ଶେରଗଡ,୯ା୫(ଡି.ଏନ୍.ଏ.)- ଶେରଗଡ ଚାରିଛକରେ ଶନିବାର ଭୋରରେ ବିଦେଶୀ ମଦ ବୋଝେଇ ବୋଲେରୋ (ନଂ.ଓଡି୦୭ଆର୍-୬୯୭୨)କୁ ଶେରଗଡ ପୋଲିସ ଏସଡିପିଓ ସୂର୍ଯ୍ୟମଣୀ ପ୍ରଧାନଙ୍କ ନେତୃତ୍ୱରେ ଜବତ କରାଯାଇଛି। ଏଥିରେ ଥିବା ୬ଜଣଙ୍କୁ ଗିରଫ କରି ନଂ.୪୮/୨୦ରେ ମାମଲା ରୁଜୁକରି କୋର୍ଟ ଚାଲାଣ କରାଯାଇଛି। ମଦ ଚୋରାଚାଲାଣ ହେଉଥିବା ଏସ୍ଡିପି ପ୍ରଧାନ ଓ ଶେରଗଡ ଥାନା ଅଧିକାରୀ ରମେଶ ଚନ୍ଦ୍ର ଦାସ ଖବର ପାଇ ଚାରିଛକରେ ଜଗି ରହିଥିଲେ। ଉକ୍ତ ବୋଲେରୋକୁ ଅଟକାଇ ଯାଞ୍ଚବେଳେ ସେଥିରୁ ବହୁ ପରିମାଣର ମଦ ମିଳିଥିଲା। ଗାଡିରେ ଥିବା ୬ଜଣକୁ ଗିରଫ କରି ଶେରଗଡ କୋର୍ଟକୁ ଚାଲାଣ କରାଯାଇଛି। ସେମାନେ ହେଲେ ଚିକିଟିର ଅମୂଲ୍ୟ କୁମାର ପଣ୍ଡା, ରଣ୍ଢାର ପ୍ରଶାନ୍ତ କୁମାର ସାହୁ, ଦିଗପହଣ୍ଡିର ରତ୍ନାକର ସାହୁ, ଗୋଳନ୍ଥରାର ମିଟୁ ପ୍ରଧାନ, ବଣିଆର ଧନୁ ଗୌଡ, ସୁନାଦେଇର ସୁଶାନ୍ତ କୁମାର ଗୈାଡ।
