ପରଜଙ୍ଗ, ୧।୫(ଡି.ଏନ୍.ଏ.)-ସୁରଟ୍ରେ ରହି କାର୍ଯ୍ୟ କରୁଥିବାବେଳେ ୪ ମହଲା କୋଠାରୁ ଖସି ପ୍ରାଣ ହରାଇଥିବା ଢେଙ୍କାନାଳ ଜିଲା ପରଜଙ୍ଗ ବ୍ଲକ କଙ୍କିଳି ଗ୍ରାମର ଆଲୋକ ନାୟକଙ୍କ ମୃତଦେହ ଶୁକ୍ରବାର ଗଁ।ରେ ପହଞ୍ଚତ୍ଛି। ମରଶରୀରକୁ ଏକ ସ୍ବତନ୍ତ୍ର ଆମ୍ବୁଲାନ୍ସରେ ପୈତୃକ ଗଁ।କୁ ଅଣାଯାଇଥିଲା। ପରିବାର ଲୋକେ ପୁଅକୁ ଶେଷଥର ଲାଗି ଦେଖିବାକୁ ଚାହିଁ ରହିଥିବାବେଳେ ମୃତଦେହ ପହଞ୍ଚତ୍ବା ପରେ ସୃଷ୍ଟି ହୋଇଥିଲା ଶୋକାକୁଳ ପରିବେଶ। ଅନ୍ୟପଟେ ମୃତଦେହ ସହ ଆସିଥିବା ଆଲୋକଙ୍କ ୪ ସହଯୋଗୀଙ୍କୁ ପଞ୍ଚାୟତ ପକ୍ଷରୁ କରାଯାଇଥିବା କ୍ୱାରାଣ୍ଟାଇନ୍ ସେଣ୍ଟରରେ ରଖାଯାଇଛି।
ସୂଚନାଯୋଗ୍ୟ, ଆଲୋକ ସୁରଟ୍ର ପାଣ୍ଡେସରସ୍ଥିତ ସୁଧା କଲୋନୀର ଚତୁର୍ଥ ମହଲାରେ ଘର ଭଡ଼ା ନେଇ ରହୁଥିଲେ। ଗତ ଏପ୍ରିଲ ୨୮ ରାତି ପ୍ରାୟ ୧୧ଟାରେ ମା’ଙ୍କ ସହ ମୋବାଇଲ୍ରେ କଥା ହେଉଥିବାବେଳେ ସେ କୌଣସି କାରଣରୁ ଖସିପଡ଼ିଥିଲେ। ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା। ଅନ୍ୟପଟେ ଲକ୍ଡାଉନ୍ ସମୟରେ ପୁଅର ମୃତଦେହ କିପରି ଗଁ।କୁ ଆସିବ ସେ ନେଇ ପରିବାର ଲୋକେ ଚିନ୍ତିତ ହୋଇପଡ଼ିଥିଲେ। ଏପରି ବିପତ୍ତି ସମୟରେ ମୃତକଙ୍କ ପରିବାରକୁ ଆଶ୍ୱାସନା ଦେଇଥିଲେ ବରିଷ୍ଠ ଭାଜପା ନେତା ବିଭୂତି ପ୍ରଧାନ। ସେ ଘଟଣା ସମ୍ପର୍କରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସହ ଆଲୋଚନା କରିଥିଲେ। କେନ୍ଦ୍ରମନ୍ତ୍ରୀଙ୍କ ସହଯୋଗରେ ମୃତଦେହ ସୁରଟ୍ରୁ କଙ୍କିଳିକୁ ଆସିପାରିଛି। ସୁରଟ୍ ଜିଲା ପ୍ରଶାସନ ଏବଂ ଆଲୋକ କାମ କରୁଥିବା ରାଜ କ୍ରିଏଶନ କମ୍ପାନୀର ମାଲିକ ଆମ୍ବୁଲାନ୍ସରେ ଆଲୋକଙ୍କ ମୃତଦେହ ଓଡ଼ିଶା ପଠାଇବାର ବ୍ୟବସ୍ଥା କରିଥିଲେ। ପୂର୍ବାହ୍ନ ୯ଟାରେ ମରଶରୀର ଗଁ।ରେ ପହଞ୍ଚତ୍ଥିଲା। ଭାଜପା ନେତା ବିଭୂତି ପ୍ରଧାନ, ଯୁବ ବିଜେଡି ସଭାପତି ସୁବ୍ରତ ଦାସ, ସରପଞ୍ଚ ପ୍ରିୟଜିତ୍ ସାମଲ ଏବଂ ପ୍ରଶାସନିକ ଅଧିକାରୀଙ୍କ ଉପସ୍ଥିତିରେ ଗଁ। ଶ୍ମଶାନରେ ଆଲୋକଙ୍କ ଶେଷକୃତ୍ୟ ସମ୍ପନ୍ନ ହୋଇଛି। ତହସିଲଦାର ଜୟନ୍ତ କୁମାର ଜୟସିଂ ରେଡ୍କ୍ରସ୍ ତରଫରୁ ମୃତ ଯୁବକଙ୍କ ପରିବାରକୁ ୧୦ ହଜାର ଟଙ୍କା ସହାୟତା ପ୍ରଦାନ କରିଛନ୍ତି।
