ପୁରୀ ଅଫିସ,୮ା୫: ରଥ ନିର୍ମାଣକୁ ନେଇ କିଛିଦିନ ଧରି ଚାଲିଥିବା କଳ୍ପନା ଜଳ୍ପନାର ଅବସାନ ଘଟିଛି। ଶୁକ୍ରବାର ରଥଖଳାରେ ଆରମ୍ଭ ହୋଇଛି ତିନିରଥ ନିର୍ମାଣ କାର୍ଯ୍ୟ। କେନ୍ଦ୍ର ଗୃହ ମନ୍ତ୍ରଣାଳୟ ରଥ ନିର୍ମାଣ ଲାଗି ଗୁରୁବାର ସର୍ତ୍ତମୂଳକ ଅନୁମତି ଦେବା ପରେ ରାତିରେ ଜିଲାପାଳ ବଲଓ୍ବନ୍ତ ସିଂ ତିନିରଥର ମୁଖ୍ୟ ମହାରଣା ଏବଂ ପରିଚାଳନା କମିଟି ସଦସ୍ୟଙ୍କୁ ଡାକି ଆଲୋଚନା କରିଥିଲେ। ବୈଠକରେ ହୋଇଥିବା ନିଷ୍ପତ୍ତି ମୁତାବକ ଶୁକ୍ରବାର ସକାଳୁ ରଥଖଳାରେ କାମ ଆରମ୍ଭ ହୋଇଛି। ସରକାରଙ୍କ ଲକ୍ଡାଉନ୍ କଟକଣାକୁ ପାଳନ କରି ମହାରଣା ସେବକମାନେ କାମ ଆରମ୍ଭ କରିଛନ୍ତି। ଭୋଇ ସେବକମାନେ ମଧ୍ୟ ମହାରଣା ସେବକଙ୍କୁ ସହଯୋଗ କରୁଛନ୍ତି। ରୂପକାର ସେବକମାନେ ମଧ୍ୟ ରଥଖଳାରେ ପହଞ୍ଚିଛନ୍ତି। ବିଶେଷକରି ସାମାଜିକ ଦୂରତା କିପରି ରକ୍ଷା କରିହେବ ତା ଉପରେ ଗୁରୁତ୍ୱ ଦେଇଛନ୍ତି ନିିର୍ମାଣକାରୀ।
ରଥଖଳାକୁ କପଡ଼ାରେ ଆବଦ୍ଧ କରାଯାଇ କାମ କରାଯାଉଛି। ପ୍ରଥମେ ତୁମ୍ବ କାମ ଆରମ୍ଭ ହୋଇଥିବା ମହାରଣା ସେବକ କହିଛନ୍ତି।
