ବିଲେଇ ପ୍ରତି ନିବେଦିତାଙ୍କ ଭଲପାଇବା: ନିଖୋଜ ହୋଇଯିବାରୁ ଗ୍ରହଣ କଲେନି ଖାଦ୍ୟ

ନୟାଗଡ଼ ଅଫିସ,୨୧|୬- ପୋଷା ବିଲେଇ ନିଖୋଜ ହୋଇଯିବାରୁ ଜଣେ ମହିଳା ୭ଦିନ ଧରି ଖାଇ ନ ଥିଲେ। ପରେ ଜଣେ କାମବାଲୀ ଉକ୍ତ ବିଲେଇର ସନ୍ଧାନ ଦେଇଥିଲେ। ଏହା ବଦଳରେ ମହିଳା ଜଣକ ତାଙ୍କୁ ପୁରସ୍କାର ସ୍ବରୂପ ୫୦୦ ଟଙ୍କା ଓ ଶାଢ଼ି ଦେଇଥିଲେ। ଏହି ମହିଳା ହେଉଛନ୍ତି ନୟାଗଡ଼ ପୌର ପରିଷଦର ଦେବୋତ୍ତର କଲୋନୀରେ ରହୁଥିବା ନିବେଦିତା ରାୟଗୁରୁ।
ରାଜସୁନାଖଳାର ବାସିନ୍ଦା ନିବେଦିତା ଜଣେ ଶିକ୍ଷୟିତ୍ରୀ। ପରିବାର ସହିତ ସେ ନୟାଗଡ଼ ଦେବୋତ୍ତର କଲୋନୀରେ ରୁହନ୍ତି। ୨ବର୍ଷ ତଳେ ଶଙ୍କାମାଟି ଗ୍ରାମର ଜଣେ ବ୍ୟକ୍ତିଙ୍କ ଘରୁ ନିବେଦିତା ଉକ୍ତ ବିଲେଇକୁ ଆଣିଥିଲେ। ସେ ତା’ର ନାମ ରଖିଥିଲେ ଶଙ୍ଖି। ଶଙ୍ଖିକୁ ସେ ନିଜ ପୁଅ ପରି ଲାଳନପାଳନ କରୁଥିଲେ। ଯୁଆଡ଼େ ଯାଆନ୍ତି ତା’ ପସନ୍ଦ ଖାଦ୍ୟ ଆଣନ୍ତି। ନିବେଦିତା ଘରକୁ ଫେରିବା ପରେ ବିଲେଇଟି ମଧ୍ୟ ତାଙ୍କ ପାଖକୁ ଆସି ଗେଲ ହୁଏ। ଏପରିସ୍ଥଳେ ୭ଦିନ ତଳେ ବିଲେଇଟି କେଉଁଆଡ଼େ ପଳାଇ ଯାଇଥିଲା। ପରିବାର ଲୋକେ ଖୋଜାଖୋଜି କରିଥିଲେ ମଧ୍ୟ ପାଇ ନ ଥିଲେ। ପରେ ନିବେଦିତା ମନ ଦୁଃଖରେ ରହିଥିଲେ। ଏପରି କି ୭ଦିନ ଖାଇ ନ ଥିଲେ। ବୁଧବାର ତାଙ୍କ ଘରେ କାମ କରୁଥିବା କାମବାଲୀ ଆସି ବିଲେଇଟି କଲୋନୀର ୩ ନମ୍ବର ଲେନ୍‌ରେ ଜଣେ ବ୍ୟକ୍ତିଙ୍କ ଶିଡ଼ି ତଳେ ରହିଥିବା ଖବର ଦେଇଥିଲେ। ପରେ ନିବେଦିତା ସେଠାକୁ ଯାଇ ଶଙ୍ଖିକୁ ସାଙ୍ଗରେ ଧରି ଆସିଥିଲେ। ୭ଦିନ ଧରି ବାହାରେ ବୁଲୁଥିବାବେଳେ ଅନ୍ୟ ବିରାଡ଼ିଙ୍କ ଆକ୍ରମଣର ଶିକାର ହୋଇଥିଲା ଶଙ୍ଖି। ଏଥିରେ ସେ କ୍ଷତାକ୍ତ ମଧ୍ୟ ହୋଇଥିଲା। ତେଣୁ ଭୟଭୀତ ହୋଇ ସେ ଅନ୍ୟଜଣଙ୍କ ଘରେ ପଶି ଶିଡ଼ି ତଳେ ଛପି ରହିଥିଲା। ଆହତ ଶଙ୍ଖିକୁ ପ୍ରାଣୀ ଚିକିତ୍ସାଳୟରେ ଚିକିତ୍ସା କରାଯିବା ପରେ ବର୍ତ୍ତମାନ ସୁସ୍ଥ ରହିଛି। ନିବେଦିତାଙ୍କ ବିଲେଇ ପ୍ରତି ଏଭଳି ଭଲପାଇବା ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି।


Enter your email to get our daily news in your inbox.

All Right Reserved By Dharitri.Com

କଣ୍ଟିଲୋ ନୀଳମାଧବ ଜୀଉଙ୍କ ପୀଠରେ ଧୁମ୍‌ଧାମ୍‌ରେ ପାଳିତ ହେଲେ ଗୋଷ୍ଠାଷ୍ଟମୀ

ଖଣ୍ଡପଡ଼ା,୧୭ା୧୧(ଅଜୟ କୁମାର ମହାରଣା): ନୟାଗଡ଼ ଜିଲା ଖଣ୍ଡପଡା, ଖଳିସାହି, କୋସକା, ଜଗନ୍ନାଥପ୍ରସାଦ, ବେଣାଗାଡିଆ, ସିଧାମୂଳା, ଶାଳଝରିଆ ଆଦି ଅଞ୍ଚଳରେ ମଙ୍ଗଳବାର ଗୋଷ୍ଠାଷ୍ଟମୀ ଉତ୍ସବ ପାରମ୍ପରିକ ରୀତିରେ ଅନୁଷ୍ଠିତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?