ପାଠ, ପରିବାର ପାଇଁ ପେଟ୍ରୋଲ ପମ୍ପରେ ଚାକିରି ସହ ଟ୍ରାଫିକ ଷ୍ଟୁଡେଣ୍ଟ ଭଲ୍ୟୁଣ୍ଟିୟର

ଜୟପୁର,୩୦।୧(ଡି.ଏନ୍‌.ଏ.) ଅର୍ଥର ଅଭାବ ଥିଲା, ତା’ ସାଙ୍ଗକୁ ପରିବାରର ଗୁଜୁରାଣ ଚିନ୍ତା। ଘରର କେଉଁ ପୁରୁଷ ମୁଣ୍ଡକୁ ନୁହେଁ, ବରଂ ୨ ଜଣ କିଶୋରୀଙ୍କୁ ଘାରିଥିଲା ଏହି ଚିନ୍ତା। ପାଠପଢ଼ା ସେଠି ଅପହଞ୍ଚ ସ୍ବପ୍ନ ଥିଲା। କିନ୍ତୁ ଅନୁସୂଚିତ ଜାତି ଓ ଜନଜାତି ବର୍ଗରୁ ଥିବା ଏହି ୨ ଛାତ୍ରୀ ଏତେ ଦୃଢ଼ମନା ଯେ ଜୀବନର ଏହି ଆହ୍ବାନକୁ ଅତି ସକାରାତ୍ମକ ଭାବେ ଗ୍ରହଣ କରିଛନ୍ତି। ପରିବାରର ପେଟ ପୋଷିବା ସହ ଉଭୟ ଉଚ୍ଚଶିକ୍ଷା ଗ୍ରହଣ କରିବା ପାଇଁ ରୋଜଗାର ଆଶାରେ ଏବେ ଦୈନିକ ୧୧ ଘଣ୍ଟା ଖଟୁଛନ୍ତି। ପେଟ୍ରୋଲ ପମ୍ପରେ ଚାକିରି କରିଛନ୍ତି, ତା’ ସାଙ୍ଗକୁ ଟ୍ରାଫିକ ନିୟନ୍ତ୍ରଣ ପାଇଁ ଷ୍ଟୁଡେଣ୍ଟ ଭଲ୍ୟୁଣ୍ଟିଅର ଭାବେ ପୋଲିସକୁ ସହଯୋଗ ମଧ୍ୟ କରୁଛନ୍ତି।
କୋରାପୁଟ ଜିଲା ଜୟପୁର ସହରର ବୋରିଗୁମ୍ମା ରାସ୍ତାରେ ଥିବା ଏକ ପେଟ୍ରୋଲ ପମ୍ପରେ କାର୍ଯ୍ୟ କରୁଛନ୍ତି ୨ ଜଣ ଛାତ୍ରୀ ବାସନ୍ତୀ ମାଟାମ (୨୨) ଓ ମଙ୍ଗଳଦେଈ ପେଣ୍ଠିଆ (୨୨)। ଗତ ଗୁରୁବାରରୁ ମାତ୍ର ଏକ ସପ୍ତାହ ହେଲା ସେମାନେ ପେଟ୍ରୋଲ ପମ୍ପରେ ଚାକିରି ଆରମ୍ଭ କରିଛନ୍ତି। ମାସିକ ୭ରୁ ୮ ହଜାର ଦରମା ମିଳିବ। ତା’ ସାଙ୍ଗକୁ ଜୟପୁର ଟାଉନଥାନା ପକ୍ଷରୁ ଷ୍ଟୁଡେଣ୍ଟସ ଟ୍ରାଫିକ ଭଲ୍ୟୁଣ୍ଟର (ଏସ୍‌ଟିଭି) ଭାବେ ସହରର