ପାଟନା,୩୦।୪: ଲକ୍ଡାଉନ ଯୋଗୁ ରାଜ୍ୟ ବାହାରେ ଫସି ରହିଥିବା ଲୋକଙ୍କୁ ନିଜ ନିଜ ରାଜ୍ୟକୁ ଫେରାଇ ଆଣିବାକୁ ସ୍ବତନ୍ତ୍ର ଟ୍ରେନ୍ ଚଳାଚଳ ପାଇଁ କେନ୍ଦ୍ର ନିକଟରେ ପ୍ରସ୍ତାବ ରଖିଛନ୍ତି ବିହାର ଉପ ମୁଖ୍ୟମନ୍ତ୍ରୀ ସୁଶିଲ କୁମାର ମୋଦି। ଟୁଇଟ୍ କରି ସୁଶିଲ କହିଛନ୍ତି ଯେଉଁମାନେ ନିଜ ରାଜ୍ୟଠାରୁ ବହୁ ଦୂରରେ ରହିଯାଇଛନ୍ତି ସେମାନଙ୍କୁ ଆଣିବାକୁ କେନ୍ଦ୍ର ସରକାର ସ୍ବତନ୍ତ୍ର ଟ୍ରେନ୍ର ବ୍ୟବସ୍ଥା କରନ୍ତୁ। ବିହାରର ପ୍ରାୟ ୨୦ ଲକ୍ଷ ଲୋକ ବାହାରେ ଥିବା ବେଳେ ଆମେ ତାଙ୍କୁ ରାଜ୍ୟକୁ ଫେରାଇ ଆଣିବାକୁ ଚାହୁଁଛୁ। ହେଲେ କେନ୍ଦ୍ର ସରକାର ଆମ ଦାବି ଗ୍ରହଣ କରିନେଲେ ଆମେ ସେମାନଙ୍କୁ ଫେରାଇ ଆଣିବାରେ କୌଣସି ଅସୁବିଧା ନାହିଁ ବୋଲି ସେ କହିଛନ୍ତି।
