ମହାକାଳପଡ଼ା,୨୮।୫(ଡି.ନ୍.ଏ.): କେନ୍ଦ୍ରାପଡ଼ା ଜିଲା ମହାକାଳପଡା ବ୍ଲକ ଅଧୀନ ଗୋପାଳପୁର ଗ୍ରାମରେ ସୋମବାର ବିଳମ୍ବିତ ରାତିରେ ସ୍ତ୍ରୀ ମଦ ପିଇବା ପାଇଁ ଟଙ୍କା ନ ଦେବାରୁ ସ୍ବାମୀ ତାଙ୍କୁ ହତ୍ୟା କରିଛନ୍ତି। ମୃତ ମହିଳା ହେଲେ ବାସନ୍ତୀ ସୂତାର(୨୮)।
ସୂଚନାଯୋଗ୍ୟ, ସ୍ବାମୀ ବାବୁଲି ବାସନ୍ତୀଙ୍କୁ ମଦ ପିଇବାକୁ ଟଙ୍କା ମାଗିିଥିଲେ। ବାସନ୍ତୀ ଟଙ୍କା ଦେବାକୁ ମନା କରିବାରୁ ଉଭୟଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା। ଏଥିରେ ରାଗିଯାଇ ବାବୁଲି ବାସନ୍ତୀଙ୍କୁ ବାଡିରେ ପିଟି ପିଟି ହତ୍ୟା କରି ପଳାଇଯାଇଥିବା ବଡ଼ ଝିଅ ବସୁଧା (୮) କହିଛନ୍ତି। ତେବେ ବାସନ୍ତୀ ବାବୁଲିଙ୍କ ଦ୍ୱିତୀୟ ସ୍ତ୍ରୀ ହୋଇଥିବା ବେଳେ ତାଙ୍କର ଦୁଇ ଝିଅ ବସୁଧା ଓ ଯମୁନାଙ୍କ ସହ ଗୋପାଳପୁରରେ ରହୁଥିଲେ। ଖବର ପାଇ ମହାକାଳପଡା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ଏ ନେଇ ଥାନାରେ କେସ୍ ନଂ ୫୭/୧୯ରେ ଏକ ମାମଲା ରୁଜୁ ହୋଇଛି। ଏହା ସହ ସାଇଣ୍ଟିଫିକ୍ ଟିମ୍ ପହଞ୍ଚି ତଦନ୍ତ ଚଳାଇଛିି।
ଥାନା ଅଧିକାରୀ ମନୋରଞ୍ଜନ ଚୌଧୁରୀ କହିଛନ୍ତି, ତେବେ ତଦନ୍ତ ଚାଲିଛି ଫେରାର ବାବୁଲି ଧରାପଡିଲେ ଗିରଫ କରାଯିବ ବୋଲି ଥାନା ଅଧିକାରୀ କହିଛନ୍ତି।
