ରାୟଗଡ଼ା ଅଫିସ,୨୭।୧: ରାୟଗଡ଼ାର ମଝିଘରିଆଣି ମନ୍ଦିର ନିକଟରେ ଥିବା ବଙ୍ଗାଳିସାହିରେ ମହେଶ୍ୱର କଲାକା ମଦନିଶାରେ ସୋମବାର ନିଜଦେହରେ ମଦ ବୋତଲ ଭୁସି ଦେଇଛନ୍ତି। ରକ୍ତାକ୍ତ ଅବସ୍ଥାରେ ଘରୁ ଟାଉନ୍ ପୋଲିସ ଷ୍ଟେଶନକୁ ଦୌଡ଼ି ଯାଇ ନିଜେ ପୋଲିସଙ୍କୁ କହିଥିଲେ। ଏହା ପରେ ପୋଲିସ ତୁରନ୍ତ ଜିଲା ମୁଖ୍ୟ ଚିକିତ୍ସାଳୟରେ ତାଙ୍କୁ ଭର୍ତ୍ତି କରିଥିଲା। ତାଙ୍କ ସ୍ବାସ୍ଥ୍ୟାବସ୍ଥା ଗୁରୁତର ଥିବା ଡାକ୍ତର କହିଛନ୍ତି। ଭଉଣୀ ସୁଶି କଲାକା କୁହନ୍ତି, ଭାଇଙ୍କର ରବିବାର ରାତିରୁ ମାନସିକ ଅବସ୍ଥା ଠିକ୍ ନାହିଁ। ସେ ନିଜେ ଦେହରେ ମଦ ବୋତଲ ଭୁସି ମରିବି ବୋଲି ଭାଇ ତିରୁପୁ କଲାକାଙ୍କୁ କହିଥିଲେ l ତେବେ ପୋଲିସର ତଦନ୍ତ ପରେ ଅଧିକ ତଥ୍ୟ ଜଣାପଡ଼ିବ।
