ବଣାଇଁ, ୧୨।୨(ପ୍ରଦୀପ ତ୍ରିପାଠୀ): ସର୍ବଭାରତୀୟ ସ୍ତରରେ ସଂଯୁକ୍ତ କିଷାନ ମୋର୍ଚ୍ଚା ଓ ମିଳିତ ଟ୍ରେଡ ୟୁନିଅନର ଡାକରା କ୍ରମେ ଆଜି ୧୨ ଘଣ୍ଟିଆ ବନ୍ଦ ଡାକରାକୁ ବଣାଇଁ ଅଞ୍ଚଳରେ ସମର୍ଥନ ମିଳିଥିବା ଦେଖାଯାଇଛି l ପ୍ରଭାବରେ ୫୨୦ ଓ ୧୪୩ ନମ୍ବର ଜାତୀୟ ରାଜପଥରେ ଯାନବାହାନ ଚଳାଚଳ ସମ୍ପୂର୍ଣ୍ଣ ବନ୍ଦ ରହିଥିବାବେଳେ ୧୦ ନମ୍ବର ରାଜ୍ୟ ରାଜପଥ ମଧ୍ୟ ବନ୍ଦ ରହିଛି। ବଣାଇଁ ବିଧାୟକ ଲକ୍ଷ୍ମଣ ମୁଣ୍ଡାଙ୍କ ନେତୃତ୍ୱରେ ବଣାଇଁ ଉପଖଣ୍ଡର ନରେନ୍ଦ୍ର, ଖୁଣ୍ଟ ଗାଁ, ବରସୁଆଁ ଗୋପନା, କୋଇଡ଼ା, ଗୁରୁଣ୍ଡିଆ ଲହୁଣିପ ଇତ୍ୟାଦି ଅଞ୍ଚଳରେ କର୍ମୀ ରାସ୍ତା ଅବରୋଧ କରିଛନ୍ତି l ପଟାସାହି, ବିମଲାଗଡ଼, ରକ୍ସିରେ ରେଳରୋକୋ କରି ରେଳ ଚଳାଚଳ ବନ୍ଦ ରହିଥିବା ଜଣାପଡ଼ିଛି l
ଦୋକାନ ବଜାର ଆଂଶିକ ବନ୍ଦ ରହିଛି ଓ ସରକାରୀ କାର୍ଯ୍ୟାଳୟ ସମ୍ମୁଖରେ ସିପିଆଇଏମ କର୍ମୀ ପିକେଟିଂ କରୁଛନ୍ତି l ପ୍ରଥମ ପର୍ଯ୍ୟାୟରେ ବନ୍ଦ ପାଳନ ସଫଳ ହୋଇଥିବା ନେଇ ଓ ଆଗକୁ ସରକାର ବାଧ୍ୟ ହୋଇ ସମାଧାନ କରିବେ ବୋଲି ବଣାଇଁ ବିଧାୟକ ଲକ୍ଷ୍ମଣ ମୁଣ୍ଡା ପ୍ରତିକ୍ରିୟା ରଖିଛନ୍ତି l ଆଇନ ଶୃଙ୍ଖଳାକୁ ଦୃଷ୍ଟିରେ ରଖି ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି ଓ ପରିସ୍ଥିତି ସ୍ବାଭାବିକ ଥିବା ବଣାଇଁ ଉପଖଣ୍ଡ ପୋଲିସ ଅଧିକାରୀ ରାମଚନ୍ଦ୍ର ବିଶାଳ କହିଛନ୍ତି l
Dharitri – Odisha’s No.1 Odia Daily