ଟ୍ରାଫିକ ନିୟନ୍ତ୍ରଣ କାମରେ ମଧ୍ୟ ନିୟୋଜିତ ହୋଇଛନ୍ତି। ସେଥିରୁ ଦୈନିକ ଶହେ ଟଙ୍କା ପାଉଣା ମିଳୁଛି। ଏମାନଙ୍କ ମଧ୍ୟରୁ ବାସନ୍ତୀଙ୍କ ଘର ବୈପାରୀଗୁଡ଼ା ବ୍ଲକ ଟଙ୍ଗିଣିଗୁଡ଼ା। ବାପା ଦିନ ମଜୁରିଆ ଓ ପରିବାରରେ ୫ ଭଉଣୀ ଓ ଗୋଟିଏ ଭାଇ। ବାସନ୍ତୀ ସବୁ ଭଉଣୀ-ଭାଇଙ୍କ ମଧ୍ୟରେ ବଡ଼। ଦୁଇ ସାନ ଭଉଣୀ କଲେଜରେ ପଢୁଥିବାରୁ ତାଙ୍କ ପାଠପଢ଼ାର ଦାୟିତ୍ୱ ବାସନ୍ତୀଙ୍କ ଉପରେ ରହିଛି। ବାସନ୍ତୀ ନିଜେ ମଧ୍ୟ ଉଚ୍ଚଶିକ୍ଷିତ ହେବାକୁ ଆଶା ରଖିଛନ୍ତି। ସେ ଜୟପୁର ସରକାରୀ ମହିଳା ମହାବିଦ୍ୟାଳୟରୁ ସ୍ନାତକ ପାସ୍‌ କରିବା ପରେ ଏବେ ସ୍ନାତକୋତ୍ତରରେ ନାମଲେଖା ପାଇଁ ପ୍ରସ୍ତୁତ ହେଉଛନ୍ତି। ସେହିପରି ମଙ୍ଗଳଦେଈ ପେଣ୍ଠିଆଙ୍କ ଘର ଜୟପୁର ବ୍ଲକ ଟାଙ୍କୁଗୁଡ଼ା ଗ୍ରାମ। ସେ ଚଳିତ ବର୍ଷ ଜୟପୁର ମହିଳା ମହାବିଦ୍ୟାଳୟରେ ସ୍ନାତକ ପରୀକ୍ଷା ଦେବେ। ଅନୁସୂଚିତ ଜନଜାତି ପରିବାରରେ ତାଙ୍କର ୮ ଭଉଣୀ ଭାଇ। ତାଙ୍କ ବାପା ଗାଁ ମାଲିକଙ୍କ ଜମିରେ କୃଷି ଶ୍ରମିକ। ପରିବାରର ଆର୍ଥତ୍କ ସ୍ଥିତି ଠିକ୍‌ ନ ଥିବା ଯୋଗୁ ଏହି ଦୁଇଜଣ କିଶୋରୀ ଏବେ ପରିବାର ସମ୍ଭାଳିବା ସହ ନିଜ ଭବିଷ୍ୟତ ନିଜେ ଗଢ଼ିବା ପାଇଁ ପେଟ୍ରୋଲ ପମ୍ପରେ କାମ କରୁଛନ୍ତି। ପେଟ୍ରୋଲ ପମ୍ପ ମାଲିକ ମଧ୍ୟ କହିଛନ୍ତି, ଉଭୟ ଝିଅ ଭଲ କାମ କରୁଛନ୍ତି। ଆଗକୁ ମଧ୍ୟ ସେ ନିଜ ପେଟ୍ରୋଲ ପମ୍ପରେ ଯୁବତୀଙ୍କୁ ନିଯୁକ୍ତି ଦେବେ।


