Posted inଖେଳ

ବର୍ଷର ଶେଷ ମ୍ୟାଚ ପାଇଁ ପ୍ରସ୍ତୁତି

କଟକ ଅଫିସ,୨୨ା୧୨-  ଭାରତୀୟ ଦଳ ବାରବାଟୀ ଷ୍ଟାଡିୟମରେ ରବିବାର ‘୨୦୧୯’ର ଶେଷ ମ୍ୟାଚ୍‌ ଖେଳିବ। ଚଳିତବର୍ଷ ଭାରତୀୟ କ୍ରିକେଟ ନିମନ୍ତେ ଏହା ‘ସୁପର-ସଣ୍ଡେ’ ବୋଲି କୁହାଯାଉଛି। ୱେଷ୍ଟଇଣ୍ଡିଜ ବିପକ୍ଷ ଏହି ଏକଦିବସୀୟ ଅନ୍ତର୍ଜାତୀୟ ମ୍ୟାଚ୍‌ ନିମନ୍ତେ ଶନିବାର ଉଭୟ ଦଳ ଅଭ୍ୟାସକୁ ଓହ୍ଲାଇଥିଲେ। ପୂର୍ବାହ୍ନରେ ବିରାଟ ବାହିନୀ ଓ ଅପରାହ୍ନରେ କିରନ ପୋଲାର୍ଡଙ୍କ ନେତୃତ୍ୱାଧୀନ ଇଣ୍ଡିଜର ଖେଳାଳି ଅଭ୍ୟାସ ଶେଷ କରି ଫେରିଛନ୍ତି। ତେବେ ଏଠାରେ ଉକ୍ତ ଦ୍ୱିପାକ୍ଷିକ ସିରିଜ୍‌ର ନିର୍ଣ୍ଣାୟକ ଫଳାଫଳ ଜଣାପଡ଼ିବ, ଯାହା ଓଡ଼ିଶାର ଏହି ଅର୍ନ୍ତଜାତୀୟ କ୍ରିକେଟ ଷ୍ଟାଡିୟମର ଇତିହାସରେ ଲିପିବନ୍ଧ ହେବାକୁ ଅପେକ୍ଷା କରିଛି…
୩୭ବର୍ଷ ପରେ କଟକରେ ନିର୍ଣ୍ଣାୟକ
୧୯୮୨ ମସିହାରେ ଅନ୍ତର୍ଜାତୀୟ କ୍ରିକେଟ ସିରିଜର ନିର୍ଣ୍ଣାୟକ ମ୍ୟାଚ୍‌ ବାରବାଟୀ ଷ୍ଟାଡିୟମରେ ଖେଳାଯାଇଥିଲା। ସେହି ବର୍ଷ ଜାନୁୟାରୀ ମାସରେ ଇଂଲଣ୍ଡ ବିପକ୍ଷ ଏକଦିବସୀୟ ସିରିଜ୍‌ର ୩ୟ ମ୍ୟାଚ୍‌ ଭାରତ ଏଠାରେ ଖେଳିଥିଲା। ପୂର୍ବ ୨ ମ୍ୟାଚରେ ସ୍ଥିତି ୧-୧ରେ ରହିଥିବା ବେଳେ ଅନ୍ତିମ ମ୍ୟାଚ୍‌ରେ ଭାରତ ବିଜୟୀ ହୋଇ ଟ୍ରଫି ହାସଲ କରିଥିଲା। ଦୀର୍ଘ ୩୭ବର୍ଷର ବ୍ୟବଧାନ ପରେ ପୁଣି ଥରେ ଏଠାରେ ଏଭଳି ରୋମାଞ୍ଚକର ମ୍ୟାଚ ଅନୁଷ୍ଠିତ ହେବାକୁ ଯାଉଛି। ଗୋଟିଏ ଲେଖାଏ ମ୍ୟାଚ ଜିତି ଭାରତ ଓ ଇଣ୍ଡିଜ ଦଳ ସମାନ ସ୍ଥିତିରେ ଅଛନ୍ତି। ରବିବାରର ମ୍ୟାଚ୍‌ ଯିଏ ଜିତିବ ସେ ଟ୍ରଫିର ହକ୍‌ଦାର ହେବ।
ରୋହିତଙ୍କ ଫ୍ୟାନ୍‌ ନିରାଶ
ରୋହିତ ଶର୍ମାଙ୍କ ଫ୍ୟାନ୍‌ ଶନିବାର ନିରାଶ ହୋଇଛନ୍ତି। ଗ୍ୟାଲେରି ନଂ-୬ ଓ କ୍ଲବ ହାଉସରେ କ୍ରିକେଟପ୍ରେମୀ ଭାରତୀୟ ଦଳର ଅଭ୍ୟାସ ଦେଖିବାକୁ ଭିଡ଼ ଜମାଇଥିଲେ। ଏଥିରେ ଶହଶହ ରୋହିତଙ୍କ ପ୍ରଶଂସକ ଉପସ୍ଥିତ ଥିଲେ। ଏପରିକି ରୋହିତ ଶର୍ମାଙ୍କ ଜର୍ସିର ନକଲ ପିନ୍ଧି ଗ୍ୟାଲେରିକୁ ଆସିଥିଲେ। ହେଲେ ଭାରତୀୟ ଦଳର ଅଭ୍ୟାସରେ ରୋହିତ ଆସି ନ ଥିବା ଦେଖିବାକୁ ମିଳିଥିଲା। ରୋହିତଙ୍କ ସମେତ ଲୋକେଶ ରାହୁଲ, ରିଷଭ ପନ୍ତ, ମହମ୍ମଦ ସାମି ଓ ୟୁଜଭେନ୍ଦ୍ର ଚହଲ ମଧ୍ୟ ଅଭ୍ୟାସରେ ଅନୁପସ୍ଥିତ ଥିଲେ।
