Posted inଜାତୀୟ

ସୀମାରେ ବଳ ବଢ଼ାଉଛି ଚାଇନା

ନୂଆଦିଲ୍ଲୀ,୨୭ା୫ : ସାରା ବିଶ୍ୱରେ କରୋନା ଭାଇରସ୍‌ ସଂକ୍ରମଣର କାରଣ ସାଜିଥିବା ଚାଇନାକୁ ଅନ୍ତର୍ଜାତୀୟ ସମୁଦାୟ କାଠଗଡ଼ାରେ ଛିଡ଼ା କରାଇଥିବାବେଳେ ନିଜ ପାପରୁ ଧ୍ୟାନ ହଟାଇବା ପାଇଁ ଚାଲ୍‌ କରିଛି ବେଜିଂ। ଲଦାଖ ନିକଟରେ ଭାରତୀୟ ଯବାନଙ୍କ ସହ ପିପୁଲ୍ସ ଲିବରେଶନ ଆର୍ମି (ପିଏଲ୍‌ଏ) ସୈନ୍ୟମାନେ ମୁହଁାମୁହିଁ ହେବା ପରେ ଚାଇନାର ଆଉ ଏକ ଷଡ଼ଯନ୍ତ୍ର ସାମ୍ନାକୁ ଆସିଛି। ଲଦାଖ ସୀମାରେ ଚାଇନା ସୈନ୍ୟ ବଳ ବଢ଼ାଇବା ସହ ତା’ର ଏୟାରବେସ୍‌କୁ ବିସ୍ତାର କରୁଥିବା ଉପଗ୍ରହ ଜରିଆରେ ସଂଗୃହୀତ ଚିତ୍ରରୁ ଜଣାପଡ଼ିଛି।
ମେ ୫ ଓ ୬ ତାରିଖରେ ପାଙ୍ଗୋଙ୍ଗ ହ୍ରଦ ନିକଟରେ ଭାରତ ଓ ଚାଇନାର ସୁରକ୍ଷା ବଳ ମଧ୍ୟରେ ସଂଘର୍ଷ ଘଟିଥିଲା। ଏହାକୁ ୧୯୯୯ କାର୍‌ଗିଲ ଯୁଦ୍ଧ ପରଠୁ ସବୁଠୁ ବଡ଼ ସୀମା ବିବାଦ ବୋଲି କୁହାଯାଉଛି। ସେହି ସ୍ଥାନରୁ ୨୦୦ କି.ମି ଦୂର ସ୍ଥିତ ଏକ ଅତ୍ୟୁଚ୍ଚ ଅଞ୍ଚଳରେ ଚାଇନା ବଡ଼ ଧରଣର ନିର୍ମାଣ ଆରମ୍ଭ କରିଥିବା ଉପଗ୍ରହ ଚିତ୍ରରେ ଦେଖିବାକୁ ମିଳିଛି। ଶ୍ୟାଡୋବ୍ରେକ୍‌ ଇଣ୍ଟେଲିଜେନ୍ସର ଗୋଇନ୍ଦା ବିଶ୍ଳେଷକ ଡିଟ୍ରେସ୍ଫାଠାରୁ ତିବ୍ବତର ନଗାରି ଗୁନ୍ସା ବିମାନବନ୍ଦର ଦୁଇଟି ଫଟୋ ମିଳିଛି। ପ୍ରଥମ ଫଟୋ ୨୦୨୦ ଏପ୍ରିଲ ୬ରେ ଉଠାଯାଇଥିବାବେଳେ ଦ୍ୱିତୀୟ ଫଟୋଟି ମେ ୨୧ର। ଫଟୋରୁ ଜଣାପଡ଼ୁଛି ଯେ, ଚାଇନା ଉକ୍ତ ଅଞ୍ଚଳରେ ନିର୍ମାଣ କାର୍ଯ୍ୟ ଚଳାଇଛି। ଦ୍ୱିତୀୟ ଫଟୋରେ ଏୟାରବେସ୍‌ର ଟର୍ମାକ୍‌ରେ ହେଲିକପ୍ଟର ବା ଯୁଦ୍ଧବିମାନ ରଖିବା ପାଇଁ ବ୍ୟବସ୍ଥା କରାଯାଉଥିବା ଜଣାପଡ଼ୁଛି। ସେହିପରି ନିର୍ମାଣସ୍ଥଳର ଖୁବ୍‌ ନିକଟରୁ ନିଆଯାଇଥିବା ତୃତୀୟ ଫଟୋରେ କ୍ରମାନ୍ବୟରେ ୪ଟି ଫାଇଟର ଜେଟ୍‌ ରଖାଯାଇଥିବା ଦେଖିବାକୁ ମିଳିଛି। ଉକ୍ତ ବିମାନଗୁଡ଼ିକ ପିଏଲ୍‌ଏର ଜେ-୧୧ କିମ୍ବା ଜେ-୧୬ ବୋଲି ଅନୁମାନ କରାଯାଉଛି। ଏହି ଯୁଦ୍ଧବିମାନଗୁଡ଼ିକ ରୁଷିଆର ସୁଖୋଇ ୨୭ର ଚାଇନା ସଂସ୍କରଣ ହୋଇଥିବାବେଳେ ଭାରତୀୟ ବାୟୁସେନାର ସୁଖୋଇ ଏମ୍‌କେଆଇ ସହ ଏହାର ଯୁଦ୍ଧ କ୍ଷମତା ରହିଛି। ନଗାରି ଗୁନ୍ସା ଏୟାରବେସ୍‌ର ଅବସ୍ଥିତି ବିଶେଷ ଗୁରୁତ୍ୱପୂର୍ଣ୍ଣ। ଏଠାରେ ଉଭୟ ସାମରିକ ଓ ବେସାମରିକ ବିମାନବନ୍ଦର ରହିଛି। ୧୪,୦୨୨ ଫୁଟ ଉଚ୍ଚତାରେ ଥିବା ଏହି ବିମାନବନ୍ଦରରୁ ତିବ୍ବତର ଶିକ୍ୱାନ୍‌ହେ ସହରକୁ ବିମାନ ଚଳାଚଳ କରିଥାଏ। ପ୍ରକୃତ ନିୟନ୍ତ୍ରଣରେଖା (ଏଲ୍‌ଏସି)ର ଅତି ନିକଟରେ ଥିବାରୁ ଭାରତ ପାଇଁ ଚିନ୍ତାର କାରଣ ପାଲଟିଛି।

