ତାମିଲ ତଥା ବଲିଉଡ୍ ଅଭିନେତ୍ରୀ ଆସିନ ବ୍ୟବସାୟୀ ରାହୁଲ ଶର୍ମାଙ୍କୁ ବିବାହ କରିବା ପରଠାରୁ ଅଭିନୟଠାରୁ ଦୂରେଇ ଯାଇଛନ୍ତି। ମାତ୍ର ସବୁ ସମୟରେ ସେ ନିଜର ଏବଂ ଝିଅ ଆରିନର ଫଟୋ ସୋସିଆଲ ମିଡିଆରେ ଶେୟାର କରି ପ୍ରଶଂସକଙ୍କ ସହ ଯୋଡି ହୋଇ ରହିଛନ୍ତି। ଏବେ ଆସିନ ଝିଅର କିଛି ଭିଡିଓ ଶେୟାର କରିଛନ୍ତି। ଭିଡିଓରେ କୁନି ଝିଅ ଆରିନ ରୋଷେଇ କରୁଥିବାର ଦେଖିବାକୁ ମିଳୁଛି।
ଗୋଟିଏ ଭିଡିଓରେ ଆରିନ ପରିବା କାଟି ପ୍ୟାନ୍ରେ ରଖୁଥିବା ବେଳେ ଅନ୍ୟ ଏକ ଭିଡିଓରେ ଘରର ଚଟାଣ ସଫା କରୁଛନ୍ତି। ଇତିମଧ୍ୟରେ ସେ କାମ କରି କରି ଥକିଯାଇ ଘର ଚଟାଣରେ ବସି ପଡ଼ୁଥିବା ମଧ୍ୟ ଦେଖିବାକୁ ମିଳୁଛି। ଏହି ଭିଡିଓଟିକୁ ପ୍ରଶଂସକମାନେ ଖୁବ୍ ପସନ୍ଦ ମଧ୍ୟ କରୁଛନ୍ତି।