ବିରାଟଙ୍କ କ୍ରେଜ୍‌ ଅଧିକ
ଅଭ୍ୟାସକୁ ସବୁଠାରୁ ବିଳମ୍ବରେ ଆସିଥିଲେ ଅଧିନାୟକ ବିରାଟ କୋହଲି। ହେଲେ ଗ୍ରାଉଣ୍ଡକୁ ପ୍ରବେଶ କରିବା ମାତ୍ରେ ଦର୍ଶକଙ୍କ ବିରାଟ..ବିରାଟ ଡାକରେ ଷ୍ଟାଡିୟମ ପ୍ରକମ୍ପିତ ହୋଇଥିଲା। ବିରାଟ ପ୍ରଥମେ ପ୍ୟାଭିଲିୟନ ନିକଟରେ ଅଭ୍ୟାସ କରିଥିଲେ। ପରେ ଗ୍ୟାଲେରି ନଂ-୩ ନିକଟ ନେଟ୍ସରେ ବ୍ୟାଟିଂ ଅଭ୍ୟାସ କରିଥିଲେ। ବିରାଟ ଷ୍ଟାଡିୟମର ଯେଉଁ ଦିଗକୁ ଗଲେ ବି କ୍ରିକେଟପ୍ରେମୀଙ୍କ ମୁହଁରେ କେବଳଙ୍କ ତାଙ୍କରି ନାଁ ଥିଲା।
ପୋଲାର୍ଡଙ୍କ ପାଇଁ ବିଶେଷ ବ୍ୟବସ୍ଥା
ୱେଷ୍ଟଇଣ୍ଡିଜ ଦଳ ଅଭ୍ୟାସକୁ ଆସିବା ପରେ ଉପସ୍ଥିତ କ୍ରିକେଟପ୍ରେମୀ କେବଳ ପୋଲାର୍ଡଙ୍କ ନାମ ଚିତ୍କାର କରିଥିଲେ। ପୋଲାର୍ଡ ପିଚ୍‌ ଅନୁଧ୍ୟାନ କରିବା ପରେ ବ୍ୟାଟିଂ ଅଭ୍ୟାସ କରିଥିଲେ। ତେବେ ପୋଲାର୍ଡଙ୍କୁ ପାଖରେ ପାଇ ବାଉଣ୍ଡରୀ ନିକଟରେ ଥିବା ଦର୍ଶକ ତାଙ୍କ ସହ ସେଲ୍‌ଫି ଉଠାଇବାକୁ ଭିଡ଼ ଜମାଇଥିଲେ। ପୋଲିସ ବାଧ୍ୟ ହୋଇ ପ୍ୟାଭିଲିୟନ ସମ୍ମୁଖ ଅଞ୍ଚଳକୁ ସ୍ବତନ୍ତ୍ର ଭାବେ ବ୍ୟାରିକେଡ ବ୍ୟବସ୍ଥା କରିଥିଲା।
କୋହଲିଙ୍କ ବିଗ୍‌ଫ୍ୟାନ ପିଣ୍ଟୁ
ପେଟରେ ସଚିନ ତେନ୍ଦୁଲକର ଓ ଛାତିରେ ବିରାଟ କୋହଲିଙ୍କ ଟାଟୁ। ଦେହ ସାରା କୋହଲିଙ୍କୁ ଭଲପାଇବାର ଚିହ୍ନ। ଭାରତୀୟ ଦଳର ଅଭ୍ୟାସ ସମୟରେ ବାଉଣ୍ଡରୀ ନିକଟରେ ଉପସ୍ଥିତ ଥିବା କୋହଲିଙ୍କ ଏହି ବିଗ୍‌ ଫ୍ୟାନ୍‌ ଜଣଙ୍କ ହେଲେ ପିଣ୍ଟୁ ବେହେରା। ପିଣ୍ଟୁ ଶନିବାର ସମସ୍ତଙ୍କ ନଜର ପରିସରକୁ ଆସିଥିଲେ। ଭାରତୀୟ ଦଳର ସମସ୍ତ ଖେଳାଳିଙ୍କ ନଜର ମଧ୍ୟ ପିଣ୍ଟୁଙ୍କ ଉପରେ ପଡ଼ିଥିଲା। ତେବେ ପୂର୍ବରୁ ପିଣ୍ଟୁ କୋହଲିଙ୍କୁ ଭେଟିଥିବା କହିଛନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ପାନ ଦୋକାନିଙ୍କ ପୁଅ ଆଜି ମ୍ୟାଚ ଓ୍ବିନର

