ମୁନିଗୁଡା,୧୬।୧୧: ରାୟଗଡା ଜିଲା ମୁନିଗୁଡାରେ ନୂତନ ଭାବେ ହେବାକୁ ଥିବା ଜେଏମ୍ଏଫ୍ସି କୋର୍ଟ ପାଇଁ ଶୁକ୍ରବାର ଜାଗା ଚି଼ହ୍ନଟ ପ୍ରକ୍ରିୟା ଆରମ୍ବ ହୋଇଛି। ମୁନିଗୁଡା ତହସିଲଦାର ଦେବାଶିଷ ଗୌଡ଼ଙ୍କ ନେତୃତ୍ୱରେ ଏକ ବୈଠକ ଅନୁଷ୍ଠିତ ହୋଇଥିଲା। ଉକ୍ତ ବୈଠକରେ ରାଜସ୍ବ ନିରୀକ୍ଷକ ନିଳାଞ୍ଚଳ ଗୌଡ଼, ଅତିରିକ୍ତ ରାଜସ୍ବ ନିରୀକ୍ଷକ ଦେବଦତ୍ତ ପଣ୍ଡା, ମୁନିଗୁଡାର ବରିଷ୍ଠ ଆଇନଜୀବୀ ତଥା ବିଷମକଟକ ବାର ଆସୋସିଏସନର ପୂର୍ବତନ ସଭାପତି ବୃନ୍ଦାବନ ଗୌଡ଼, ମୁନିଗୁଡା ବିକାଶ ପରିଷଦର ଜି.କୁମାର ରାଜୁ, ପ୍ରମୁଖ ଉପସ୍ଥିତ ରହିଥିଲେ। ମୁନିଗୁଡା ତହସିଲଦାର ଅଧୀନରେ ଥିବା ବିଭିନ୍ନ ସ୍ଥାନକୁ ମ୍ୟାପରେ ଦେଖିବା ପରେ ସେଥି ମଧ୍ୟରୁ ହୁକୁମତଳା ମୌଜାର ୧୪୨ ନମ୍ବର ପ୍ଲଟର ୫ ଏକର ଜାଗାକୁ ଚୟନ କରାଯାଇଥିଲା। ଜମିକୁ ଦେଖିବା ପରେ ଏନେଇ ଏକ ରିପୋର୍ଟ ଜିଲାପାଳଙ୍କୁ ପ୍ରଦାନ କରାଯାଇ ଆଗାମୀ ପଦକ୍ଷେପ ନିଆଯିବ ବୋଲି ତହସିଲଦାର ଗୌଡ଼ କହିଛନ୍ତି।
