ସୁଧାର ଗୃହରୁ ୭ ଅନ୍ତେବାସୀ ଫେରାର
10:55 amMay 20, 2020May 20, 2020 / 21

ବ୍ରହ୍ମପୁର ଅଫିସ,୨୦ା୫-ବ୍ରହ୍ମପୁର ବୈଦ୍ୟନାଥପୁର ଥାନା ଅନ୍ତର୍ଗତ ସ୍ବତନ୍ତ୍ର ସୁଧାର ଗୃହରୁ ମଙ୍ଗଳବାର ପୂର୍ବାହ୍ନ ୧୦ଟା ବେଳେ ସେଠାରେ ଥିବା ୭ ଜଣ ଅନ୍ତେବାସୀ ଫେରାର ହୋଇଯାଇଛନ୍ତି। ଏପରିକି ଅନ୍ତେବାସୀମାନେ ସୁରକ୍ଷା କର୍ମୀଙ୍କୁ ମାରଣାସ୍ତ୍ର ଦେଖାଇବା ସହ ଆକ୍ରମଣ କରିଥିବା ନେଇ ଡି.ରାମଣା ଥାନାରେ ଅଭିଯୋଗ କରିଛନ୍ତି। ପୋଲିସ ନଂ.୧୧୩/୨୦ରେ ଏକ ମାମଲା ରୁଜୁ କରି ଫେରାର ଅନ୍ତେବାସୀଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛି ବୋଲି ଥାନାଧିକାରୀ ସାରଦା ପ୍ରସନ୍ନ ଦାଶ ସୂଚନା ଦେଇଛନ୍ତି।
ପ୍ରକାଶ ଯେ, ବିଭିନ୍ନ ଅପରାଧରେ ସମ୍ପୃକ୍ତ ଥାଇ ସୁଧାର ଗୃହରେ ଥିବା ଫୁଲବାଣୀ, କଳାହାଣ୍ଡି, ନୟାଗଡ଼ ଓ ଗଞ୍ଜାମ ଜିଲାର ନାବାଳକମାନେ ଯୋଜନାବଦ୍ଧ ଭାବେ ମଙ୍ଗଳବାର ସକାଳେ ସୁରକ୍ଷା କର୍ମୀଙ୍କୁ ଆକ୍ରମଣ କରିଥିଲେ। ଏପରିକି ତାଙ୍କ ପକେଟରୁ ଚାବି ବାହାର କରି ଗେଟ୍‌ ଖୋଲି ଫେରାର ହୋଇଯାଇଥିଲେ। ସୁଧାର ଗୃହ ନିକଟରେ ଥିବା ରେଳ ଧାରଣା କଡ଼ରେ ସେମାନେ ଦୌଡ଼ୁଥିବା ବେଳେ ସୁରକ୍ଷା କର୍ମୀ ରାମଣା ପିଛା କରିଥିଲେ ମଧ୍ୟ ଧରିପାରି ନ ଥିଲେ। ଅନ୍ତେବାସୀମାନେ କ’ଣ ପାଇଁ ଫେରାର ହୋଇଯାଇଛନ୍ତିି ତାର କାରଣ ଜଣାପଡିନାହିଁ।