ମହାକାଶରେ ବେଜୋସ୍‌ଙ୍କ ୧୧ ମିନିଟ୍‌

ଓ୍ବାଶିଂଟନ୍‌, ୨୧ା୭: ମହାକାଶ ଯାତ୍ରା ଇତିହାସରେ ଆଉ ଏକ ଫର୍ଦ୍ଦ ଯୋଡ଼ିଛନ୍ତି ବିଶ୍ୱର ସବୁଠୁ ଧନୀ ତଥା ଆମାଜନ୍‌ ପ୍ରତିଷ୍ଠାତା ଜେଫ୍‌ ବେଜୋସ୍‌। ମଙ୍ଗଳବାର ତାଙ୍କ କମ୍ପାନୀ ବ୍ଲୁ ଅରିଜିନ୍‌ର ପ୍ରଥମ ସ୍ପେସ୍‌ ଫ୍ଲାଇଟ୍‌ ତଥା ସମ୍ପୂର୍ଣ୍ଣ ସ୍ବୟଂଚାଳିତ ନ୍ୟୁ ଶେପାର୍ଡ କ୍ୟାପ୍‌ସୁଲରେ ୫୭ ବର୍ଷୀୟ ବେଜୋସ୍‌ ୧୦ ମିନିଟ୍‌ ୨୦ ସେକେଣ୍ଡ୍‌ର ମହାକାଶ ଯାତ୍ରା କରି ଫେରିଛନ୍ତି। ଆମେରିକାର ଓ୍ବେଷ୍ଟ ଟେକ୍ସାସରୁ ଏହା ଉଡ଼ାଣ କରିଥିଲା। ସାଙ୍ଗରେ ଭାଇ ମାର୍କ ବେଜୋସ୍‌, ଆମେରିକା ମହାକାଶ ଗବେଷଣା ସଂସ୍ଥା ନାସାର ପୂର୍ବତନ ପାଇଲଟ୍‌ ୮୨ ବର୍ଷୀୟା ଓ୍ବାଲି ଫଙ୍କ୍‌ ଏବଂ ବେଜୋସ୍‌ଙ୍କ ପାଖ ସିଟ୍‌ ୨୮ ମିଲିୟନ ଡଲାରରେ ନିଲାମ ନେଇଥିବା ୧୮ ବର୍ଷୀୟ ଓଲିବର ଡେମେନ୍‌ ଯାତ୍ରା କରିଥିଲେ।
ସମୟ ସନ୍ଧ୍ୟା ସାଢ଼େ ୬ଟାରେ ମହାକାଶ ଯାନ ନ୍ୟୁ ଶେପାର୍ଡ କ୍ୟାପ୍‌ସୁଲ ସ୍ପେସ୍‌ ଅଭିମୁଖେ ବାହାରିଥିଲା। ଲଞ୍ଚ୍‌ ପରେ କ୍ୟାପ୍‌ସୁଲରୁ ରକେଟ ବାହାରି ଲଞ୍ଚ୍‌ପ୍ୟାଡ୍‌କୁ ଫେରିଆସିଥିଲା। ବେଜୋସ୍‌ଙ୍କ ଫ୍ଲାଇଟ୍‌ କାରାମାନ୍‌ ଲାଇନ (କାଳ୍ପନିକ ମହାକାଶ ସୀମାରେଖା) ବାହାରେ ତଥା ପୃଥିବୀ ପୃଷ୍ଠରୁ ୧୦୬ କିଲୋମିଟର ଉପରକୁ ଯାଇଥିଲା। ସେଠାରେ ସେମାନେ ଓଜନ ବିହୀନ ଶରୀରର ଅନୁଭୂତି ନେଇଥିଲେ। ନ୍ୟୁ ଶେପାର୍ଡ କ୍ୟାପ୍‌ସୁଲ କିଛି ସମୟ ମହାକାଶରେ ରହିବା ପରେ ପାରାସୁଟ୍‌ ସହାୟତାରେ ଓ୍ବେଷ୍ଟ ଟେକ୍ସାସ୍‌କୁ ଫେରିଥିଲା। ଏହା ପୂର୍ବରୁ ଗତ ୧୧ ତାରିଖରେ ବ୍ରିଟିଶ ବିଲିୟନେୟାର ରିଚାର୍ଡ ବ୍ରାନ୍‌ସନ୍‌ ତାଙ୍କ ଭର୍ଜିନ ଗାଲାକ୍ଟିକ୍‌ ସ୍ପେସ୍‌କ୍ରାଫ୍ଟ ଯୋଗେ ମହାକାଶକୁ ଯାତ୍ରା କରି ଫେରିଥିଲେ। ତେବେ ବ୍ରାନ୍‌ସନ୍‌ ମାତ୍ର ୮୬ କିମି ପର୍ଯ୍ୟନ୍ତ ଯାଇଥିବାବେଳେ ବେଜୋସ୍‌ ତାଙ୍କୁ ପଛରେ ପକାଇଦେଇଛନ୍ତି। ଘରୋଇ ସ୍ପେସ୍‌ ମିଶନ ଜରିଆରେ ମହାକାଶ ପର୍ଯ୍ୟଟନକୁ ନୂତନ ଦିଗ ଦେବା ଲକ୍ଷ୍ୟରେ ବୋଜୋସ୍‌ ଓ ବ୍ରାନସନ୍‌ ଏହି ଯାତ୍ରା ଆରମ୍ଭ କରିଥିଲେ। ଅନ୍ୟପକ୍ଷରେ ସିଭିଲିଆନ୍‌ କ୍ର୍ୟୁ ସଦସ୍ୟଙ୍କୁ ଆସନ୍ତା ସେପ୍ଟେମ୍ବରରେ ପୃଥିବୀ କକ୍ଷପଥକୁ ପଠାଇବା ପାଇଁ ଯୋଜନା କରିଛନ୍ତି ସ୍ପେସ୍‌ଏକ୍ସ ମାଲିକ ଏଲନ ମସ୍କ। ପୂର୍ବରୁ ସେ ନାସା ପକ୍ଷରୁ ଅନ୍ତର୍ଜାତୀୟ ସ୍ପେସ୍‌ ଷ୍ଟେଶନକୁ ଅନେକ କାର୍‌ଗୋ ପ୍ଲେଲୋଡ୍‌ ଏବଂ ମହାକାଶଚାରୀଙ୍କୁ ପଠାଇ ସାରିଛନ୍ତି।
ଜୁଲାଇ ୨୦ରେ ଚନ୍ଦ୍ରପୃଷ୍ଠରେ ଆପୋଲୋ-୧୧ ସ୍ପେସ୍‌ଫ୍ଲାଇଟ୍‌ ଲ୍ୟାଣ୍ଡ କରିଥିଲା। ପ୍ରଥମ ମହାକାଶ ଯାତ୍ରୀ ଭାବେ ନୀଲ ଆର୍ମଷ୍ଟ୍ରଙ୍ଗ ଏହି ଯାନରେ ଯାଇ ଚନ୍ଦ୍ରରେ ପାଦ ରଖିଥିଲେ। ଏହି ଦିନର ଗୁରୁତ୍ୱ ଯୋଗୁ ଜୁଲାଇ ୨୦ରେ ମହାକାଶ ଯାତ୍ରା କରିବାକୁ ବେଜୋସ୍‌ ସ୍ଥିର କରିଥିଲେ। ବ୍ଲୁ ଅରିଜିନ୍‌ର ୧୮.୩ ମିଟର ଲମ୍ବ ବିଶିଷ୍ଟ ନ୍ୟୁ ଶେପାର୍ଡ କ୍ୟାପ୍‌ସୁଲ ସମ୍ପୂର୍ଣ୍ଣ ଭାବେ ସ୍ବୟଂଚାଳିତ। ଏଥିରେ କୌଣସି ପାଇଲଟ୍‌ଙ୍କ ଆବଶ୍ୟକତା ନାହିଁ। ପୃଥିବୀ ପୃଷ୍ଠରୁ ମାଷ୍ଟର କଣ୍ଟ୍ରୋଲ ରୁମ୍‌ରୁ ଏହା ଉପରେ ନିୟନ୍ତ୍ରଣ ରଖାଯାଇଥାଏ। ଲଞ୍ଚ୍‌ ହେବା ପରେ ଏହାକୁ କୌଣସି କମାଣ୍ଡ ଦେବାକୁ ପଡ଼ି ନ ଥାଏ। ଏହା ୬ ଯାତ୍ରୀଙ୍କୁ ନେଇ ମହାକାଶ ଯାଇପାରିବ। ୧୯୬୧ ମସିହାର ମହାକାଶଚାରୀ ଆଲନ ଶେପାର୍ଡଙ୍କ ନାଁ ଅନୁସାରେ ଏହି କ୍ୟାପ୍‌ସୁଲର ନାମ ନ୍ୟୁ ଶେପାର୍ଡ ରଖାଯାଇଛି। ମହାକାଶକୁ ଯିବାରେ ଆଲନ ଶେପାର୍ଡ ହେଉଛନ୍ତି ପ୍ରଥମ ଆମେରିକୀୟ।


Enter your email to get our daily news in your inbox.

All Right Reserved By Dharitri.Com

ପସନ୍ଦର ଫୁଲ ଦେଲେନି ବୋଲି ମାଳିଙ୍କୁ ଏମିତି ସଜା ଦେଲେ ଉତ୍ତର କୋରିଆ ଶାସକ

ପ୍ୟୋଙ୍ଗୟୋଙ୍ଗ,୧୪।୨: ଉତ୍ତର କୋରିଆର କ୍ରୁର ଶାସକ ଭାବେ ପରିଚିତ କିମ ଜୋଙ୍ଗ ଉନ ପିତା କିମ ଜୋଙ୍ଗ ଇଲ୍‌ଙ୍କ ଜନ୍ମବାର୍ଷିକୀରେ ସ୍ମାରକ ଏବଂ ରାସ୍ତା ସଜାଇବା...

ସାର୍କ ଆକ୍ରମଣରେ ଗଲା ଜୀବନ

ସିଡନୀ,୫।୯: ଅଷ୍ଟ୍ରେଲିଆର ଏମରଲାଡ୍‌ ବେଳାଭୂମିରେ ସାର୍କ ଆକ୍ରମଣରେ ଜଣେ ୨୦ ବର୍ଷୀୟ ଯୁବକଙ୍କ ମୃତ୍ୟୁ ହୋଇଛି। ଚଳିତ ବର୍ଷ ଅଷ୍ଟ୍ରେଲିଆରେ ଏହା ଦ୍ୱିତୀୟ ସାର୍କ ଆକ୍ରମଣ...

ଇମ୍ରାନଙ୍କଠାରୁ ଭଲ ଥିଲା ପାକିସ୍ତାନର ଲୁଟ୍‌ କରୁଥିବା ସରକାର

ଇସ୍‌ଲାମାବାଦ,୩।୯: ପାକିସ୍ତାନ ଜନତା ଏବେ ମହଙ୍ଗା ମାଡକୁ ନେଇ ଚେପା ହୋଇ ଗଲେଣି। ସାଧାରଣ ଜନତାଙ୍କଠାରୁ ଆରମ୍ଭ କରି ବ୍ୟବସାୟୀ ଉଦ୍ୟୋଗପତି ସଭିଏଁ ପାକିସ୍ତାନର ମହଙ୍ଗା...