ନୂଆଦିଲ୍ଲୀ,୨୯।୩: ଆଇପିଏଲ ୨୦୨୪ର ନବମ ମ୍ୟା ରେ ରାଜସ୍ଥାନ ରୟାଲ୍ସକୁ ଜିତାଇବାରେ ଆବେଶ ଖାନ ଏକ ଗୁରୁତ୍ୱପୂର୍ଣ୍ଣ ଅବଦାନ ରହିଛି। ଦଳ ପାଇଁ ଶେଷ ଓଭରରେ...

ବିବାହ ପୂର୍ବରୁୁ ଦୀପିକାଙ୍କ ସହ ଥିଲା ଧୋନିଙ୍କର ସମ୍ପର୍କ?

ନୂଆଦିଲ୍ଲୀ,୨୯।୩: ମହେନ୍ଦ୍ର ସିଂ ଧୋନି ଆଇପିଏଲ ୨୦୨୪ ରେ ଚେନ୍ନାଇ ସୁପର କିଙ୍ଗ୍ସ ପାଇଁ ଖେଳାଳି ଭାବରେ ଖେଳୁଛନ୍ତି। ୧୭ ତମ ସିଜିନ ଆରମ୍ଭ ହେବାର...

ଦୁଇଫାଳ ମୁମ୍ବାଇ ଇଣ୍ଡିଆନ୍ସ: ହାର୍ଦ୍ଦିକ ପାଣ୍ଡ୍ୟାଙ୍କ ସମର୍ଥନରେ ମାଲିକ

ନୂଆଦିଲ୍ଲୀ,୨୯।୩: ପାଞ୍ଚ ଥର ଚାମ୍ପିଅନ୍ ତଥା ତାରକା ବ୍ୟାଟ୍ସମ୍ୟାନ୍ ରୋହିତ ଶର୍ମାଙ୍କଠାରୁ ଅଧିନାୟକତ୍ୱ ଦାୟିତ୍ୱ ଛଡ଼ାଇବା ନିଷ୍ପତିକୁ ମୁମ୍ବାଇ ଇଣ୍ଡିଆନ୍ସର ପ୍ରଶଂସକମାନେ ଗ୍ରହଣ କରି ପାରୁ...

