ଭୁବନେଶ୍ୱର, ୯ା୨- ଓଡ଼ିଶାରେ ମଙ୍ଗଳବାର ୧୦୮ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଏହାକୁ ମିଶାଇ ରାଜ୍ୟରେ କୋଭିଡ୍-୧୯ରୁ ମୁକ୍ତ ହୋଇଥିବା ସଂକ୍ରମିତଙ୍କ ସଂଖ୍ୟା ୩,୩୩,୧୩୯ରେ ପହଞ୍ଚିଛି। ସୁନ୍ଦରଗଡ଼ରୁ ସର୍ବାଧିକ ୨୧, ଖୋର୍ଦ୍ଧାରୁ ୧୨, ବରଗଡ଼ରୁ ୧୧, ସମ୍ବଲପୁରରୁ ୧୦, ପୁରୀ ୮, ବାଲେଶ୍ୱର ଓ କଟକରୁ ୭, ଯାଜପୁରରୁ ୫, ଅନୁଗୁଳ ଓ ରାୟାଗଡ଼ାରୁ ୪, ଦେଓଗଡ଼ ଓ ଝାରୁସୁଗୁଡ଼ାରୁ ୩, ଗଜପତି, ମୟୁରଭଞ୍ଜ ଓ ନୂଆପଡ଼ାରୁ ୨, ଗଞ୍ଜାମ, ଜଗତ୍ସିଂହପୁର, କୋରାପୁଟ, ନୟାଗଡ଼ ଓ ସୋନପୁର ଜଣେ ଏବଂ ଷ୍ଟେଟ୍ ପୁଲରୁ ୨ ଜଣ ଆରୋଗ୍ୟ ଲାଭ କରିଛନ୍ତି। ଏ ନେଇ ରାଜ୍ୟର ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି।