ମୋଦି-ଡୋଭାଲ-ରାଓ୍ବତ୍‌ଙ୍କ ସହ ତିନି ସେନା ମୁଖ୍ୟଙ୍କ ମନ୍ତ୍ରଣା

ଲଦାଖ ସୀମାରେ ଚାଇନା ସହ ବିବାଦକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ଏକ ଗୁରୁତ୍ୱପୂର୍ଣ୍ଣ ବୈଠକ କରିଛନ୍ତି। ଏଥିରେ ଜାତୀୟ ସୁରକ୍ଷା ପରାମର୍ଶଦାତା (ଏନ୍‌ଏସ୍‌ଏ) ଅଜିତ ଡୋଭାଲ, ଡିଫେନ୍ସ ଷ୍ଟାଫ୍‌ ମୁଖ୍ୟ (ସିଡିଏସ୍‌) ଜେନେରାଲ ବିପିନ ରାଓ୍ବତଙ୍କ ସହ ତିନି ସେନା ମୁଖ୍ୟ ଉପସ୍ଥିତ ଥିଲେ। ବାହ୍ୟ ଚ୍ୟାଲେଞ୍ଜର ମୁକାବିଲା ପାଇଁ ଭାରତର ସାମରିକ ପ୍ରସ୍ତୁତି ସମ୍ପର୍କରେ ବୈଠକରେ ପ୍ରଧାନମନ୍ତ୍ରୀ ସମୀକ୍ଷା କରିଥିବା ଜଣାପଡ଼ିଛି। ପୂର୍ବ ଲଦାଖରେ ଉପୁଜିଥିବା ସ୍ଥିତି ସମ୍ପର୍କରେ ତିନି ସେନାର ଶୀର୍ଷ ଅଧିକାରୀମାନେ ପ୍ରଧାନମନ୍ତ୍ରୀଙ୍କୁ ଅବଗତ କରାଇଛନ୍ତି। ଏହା ପୂର୍ବରୁ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ମଧ୍ୟ ପାଙ୍ଗୋଙ୍ଗ ହ୍ରଦ, ଗଲଓ୍ବାନ୍‌ ଉପତ୍ୟକା, ଡେମ୍‌ଚୋକ୍‌ ଓ ଦୌଲତ ବେଗ୍‌ ଓଲ୍ଡି ଆଦି ଅଞ୍ଚଳର ସ୍ଥିତି ସମୀକ୍ଷା କରିଥିଲେ। ଏହି ଅଞ୍ଚଳରେ ୨୦ ଦିନ ତଳେ ଦୁଇଦେଶର ସେନା ମୁହଁାମୁହିଁ ହୋଇଥିଲେ।

ଯୁଦ୍ଧ ପାଇଁ ପ୍ରସ୍ତୁତ ହୁଅ

ଯୁଦ୍ଧ ଲାଗି ପ୍ରସ୍ତୁତ ହେଉଛି ପଡ଼ୋଶୀ ଚାଇନା। ରାଷ୍ଟ୍ରପତି ଜି. ଜିନ୍‌ପିଙ୍ଗ ମଙ୍ଗଳବାର ସେନାକୁ ଯୁଦ୍ଧ ଲାଗି ପ୍ରସ୍ତୁତ ରହିବା ଲାଗି ନିର୍ଦ୍ଦେଶ ଦେଇଛନ୍ତି। ଚାଇନାର ଶକ୍ତିଶାଳୀ ସେଣ୍ଟ୍ରାଲ ମିଲିଟାରି କମିଶନରେ ଅଧ୍ୟକ୍ଷତା କରି ପିପୁଲ୍ସ ଲିବରେଶନ ଆର୍ମି ଓ ପିପୁଲ୍ସ ଆର୍ମଡ୍‌ ପୋଲିସ ଫୋର୍ସକୁ ସେ ଏଭଳି ଆହ୍ବାନ ଦେଇଛନ୍ତି। କରୋନା ମହାମାରୀ କବଳରୁ ବିଶ୍ୱ ମୁକୁଳିବାର ରାସ୍ତା ଖୋଜି ପାଉ ନ ଥିବାବେଳେ ଚାଇନାର ଏଭଳି ରଣହୁଙ୍କାର ସମସ୍ତଙ୍କୁ ଆଶ୍ଚର୍ଯ୍ୟ କରିଛି। କରୋନା ଉତ୍ପତ୍ତିକୁ ନେଇ ଆମେରିକା ସହ ବାକ୍‌ଯୁଦ୍ଧ, ତାଇଓ୍ବାନ ପ୍ରସଙ୍ଗ, ଲଦାଖରେ ଭାରତ-ଚାଇନା ସେନା ମଧ୍ୟରେ ଛକାପଞ୍ଝା ଯୁଦ୍ଧ ଆଶଙ୍କାକୁ ବଢ଼ାଇ ଦେଇଛି। ଜାତୀୟ ସାର୍ବଭୌମତ୍ୱର ସୁରକ୍ଷା ଲାଗି ସେନା ପ୍ରଶିକ୍ଷଣ ଓ ଯୁଦ୍ଧ ଲାଗି ପ୍ରସ୍ତୁତ ରହିବାକୁ ଜିନ୍‌ପିଙ୍ଗ ନିର୍ଦ୍ଦେଶ ଦେଇଥିବା ମିଡିଆ ରିପୋର୍ଟରୁ ଜଣାପଡ଼ିଛି।
ଗତ ଦୁଇଦିନ ତଳେ ଚାଇନାର ବରିଷ୍ଠ କୂଟନୀତିଜ୍ଞ ଓ୍ବାଙ୍ଗ ୟି ଆମେରିକାର ମନଗଢ଼ା ରାଜନୈତିକ ଆକ୍ଷେପକୁ ସମାଲୋଚନା କରିଥିଲେ। ଚାଇନାରୁ କରୋନା ଭୂତାଣୁ ଆସିଥିବା ଓ ଭୂତାଣୁ ସମ୍ପର୍କରେ ତଥ୍ୟ ଲୁଚାଯାଇଥିବା ଅଭିଯୋଗ କରାଯାଇଥିଲା। କେତେକ ୟୁରୋପୀୟ ଦେଶ ଆମେରିକାକୁ ସମର୍ଥନ ମଧ୍ୟ କରିଥିଲେ। ଏବେ ଲଦାଖରେ ଭାରତ- ଚାଇନା ସେନା ମଧ୍ୟରେ ମୁହାଁମୁହିଁ ହେବା ପରିସ୍ଥିତିକୁ ସରଗରମ କରିପକାଇଛି। ଲଦାଖ ସୀମାରେ ଥିବା ୩,୪୮୮ କି.ମି. ବିବାଦୀୟ ଅଞ୍ଚଳକୁ ନେଇ ଦୁଇଦେଶ ମଧ୍ୟରେ ତିକ୍ତତା ବଢ଼ିବାରେ ଲାଗିଛି। ସମ୍ବେଦନଶୀଳ ଅଞ୍ଚଳରେ ଉଭୟ ଦେଶ ପକ୍ଷରୁ ଅଧିକ ସେନା ମୁତୟନ କରାଯାଇଛି। ଚାଇନାର ପ୍ରତିରକ୍ଷା ବଜେଟ ବୃଦ୍ଧି ଓ ସେନା ଆଧୁନିକୀକରଣ ଏବେ ଚିନ୍ତା ବଢ଼ାଇଦେଇଛି।


