ଖୋର୍ଦ୍ଧା ଅଫିସ, ୩୦।୧୦: ଖୋର୍ଦ୍ଧା ଜିଲା ଆଦର୍ଶ ଥାନା ଅନ୍ତର୍ଗତ ମୁକୁନ୍ଦପ୍ରସାଦ ଓ ଗୋଡିପୋଖରୀ ଛକରୁ ମଙ୍ଗଳବାର ରାତିରେ ସିରିଜ୍ ଚୋରି ହୋଇଛି। ଷ୍ଟିଲ ଓ ଫର୍ନିଚର ବ୍ୟବସାୟୀଙ୍କୁ ଗୋଟିଏ ରୁମ୍ରେ ତାଲା ପକାଇ ଚୋରମାନେ ଚୋରି କରିଛନ୍ତି। ସେହିପରି ଗୋଡିପୋଖରୀ ଛକରୁ ଦୀପ୍ତି ରଞ୍ଜନ ଦାସଙ୍କ ଦୋକାନରୁ ୫ ହଜାର ଟଙ୍କା ଚୋରି ହୋଇଛି। ମା’ ମଙ୍ଗଳା ଲେଡିଜ୍ କର୍ନର ଓ ବେକେରି ଶପ୍ର ତାଲା ଭଙ୍ଗା ଯାଇଥିବା ବେଳେ ଚୋରମାନେ କିଛି ନେଇପାରି ନାହାନ୍ତି। ସେହିପରି ମୁକୁନ୍ଦପ୍ରସାଦ ଛକର ୮ଟି ଦୋକାନରୁ ଚୋରି ହୋଇଛି । ତେବେ ୩ଜଣ ଚୋର ଏହିସବୁ କାଣ୍ଡ ଘଟାଇଥିବା ସିସିଟିଭି ଫୁଟେଜରେ କଏଦ ହୋଇଥିବା ଦେଖିବାକୁ ମିଳିଛି । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ସିସିଟିଭି ଫୁଟେଜ ଜବତକରି ତଦନ୍ତ ଆରମ୍ଭ କରିଛି ।
