ବିଦ୍ୟାଳୟରେ ଶୋଇବା ଭିଡିଓ ଭାଇରାଲ: ନିଲମ୍ବିତ ହେଲେ ଶିକ୍ଷକ
7:35 amNovember 8, 2019 / 21

ଶେରଗଡ,୮ା୧୧(ଡି.ଏନ୍‌.ଏ.)-ଶେରଗଡ଼ ବ୍ଲକ ଲକ୍ଷ୍ମୀପୁର ଗ୍ରାମ ଇନ୍ଦିରା ଆବାସ କଲୋନୀ ପ୍ରାଥମିକ ବିଦ୍ୟାଳୟର ଶିକ୍ଷକ ବାବୁ ଜେନାଙ୍କୁ ଗୁରୁବାର ନିଲମ୍ବିତ କରିଛି ଶେରଗଡ଼ ଶିକ୍ଷା ବିଭାଗ। କାମରେ ଅବହେଳା ଓ ନିଶାସକ୍ତ ଅବସ୍ଥାରେ ବିଦ୍ୟାଳୟରେ ଶୋଇବା ଅଭିଯୋଗରେ ବ୍ଲକ ଶିକ୍ଷା ବିଭାଗର ପତ୍ର ସଂଖ୍ୟା- ୧୭୬୪/୭/୧୧/୨୦୧୯ ପ୍ରକାରେ ତାଙ୍କୁ ନିଲମ୍ବିତ କରିଛନ୍ତି ବିଇଓ ଭାସ୍କର ଲେଙ୍କା। ପ୍ରକାଶ ଯେ, ଲକ୍ଷ୍ମୀପୁର ଇନ୍ଦିରା ଆବାସ କଲୋନୀସ୍ଥିତ ପ୍ରାଥମିକ ବିଦ୍ୟାଳୟର ଶିକ୍ଷକ ବାବୁ ଜେନା ଅଧିକାଂଶ ସମୟରେ ନିଶାସକ୍ତ ଅବସ୍ଥାରେ ବିଦ୍ୟାଳୟକୁ ଆସନ୍ତି। ଏନେଇ ଅଭିଯୋଗ ପରେ ବିଇଓ ତାଙ୍କୁ ତାଗିଦ କରିଥିଲେ। ମାତ୍ର ପୂର୍ବପରି ସେ ବିଦ୍ୟାଳୟକୁ ନିଶାସକ୍ତ ଅବସ୍ଥାରେ ଆସୁଥିଲେ। ଶ୍ରେଣୀଗୃହରେ ଟେବୁଲ ଉପରେ ଗୋଡ ଥୋଇ ଶୋଇବାର ଏକ ଭିଡିଓ କିଛିଦିନ ହେଲା ଗଣମାଧ୍ୟମରେ ଭାଇରାଲ ହୋଇଥିଲା। ବୁଧବାର ବିଇଓ ଲେଙ୍କା ବିଦ୍ୟାଳୟ ପରିଦର୍ଶନରେ ଯାଇ ତଦନ୍ତ କରିଥିଲେ। ଘଟଣାର ସତ୍ୟାସତ୍ୟ ଥିବା ଜଣାପଡିବା ପରେ ଗୁରୁବାର ଶିକ୍ଷକ ବାବୁଙ୍କୁ ସସ୍‌ପେଣ୍ଡ କରାଯାଇଛି। ଏହି ଚିଠିର ଏକ ନକଲ ଡିଇଓ ଅଫିସକୁ ପ୍ରଦାନ କରାଯାଇଥିବା ବିଇଓ କହିଛନ୍ତି।