ଯୋଡ଼ା,୬।୧୨(ଡି.ଏନ.ଏ.)- ବସ୍ ଭଡାକୁ କେନ୍ଦ୍ର କରି ବସ୍ର କଣ୍ଡକ୍ଟରଙ୍କୁ ମାଡ ମାରିବା ଅଭିଯୋଗରେ ପୋଲିସ ଜଣେ ଅଭିଯୁକ୍ତକୁ ଗିରଫ କରିଛି । ଅଭିଯୁକ୍ତ ହେଲେ ଯୋଡାସ୍ଥିତ ଚେମ୍ରି ହାଟିଂର ସାନି ସିଂହ । ପୋଲିସର ସୂଚନା ଅନୁଯାୟୀ ଗତ ବୁଧବାର ଚମ୍ପୁଆଠାରେ ୩ ଯୁବକ ଯୋଡା ଆସିବା ପାଇଁ ଚକାଡୋଳା ବସ୍ରେ ଚଢିଥିଲେ । ବସ୍ର କଣ୍ଡକ୍ଟର ସନତ କୁମାର ସାହୁ ସେମାନଙ୍କୁ ଭଡା ମାଗିବାରୁ ଯୋଡାରେ ପହଞ୍ଚିିଲେ ଦେବେ ବୋଲି କହିଥିଲେ। ସେମାନେ ଯୋଡାରେ ପହଞ୍ଚିବା ପରେ କଣ୍ଡକ୍ଟର ଭଡା ମାଗିବାରୁ ପାଟିତୁଣ୍ଡ ଗଟିଥିଲା। ସେଠାରେ ଅଭିଯୁକ୍ତ ମାଡ ମାରିବାରୁ କଣ୍ଡକ୍ଟର ସନତ କୁମାର ସାହୁଙ୍କ ବାମ ହାତରେ ଗଭୀର ଆଘାତ ଲାଗିବାରୁ ତାଙ୍କୁ କେନ୍ଦୁଝର ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଏନେଇ ଯୋଡା ଥାନାରେ ଅଭିଯୋଗ ହେବା ପରେ ପୋଲିସ ଏକ ମାମଲା (ନଂ. ୨୧୧/୨୦୧୯) ରୁଜୁ କରି ଅଭିଯୁକ୍ତ ସାନିଙ୍କୁ ଗିରଫ କରିଥିବା ପୋଲିସ କହିଛି ।