Enter your email to get our daily news in your inbox.

All Right Reserved By Dharitri.Com

ନବଜାତ ଶିଶୁର ନାମକରଣ କଲେ ମୁଖ୍ୟମନ୍ତ୍ରୀ ମାନ

ଚଣ୍ଡିଗଡ଼,୨୯।୩: ପଞ୍ଜାବର ମୁଖ୍ୟମନ୍ତ୍ରୀ ଭଗବନ୍ତ ମାନଙ୍କ ଘରେ ମାର୍ଚ୍ଚ ୨୬ରେ ଏକ କନ୍ୟା ସନ୍ତାନ ଜନ୍ମ ହୋଇଥିଲା। ମୁଖ୍ୟମନ୍ତ୍ରୀ ଭାଗବତ ମନ ନିଜେ ସୋସିଆଲ ମିଡିଆ...

ବିହାରରେ ମହାମେଣ୍ଟର ସିଟ୍‌ ଫାଇନାଲ, ଆରଜେଡିକୁ ୨୬, କଂଗ୍ରେସକୁ ୯

ପାଟନା,,୨୯।୩: ବିହାରରେ ୪୦ଟି ଲୋକ ସଭା ଆସନ ବଣ୍ଟନ ନେଇ ଗ୍ରାଣ୍ଡ ଆଲାଇନ୍ସ ମଧ୍ୟରେ ଅନେକ ଦିନ ଧରି ବିବାଦ ଲାଗି ରହିଥିଲା। ବର୍ତ୍ତମାନ ଆରଜେଡି,...

ଏନଡିଏରେ ଯୋଗଦେବାର ୮ ମାସ ପରେ ପ୍ରଫୁଲ ପଟେଲଙ୍କ ବିରୋଧରେ କେସ୍ ବନ୍ଦ କଲା ସିବିଆଇ

ନୂଆଦିଲ୍ଲୀ,୨୯।୩: ଏନସିପି ନେତା ପ୍ରଫୁଲ୍ଲ ପଟେଲ, ଅଜିତ ପାୱାର ଏବଂ ଅନ୍ୟ ଦଳର ନେତାମାନେ ଏନଡିଏରେ ଯୋଗଦେବା ପରେ ଆଠ ମାସ ପରେ ସିବିଆଇ ଏୟାର...

ଦିଲ୍ଲୀରେ ଚାଲିବ ‘କେଜରିଓ୍ବାଲ ଆଶୀର୍ବାଦ’ ଅଭିଯାନ: ସୁନୀତା

ନୂଆଦିଲ୍ଲୀ,୨୯।୩: ଏହି ମଦ ଦୁର୍ନୀତି ସହ ଜଡିତ ଅର୍ଥ ହେରଫେର ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ଇଡି ହେପାଜତରେ ଅଛନ୍ତି। କୋର୍ଟ ତାଙ୍କ ରିମାଣ୍ଡ...

ଏଠାରେ ବିଧାୟକଙ୍କୁ ଦରକାର ଗଧ, ସରକାରଙ୍କୁ କଲେ ଡିମାଣ୍ଡ

ଜୟପୁର,୨୯।୩: ଦେଶକୁ ସଫା ସୁତୁରା ରଖିବା ପାଇଁ ସରକାର ଅନେକ କାର୍ଯ୍ୟକ୍ରମ ଚଳାଇଛନ୍ତି। ଏଥିରେ ପ୍ରତ୍ୟେକ ଘରୁ ଅଳିଆ ସଂଗ୍ରହ କରିବାକୁ ଏକ ଅଳିଆ ଭ୍ୟାନ...

କଶ୍ମୀରର କେଶର, ତାମିଲନାଡୁର ମୋତି… ଜାଣନ୍ତୁ ବିଲ ଗେଟ୍ସଙ୍କୁ ଉପହାରରେ କ’ଣ କ’ଣ ଦେଲେ ମୋଦି

ନୂଆଦିଲ୍ଲୀ,୨୯।୩: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମାଇକ୍ରୋସଫ୍ଟ ପ୍ରତିଷ୍ଠାତା ବିଲ ଗେଟ୍ସଙ୍କୁ ଭେଟିଥିଲେ। ଏହି ସମୟରେ, ଭୋକାଲ ଫର ଲୋକାଲର ଏକ ଗିଫ୍ଟ ଗେଟ୍ସଙ୍କୁ ଦେଇଛନ୍ତି। ଯେଉଁଥିରେ...

ପିତାଙ୍କ କବର ନିକଟରେ ପୋତି ଦିଆଯିବ ମୁଖତାର ଅନସାରୀଙ୍କ ମୃତଦେହ

ଲକ୍ଷ୍ନୌ,୨୯।୩: ପୂର୍ବତନ ବିଧାୟକ ମୁଖତାର ଅନସାରଙ୍କର ଗୁରୁବାର (୨୮ ମାର୍ଚ୍ଚ) ବିଳମ୍ବିତ ରାତିରେ ହୃଦଘାତରେ ମୃତ୍ୟୁ ହୋଇଛି। ତାଙ୍କ ମୃତ୍ୟୁ ପରେ ସାରା ରାଜ୍ୟରେ ଧାରା...

ଆମ ପିଲା ବହୁତ ଆଡ୍‌ଭାନ୍ସ: ଜନ୍ମ ହେବା ମାତ୍ରେ କୁହନ୍ତି AI

ନୂଆଦିଲ୍ଲୀ,୨୯ା୩: ଲୋକ ସଭା ନିର୍ବାଚନ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ମାଇକ୍ରୋସଫ୍ଟ ସହ ପ୍ରତିଷ୍ଠାତା ବିଲ୍‌ ଗେଟ୍ସ ଅନେକ ପ୍ରସଙ୍ଗରେ ଆଲୋଚନା କରିଥିଲେ। ଏହା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri