ଆମ ଦେଶର ଅନ୍ୟତମ ଲୋକପ୍ରିୟ ଖେଳ ହେଲା ଫୁଟବଲ୍। ଏହାର ସ୍ବର୍ଣ୍ଣ ଜୟନ୍ତୀ ଅବସରରେ ନିର୍ମିତ ହେଉଛି ହିନ୍ଦୀ ସିନେମା ‘ମୈଦାନ’। ଏଥିରେ ଅଜୟ ଦେବଗନ ଫୁଟବଲ ଖେଳାଳି ତଥା ଭାରତୀୟ ଫୁଟବଲ ଦଳର ମ୍ୟାନେଜର ଭାବରେ ଦାୟିତ୍ୱ (୧୯୫୦-୧୯୬୩) ତୁଲାଇଥିବା ସୟଦ ଅବଦୁଲ ରହିମ ଭୂମିକାରେ ଅଭିନୟ କରିବେ। ହେଲେ ଏଥିରେ ତାଙ୍କ ମା’ ରୋଲ୍ରେ କାହାକୁ ସାଇନ୍ କରାଯିବ ସେ ନେଇ ବେଶ୍ ବିଚାର ବିମର୍ଶ କରିବା ପରେ ୨୭ବର୍ଷ ବୟସ୍କା କୀର୍ତ୍ତି ସୁରେଶଙ୍କୁ ସାଇନ୍ କରାଯାଇଥିଲା। ହେଲେ ମେକଅପ ନେବା ପରେ ସେ ଏତେ ୟଙ୍ଗ ଦେଖାଗଲେ ଯେ ନିର୍ଦ୍ଦେଶକ ଅମିତ ରବୀନ୍ଦ୍ରନାଥ ଶର୍ମା ତାଙ୍କୁ କାଷ୍ଟିଂରୁ ବାଦ୍ ଦେବାକୁ ବାଧ୍ୟ ହୋଇଥିଲେ। ଏବେ ଅନ୍ୟତମ ଲୋକପ୍ରିୟ ତାମିଲ ଅଭିନେତ୍ରୀ ପ୍ରିୟାମଣିଙ୍କୁ ସାଇନ୍ କରାଯାଇଛି। ୩୫ବର୍ଷ ବୟସ୍କ ପ୍ରିୟାମଣି ଅଫରଟି ପାଇବା ପରେ ମଧ୍ୟ ରାଜି ହୋଇଯାଇଥିଲେ। ଜି ଷ୍ଟୁଡିଓ, ବୋନି କପୁର, ଆକାଶ ଚାଓ୍ବଲା, ଅରୁନଭା ରୟ ସେନଗୁପ୍ତା, ସ୍ବାୟନ କ୍ୱାଡ୍ରସ ଏବଂ ରିତେଶ ଶାହା ‘ମୈଦାନ’ର ପ୍ରଯୋଜନା କରୁଛନ୍ତି। ଫୁଟବଳ ଉପରେ ପ୍ରସ୍ତୁତ ହେଉଥିବା ଏହି ଫିଲ୍ମଟି ଚଳିତ ମାସ ୨୭ରେ ରିଲିଜ ହେଉଛି।