ଏହି ମହଙ୍ଗା ବୋଲରଙ୍କୁ ଘାରିଛି କୋହଲି ଭୟ: ଆଇପିଏଲ ଇତିହାସରେ ପ୍ରଥମଥର ହେବ ସାମ୍ନା

ବେଙ୍ଗାଲୁରୁ,୨୯।୩: ଆଇପିଏଲ ୨୦୨୪ର ଦଶମ ମ୍ୟାଚ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଏବଂ କୋଲକାତା ନାଇଟ ରାଇଡର୍ସ ମଧ୍ୟରେ ଖେଳାଯିବ। ଆରସିବି ଚଳିତ ସିଜନରେ ଏପର୍ଯ୍ୟନ୍ତ ଦୁଇଟି...

ରାଗିଯାଇ କାନ୍ଥରେ ବ୍ୟାଟ୍‌ ପିଟିଦେଲେ ରିଷଭ ପନ୍ତ: ଦେଖନ୍ତୁ ଭିଡିଓ

ନୂଆଦିଲ୍ଲୀ,୨୯।୩; ରାଜସ୍ଥାନ ରୟାଲ୍ସ ବିପକ୍ଷରେ ଦିଲ୍ଲୀ କ୍ୟାପିଟାଲ୍ସକୁ ପରାଜୟର ସାମ୍ନା କରିବାକୁ ପଡିଥିଲା। ରାଜସ୍ଥାନ ରୟାଲ୍ସ ଦିଲ୍ଲୀ କ୍ୟାପିଟାଲକୁ ୧୨ ରନରେ ପରାସ୍ତ କରିଛି। ଏହିପରି...

ଜାତୀୟ ପିକଲବଲ୍‌ରେ ଓଡ଼ିଶାର ସଫଳତା

ଭୁବନେଶ୍ୱର, ୨୮।୩(ତପନ ସ୍ବାଇଁ):ପିକଲବଲ୍‌ ଆସୋସିଏଶନ ଅଫ୍‌ ଓଡ଼ିଶା ଆନୁକୂଲ୍ୟରେ ଆୟୋଜିତ ପ୍ରଥମ ଜାତୀୟ ପିକଲବଲ୍‌ ଟୁର୍ନାମେଣ୍ଟରେ ଓଡ଼ିଶା ପ୍ରତିଯୋଗୀମାନେ ପ୍ରଦର୍ଶନର ଛାପ ଛାଡ଼ିଛନ୍ତି। ଏହି ସମ୍ମାନଜନକ...

ଲାଟିନ୍‌ ଆମେରିକା ଲିଗ୍‌ରେ ବିଜୟ ପ୍ରଥମ ଭାରତୀୟ

ଚେନ୍ନାଇ,୨୮ା୩(ପି.ଟି.):ଡିଫେଣ୍ଡର ବିଜୟ ଛେତ୍ରୀ ପ୍ରଥମ ଭାରତୀୟ ଖେଳାଳି ଭାବରେ ଏକ ଲାଟିନ୍‌ ଆମେରିକୀୟ କ୍ଲବରେ ସାମିଲ ହେବାକୁ ଯାଉଛନ୍ତି। ଉରୁଗୁଏର କ୍ଲବ କଲୋନା ଏଫ୍‌ସି ସହିତ...

ଭାରତୀୟ ହକି ଦଳକୁ ଓସ୍‌ଜାର ‘ପ୍ୟାରିସ ଅଲିମ୍ପିକ୍ସ ଶୁଭେଚ୍ଛା’

ଭୁବନେଶ୍ବର, ୨୯ା୩ (ବିଜୟ ରଣା):ଭାରତୀୟ ପୁରୁଷ ହକି ଦଳକୁ ‘ପ୍ୟାରିସ ଅଲିମ୍ପିକ୍ସ ଶୁଭେଚ୍ଛା’ ଜଣାଇଛି ଓ ଓଡ଼ିଶା ସ୍ପୋଟର୍‌ସ ଜର୍ନାଲିଷ୍ଟ ଆସୋସିଏଶନ (ଓସ୍‌ଜା)। ଗୁରୁବାର ସଂଧ୍ୟାରେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri