ମୁମ୍ବାଇ: ବଲିଉଡ୍ ଷ୍ଟାର ଅରବାଜ ଖାଁ ପତ୍ନୀ ମଲାଇକାଙ୍କଠାରୁ ଅଲଗା ହେବା ପରେ ଯେତିକି ଚର୍ଚ୍ଚାକୁ ଆସି ନ ଥିଲେ ତା’ଠାରୁ ଅଧିକ ଚର୍ଚ୍ଚିତ ହୋଇଥିଲେ ତାଙ୍କ ଗର୍ଲ ଫ୍ରେଣ୍ଡକୁ ନେଇ। ଅରବାଜଙ୍କୁ କିଛିଦିନ ହେବ ତାଙ୍କ ଗର୍ଲ ଫ୍ରେଣ୍ଡ ଜର୍ଜିଆଙ୍କ ସହ ଦେଖିକାବୁ ମିଳୁଛି। ଅରବାଜ ଯେ ଜର୍ଜିଆଙ୍କୁ ଡେଟ୍ କରୁଛନ୍ତି ଏକଥା ମଧ୍ୟ ସେ ସ୍ବୀକାର କରି ସାରିଛନ୍ତି। ହେଲେ ବିବାହକୁ ନେଇ ଉଭୟ କେବେ ବି ମୁହଁ ଖୋଲି ନାହାନ୍ତି। ନିକଟରେ ଜର୍ଜିଆ ଦେଇଥିବା ଏକ ସାକ୍ଷାତ୍କାରରେ ବିଭିନ୍ନ ପ୍ରଶ୍ନର ଉତ୍ତର ଦେବା ସମୟରେ ତାଙ୍କୁ ବିବାହ କଥା ପଚରା ଯିବାରୁ ସେ ଏହାକୁ ଏଡାଇ ଯାଇଥିଲେ। ସେ କହିଥିଲେ ଯେତେବେଳେ ଅରବାଜଙ୍କ ସହ ତାଙ୍କର ବିବାହ ହେବ ତାହା ସମସ୍ତେ ଜାଣିପାରିବେ ଏ ବିଷୟରେ ମୁଁ ବା ଅଧିକ କ’ଣ କହିବି। ଏହା ପୂର୍ବରୁ ମଧ୍ୟ ଅରବାଜ ଏକ ସାକ୍ଷାତ୍କାରରେ ଏଭଳି ଉତ୍ତର ଦେଇଥିଲେ। ସେ କହିଥିଲେ ମୁଁ ଜର୍ଜିଆଙ୍କ୍ୁ ଡେଟ୍ କରିବା କଥା ଠିକ୍। ହେଲେ ଏବେ ମୁଁ ଯେମିତି ଅଛି ଖୁସିରେ ଅଛି ବୋଲି ସେ କହିଥିଲେ। ତେବେ ଉଭୟଙ୍କୁ ବହୁଥର ଦେଖିବା ପରେ ଏମାନେ ଖୁବ୍ଶୀଘ୍ର ବିବାହ କରିପାରନ୍ତି ବୋଲି ଆଲୋଚନା ହେଉଛି।
