କୋରୁକୋଣ୍ଡା,୬ା୮(ଡି.ଏନ.ଏ)-ମାଲକାନଗିରି ଜିଲାରେ କରୋନା ତାର କାୟା ବିସ୍ତାର କରି ଚାଲିଛି। ତେବେ ପ୍ରଥମ କରି ଏକ ୧୩ ମାସର ଛୁଆ କରୋନାରୁ ସୁସ୍ଥ ହୋଇଥିବା ଖବର ପହଞ୍ଚତ୍ଛି। ଏହି ଛୋଟ ଶିଶୁ କାଲିମେଳା ବ୍ଲକ ଅନ୍ତର୍ଗତ ଏମ୍ଭି-୪୫ ଗ୍ରାମର। ଶିଶୁ ଓ ତାଙ୍କ ମାଆ ଚେନ୍ନାଇରୁ ଫେରି ଏମଭି-୭୨ ସଙ୍ଗରୋଧ କେନ୍ଦ୍ରରେ ଥିଲେ। ସେମାନଙ୍କ ସ୍ବାବ୍ ପରୀକ୍ଷା କରିବାରୁ ମାଆ ଓ ଶିଶୁ ଉଭୟେ କରୋନା ସଂକ୍ରମିତ ହୋଇଥିବା ଜଣାପଡିଥିଲା। ସେମାନଙ୍କୁ ମାଲକାନଗିରି କୋଭିଡ୍ ହସ୍ପିଟାଲକୁ ନିଆଯାଇଥିଲା। ପରେ ସେଠାରୁ ଭୁବନେଶ୍ୱର ଏମ୍ସ ଡାକ୍ତରଖାନାକୁ ପଠାଯାଇଥିଲା। ସେଠାରେ ମା ଏବଂ ଛୁଆ ଉଭୟ ଚିକିତ୍ସିତ ହେଉଥିଲେ। ୧୧ ଦିନ ପରେ ଉଭୟେ ସୁସ୍ଥ ହୋଇ କୋରୁକୋଣ୍ଡା ବ୍ଲକ ତର୍ଲାକୋଟ ପଞ୍ଚାୟତର ଏମ୍ଭି-୩୭ ଗ୍ରାମସ୍ଥିତ ଘରକୁ ଫେରିଛନ୍ତି। ଶିଶୁଟି ସମ୍ପୂର୍ଣ୍ଣ ଭାବେ ପୂର୍ବପରି ଖେଳାଖେଳି କରୁଛି।
