନେଶ୍ୱର,୧୫ା୮(ବ୍ୟୁରୋ): ୭୬ତମ ସ୍ବାଧୀନତା ଦିବସ ପାଳନ ଅବସରରେ ରାଷ୍ଟ୍ରପତି ପୋଲିସ ପଦକ ରବିବାର ଘୋଷଣା କରାଯାଇଛି। ଏନେଇ କେନ୍ଦ୍ର ଗୃହ ମନ୍ତ୍ରଣାଳୟ ପକ୍ଷରୁ ୨୦୨୨ ଲାଗି ଓଡ଼ିଶା ପୋଲିସର ୧୫ ଜଣ ମନୋନୀତ ହୋଇଛନ୍ତି। ୨ ଜଣ ପୋଲିସ କର୍ମଚାରୀଙ୍କୁ ସାହସିକତା ପଦକ ପାଇଁ ଚୟନ କରାଯାଇଛି। ବିଶିଷ୍ଟ ତଥା ଉତ୍କୃଷ୍ଟ ସେବା ନିମନ୍ତେ ଦ୍ୱୈତନଗରୀ ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ ଓ ସିକ୍ୟୁରିଟି ଓ୍ବିଙ୍ଗର ଭାରପ୍ରାପ୍ତ ଆରକ୍ଷୀ ଅଧୀକ୍ଷକ ସରୋଜ କୁମାର ମହାପାତ୍ର ରାଷ୍ଟ୍ରପତି ପୋଲିସ ପଦକ ପାଇଁ ଯୋଗ୍ୟ ବିବେଚିତ ହୋଇଛନ୍ତି।
ଓଡ଼ିଶାର ୨ଜଣ ପୋଲିସ ଅଧିକାରୀ ସାହସିକତା ପାଇଁ ପୋଲିସ ପଦକରେ ସମ୍ମାନିତ ହେବେ। ସେମାନେ ହେଲେ କମାଣ୍ଡୋ କୁମାର କର୍ମୀ ଓ କମାଣ୍ଡୋ ପୀତବାସ ପାଣ୍ଡେ। ସେହିଭଳି ୧୧ ଜଣ ପୋଲିସ କର୍ମୀଙ୍କୁ ଉଲ୍ଲେଖନୀୟ ସେବା ପାଇଁ ପୋଲିସ ପଦକ ପ୍ରଦାନ କରାଯିବ। ସେମାନେ ହେଲେ କଟକ ଭିଜିଲାନ୍ସ ସେଲ ନିର୍ଦ୍ଦେଶାଳୟର ଅତିରିକ୍ତ ପୋଲିସ ସୁପରିଣ୍ଟେଣ୍ଡେଣ୍ଟ ପ୍ରକାଶ କୁମାର ନାଏକ, ଭୁବନେଶ୍ୱର ଏସ୍ଟିଏଫ ସିଆଇଡି, ସିବିର ଡେପୁଟି ପୋଲିସ ସୁପରିଣ୍ଟେଣ୍ଡେଣ୍ଟ ସଚ୍ଚିଦାନନ୍ଦ ରଥ, ଭୁବନେଶ୍ୱର ବିପିଏସପିଏର ଡେପୁଟି ପୋଲିସ ସୁପରିଣ୍ଟେଣ୍ଡେଣ୍ଟ ଗୁରୁପ୍ରସାଦ ଶିବଶଙ୍କର ନନ୍ଦ, ରାଉରକେଲା ଡେପୁଟି ପୋଲିସ ସୁପରିଣ୍ଟେଣ୍ଡେଣ୍ଟ ବନିତା ମାଝୀ, କଟକ ସିଆଇଡି, ସିବିର ସବ-ଇନ୍ସପେକ୍ଟର ଏନ୍.ତ୍ରିନାଥ ଡୋରା, ସମ୍ବଲପୁର ସ୍ପେସାଲ ସ୍କ୍ବାଡର ସହକାରୀ ସବ-ଇନ୍ସପେକ୍ଟର ମହମ୍ମଦ ଜାହାଙ୍ଗୀର, ଝାରସୁଗୁଡା ଓଏସ୍ଏପି ୨ୟ ବାଟାଲିୟନର ହାବିଲଦାର ବିଷ୍ଣୁ କୁମାର ବୁରା, ଅନୁଗୋଳର ଡ୍ରାଇଭର ହାବିଲଦାର ହୃଷୀକେଶ ବାରିକ, କୋରାପୁଟର ଏସ୍ଓଜି,ଏଇଟି ଏବଂ ଆରସିର ସହକାରୀ ଆର୍ମୋରିର ବସନ୍ତ କୁମାର ଡାକୁଆ,ସୁନ୍ଦରଗଡ ଡିଏଫଏସ୍ଏଲର କନଷ୍ଟେବଳ ଅଞ୍ଜନ କୁମାର ମହାନ୍ତି ଓ କୋରାପୁଟ ଓଏସ୍ଏପି ୩ୟ ବାଟାଲିୟନର ସିପାହୀ ପ୍ରଶାନ୍ତ ପରିଡା। ଅପରପକ୍ଷରେ ୩ ଅଗ୍ନିଶମ କର୍ମଚାରୀ ପ୍ରଶାନ୍ତ କୁମାର ଦାଶ, ବିଜୟ ଚନ୍ଦ୍ର ପାତ୍ର ଓ ହାବିଲଦାର ସର୍ବେଶ୍ୱର ମିଶ୍ର ପାଇବେ ଫାୟାର ସର୍ଭିସ ପଦକ। ସେହିପରି ୩ ଜଣ ଜେଲ୍ କର୍ମଚାରୀଙ୍କୁ ସେମାନଙ୍କର ଉଲ୍ଲେଖନୀୟ ସେବା ପାଇଁ ପଦକ ମିଳବ। ଜେଲର୍ ବିଭେନ୍ଦୁ ଭୂୟଁାଙ୍କୁ ‘ରାଷ୍ଟ୍ରପତିଙ୍କ ସୁଧାର ସେବା ପଦକ’, ଜେଲର୍ ବୁଲୁ ମାଟିଆ ଓ ସହକାରୀ ଜେଲର୍ ସୁପକ କୁମାର ନାୟକଙ୍କୁ ‘ଗୁଣାତ୍ମକ ସେବା ପାଇଁ ସୁଧାରା ସେବା ପଦକ’ ପ୍ରଦାନ କରାଯିବ।
