ଜୁନାଗଡ,୧୨।୮(ଡି.ଏନ.ଏ.) କଳାହାଣ୍ଡି ଜିଲା ଜୁନାଗଡ ବ୍ଲକ ଚିଚୈଗୁଡା ଗ୍ରାମରେ ଗତ ୬ତାରିଖ ମଙ୍ଗଳବାର ବିବାହର ୭ମାସ ନ ପୂରୁଣୁ ଜଣେ ନବବିବାହିତା ମହିଳାଙ୍କ ସନ୍ଦେହ ଜନକ ମୃତ୍ୟୁ ହୋଇଥିଲା। ତାଙ୍କ ନାମ ଦୀପାଞ୍ଜଳି ମେହେର(୨୬)। ଉକ୍ତ ଦିନ ମୃତକାଙ୍କ ଭାଇ ଆଶିଷ ମେହେର ଭଉଣୀଙ୍କୁ ସୁପରିକଳ୍ପିତ ଭାବେ ହତ୍ୟା କରାଯାଇଥିବା ନେଇଁ ଜୁନାଗଡ ଥାନାରେ ଲିଖିତ ଅଭିଯୋଗ କରିଥିଲେ। ଏହାପରେ ଜୁନାଗଡ ପୋଲିସ ମୃତାକାଙ୍କ ସ୍ବାମୀ, ଦିଅର, ଶାଶୁଙ୍କୁ ଥାନାକୁ ଆଣି ଅଟକ ରଖି ପଚରାଉଚୁରା କରିଥିଲା। ଏହି ଘଟଣାରେ ଜୁନାଗଡ ପୋଲିସ ଦଫା ୩୦୨,୪୯୮ଏରେ ଏକ ମାମଳା (ନଂ. ୧୮୩/୧୯) ରୁଜୁ କରି ଘଟଣାର ୫ଦିନ ପରେ ରବିବାର ମୃତାକାଙ୍କ ସ୍ବାମୀ ଧନଞ୍ଜୟ ମେହେର ଓରଫ ମନ ଓ ଦିଅର ନାରାୟଣ ମେହେର ଓରଫ କାଳିଆଙ୍କୁ ଧର୍ମଗଡ଼ ଏସ୍ଡିଜେଏମ୍ କୋର୍ଟ ଚାଲାଣ କରିଛି। ସେହିପରି ଅଟକ ଥିବା ମୃତାକାଙ୍କ ଶାଶୁଙ୍କୁ ପୋଲିସ ଛାଡଦେଇଥିବା ଜଣାପଡିଛି। ଯାହାକୁ ନେଇଁ ପୋଲିସର କାର୍ଯ୍ୟକଳାପ ପ୍ରତି ସାଧାରଣରେ ସନ୍ଦେହ ପ୍ରକାଶ ପାଇଛି। ଅନ୍ୟପକ୍ଷରେ, ମୃତକାଙ୍କ ମା ଶୁଭ୍ର ୨ ସାନ ଭାଇ ଆଶିଷ ଓ ରାହୁଲ ଏବେ ନ୍ୟାୟ ଅପେକ୍ଷାରେ ଚାହଁି ରହିଛନ୍ତି। ଏ ନେଇଁ ଜୁନାଗଡ ଆଇଆଇସି ପ୍ରଭାତ କୁମାର ସେଠିଙ୍କୁ ପଚାରିବାରୁ ମୃତାକାଙ୍କୁ ସ୍ବାମୀ ଦିଅରଙ୍କୁ ରବିବାର କୋର୍ଟ ଚାଲାଣ କରାଯାଇଛି। ସେହିପରି ମୃତାକାଙ୍କ ଶାଶୁଙ୍କୁ ବୃଦ୍ଧା ଜନିତ କାରଣରୁ ୁକୋର୍ଟ ଚାଲାଣ କରା ନ ଯାଇ ତାଙ୍କୁ ତଦନ୍ତରେ ରଖାଯାଇଛି ବୋଲି କହିଥିଲେ
ପ୍ରକାଶ ଯେ,ଜୁନାଗଡ ବ୍ଲକ ଛୋରିଆଗଡ ଗ୍ରାମର ଦୀପାଞ୍ଜଳୀ ମେହେର(୨୬)ଚିଚୈଗୁଡା ଗ୍ରାମର ଧନଞ୍ଜୟ ମେହେର(୪୦)ଙ୍କୁ ଗତ ଜାନୁୟାରୀ ୨୮ ତାରିଖରେ ବୈଦିକ ରିତୀରେ ବିବାହ କରିଥିଲେ। ଗତ ୬ତାରିଖ ମଙ୍ଗଳବାର ସକାଳରେ ଦୀପାଞ୍ଜଳୀଙ୍କ ମୃତ୍ୟୁ ହୋଇଥିବା ନେଇଁ ଚିଚୈଗୁଡା ଗ୍ରାମର ସଂପର୍କୀୟଙ୍କଠୁ ମୃତାକାଙ୍କ ମା ଘର ଲୋକେ ହଟାତ୍ ଖବର ପାଇଥିଲେ। ସ୍ବାମୀ ଧନଞ୍ଜୟ,ଦିଅର ନାରାୟଣ ଓ ଶାଶୁ ସମସ୍ତେ ମିଶି ସୁପରିକଳ୍ପିତ ଭାବେ ଦୀପାଞ୍ଜଳୀଙ୍କୁ ହତ୍ୟା କରିଥିବା ନେଇଁ ମୃତାକାଙ୍କ ଭାଇ ଆଶିଷ ଜୁନାଗଡ ଥାନାରେ ଲିଖିତ ଅଭିଯୋଗ କରିଥିଲେ।