କରୋନା ସଂକ୍ରମିତଙ୍କ ସଂସ୍ପର୍ଶରେ ଆସିଥିଲେ ଡବ୍ଳୁଏଚ୍‌ଓ ମୁଖ୍ୟ, ଟୁଇଟ୍‌ କରି ଦେଲେ ସ୍ବାସ୍ଥ୍ୟ ସୂଚନା

ଜେନିଭା,୨।୧୧: ବିଶ୍ୱ ସ୍ବାସ୍ଥ୍ୟ ସଂଗଠନ (ଡବ୍ଳୁଏଚ୍‌ଓ) ମୁଖ୍ୟ ଟେଡ୍ରୋସ ଆଧାନୋମ ଗ୍ରେବେସିୟସ କରୋନା ସଂକ୍ରମିତ ବ୍ୟକ୍ତିଙ୍କ ସଂସ୍ପର୍ଶରେ ଆସିବା ପରେ ଏବେ କ୍ୱାରାଣ୍ଟାଇନରେ ଥିବା ଟୁଇଟ୍‌...

ସଡ଼କ ଦୁର୍ଘଟଣାରେ ୩୫ ତୀର୍ଥଯାତ୍ରୀ ମୃତ

ମଦିନା,୧୭।୧୦: ସୌଦିର ମଦିନା ପ୍ରଦେଶରେ ଏକ ସଡ଼କ ଦୁର୍ଘଟଣାରେ ୩୫ ତୀର୍ଥଯାତ୍ରୀଙ୍କ ମୃତ୍ୟୁ ଘଟିଛି। ତୀର୍ଥଯାତ୍ରୀଙ୍କୁ ନେଇ ଯାଉଥିବା ବସ୍‌ ସହିତ ଏକ ଏକ୍ସାଭେଟର ଧକ୍କା...

ସୌଦି ଆରମକୋ ଅଏଲ ପ୍ଲାଣ୍ଟରେ ଡ୍ରୋନ୍‌ ଆକ୍ରମଣ: ଲାଗିଲା ନିଆଁ

ରିୟାଦ,୧୪।୯: ସୌଦି ଆରବରେ ଥିବା ବିଶ୍ୱର ସବୁଠାରୁ ବଡ ସୌଦି ଆରମକୋ ଅଏଲ ପ୍ଲାଣ୍ଟରେ ଶନିବାର ଡ୍ରୋନ୍‌ ଆକ୍ରମଣ ଫଳରେ ନିଆଁ ଲାଗି ଯାଇଛି। ସୌଦି...

ଦଶହରାରେ ଭାରତବାସୀଙ୍କୁ ଶୁଭେଚ୍ଛା ଜଣାଇଲେ ଇମ୍ରାନ୍‌ଙ୍କ ମନ୍ତ୍ରୀ: ସୋସିଆଲ୍‌ ମିଡ଼ିଆରେ ଭାଇରାଲ

ଇସଲାମାବାଦ,୮।୧୦: ଦଶହରା ଅବସରରେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ୍‌ ଖାଁଙ୍କ ମନ୍ତ୍ରୀ ଫଓ୍ବାଦ୍‌ ଚୌଧୁରୀ ଭାରତବାସୀଙ୍କୁ ଟୁଇଟ୍‌ କରି ଶୁଭେଚ୍ଛା ଜଣାଇଛନ୍ତି। ଏବେ ଏହା ସୋସିଆଲ୍‌ ମିଡ଼ିଆରେ...

ଆବେଙ୍କ ହତ୍ୟାକାରୀ ଗିରଫ, କହିଲେ କେଉଁ କାରଣରୁ ମାରିଥିଲେ ଗୁଳି

ଟୋକିଓ,୮।୭: ଜାପାନର ପୂର୍ବତନ ପ୍ରଧାନମନ୍ତ୍ରୀ ସିଞ୍ଜୋ ଆବେଙ୍କୁ ଗୁଳି କରି ହତ୍ୟା କରାଯାଇଛି। ଶୁକ୍ରବାର ଏକ ନିର୍ବାଚନୀ ପ୍ରଚାର କାର୍ଯ୍ୟକ୍ରମରେ ତାଙ୍କୁ ପଛପଟୁ ଗୁଳି କରାଯାଇଥିଲା।...

Advertisement
Archives

Model This Week