Enter your email to get our daily news in your inbox.

All Right Reserved By Dharitri.Com

ରାସ୍ତା ପ୍ରଶସ୍ତିକରଣକୁ ନେଇ ଉତ୍ତେଜନା: କାର୍ଯ୍ୟବନ୍ଦ କଲେ ଗ୍ରାମବାସୀ

ମୋରଡ଼ା,୨୮ା୩(ସ୍ମାରକ ମାଜୀ): ରାସ୍ତା ପ୍ରଶସ୍ତିକରଣକୁ ନେଇ ମୟୂରଭଞ୍ଜ ଜିଲା ମୋରଡ଼ା ବ୍ଲକ ଅଧୀନ ଗଡ଼ିଆ ଗ୍ରାମରେ ଉତ୍ତେଜନା ଦେଖିବାକୁ ମିଳିଛି। ଏନେଇ ଗ୍ରାମବାସୀ  ନିର୍ମାଣ କାର୍ଯ୍ୟ...

ଟ୍ରକ୍‌ରେ ପିଟିହେଲା ହାଇଓ୍ବା, ଚାଲିଗଲା ଡ୍ରାଇଭରଙ୍କ ଜୀବନ

ଭଦ୍ରକ,୨୮ା୩(ସନାତନ ରାଉତ): ଭଦ୍ରକ ୧୬ନଂ ଜାତୀୟ ରାଜପଥର ଦମକଳ କେନ୍ଦ୍ର ସମ୍ମୁଖରେ ଗୁରୁବାର ପୂର୍ବାହ୍ନରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ଜଣେ ଡ୍ରାଇଭରଙ୍କ ମୃତ୍ୟୁ ହୋଇଛି।...

ଟିକେଟ୍‌ ମିଳିବା ପରେ ମହାପ୍ରଭୁଙ୍କ ଦର୍ଶନ କଲେ ବବି ଦାସ

ପୁରୀ,୨୮।୩: ବିଜୁ ଜନତା ଦଳ ପକ୍ଷରୁ ସମ୍ବଲପୁର ଲୋକ ସଭା ନିର୍ବାଚନ ମଣ୍ଡଳୀ ପ୍ରାର୍ଥୀ ଭାବେ ପ୍ରଣବ ପ୍ରକାଶ ଦାସ(ବବି)ଙ୍କ ନାମ ଘୋଷଣା କରାଯାଇଛି। ବବିଙ୍କୁ...

‘ଆଉ ତତେ ଗ୍ରହଣ କରିବି ନାହିଁ’

ଲାଞ୍ଜିଗଡ଼,୨୮।୩(ରମେଶ ଚନ୍ଦ୍ର ନାୟକ): କଳାହାଣ୍ଡି ଜିଲା ଲାଞ୍ଜିଗଡ଼ ଥାନା ଅଞ୍ଚଳର ଜଣେ ନାବାଳିକାଙ୍କୁ ବିବାହ ପ୍ରଲୋଭନ କରି ପ୍ରତାରଣା କରିବା ଅଭିଯୋଗରେ ପୋଲିସ ଜଣେ ଯୁବକଙ୍କୁ...

ଆତ୍ମସମର୍ପଣ କଲେ ୟୁଟ୍ୟୁବର ମୋନାଲିସା

ଯାଜପୁର,୨୮ା୩: ୟୁଟ୍ୟୁବର ମୋନାଲିସା ଭଦ୍ର ଯାଜପୁରରୋଡ୍‌ସ୍ଥିତ ବନ ବିଭାଗ କାର୍ଯ୍ୟାଳୟରେ ଗୁରୁବାର ଆତ୍ମସମର୍ପଣ କରିଛନ୍ତି। ମୋନାଲିସା ବନ୍ୟଜନ୍ତୁଙ୍କୁ ଘରେ ରଖି ଭିଡିଓ ପ୍ରସ୍ତୁତ କରି ସୋସିଆଲ...

ଅଗ୍ନି ଭୈରବୀଙ୍କ ଝାମୁଯାତ୍ରା ସମ୍ପନ୍ନ

ଲାଞ୍ଜିଗଡ଼,୨୮।୩(ରମେଶ ଚନ୍ଦ୍ର ନାୟକ): କଳାହାଣ୍ଡି ଜିଲା ଲାଞ୍ଜିଗଡ଼ ବ୍ଲକ ଲାଖବାହାଲି ପଞ୍ଚାୟତ ଅଧୀନ ଥୁଆଙ୍ଗପଦର ଗ୍ରାମରେ ଅଗ୍ନି ଭୈରବୀଙ୍କ ଝାମୁଯାତ୍ରା ମଙ୍ଗଳବାର ସମ୍ପନ୍ନ ହୋଇଯାଇଛି। ପରମ୍ପରା...

କଳାହାଣ୍ଡିରେ ବିଜେଡି ଖେଳିଲା ମହିଳା କାର୍ଡ

ଭବାନୀପାଟଣା,୨୮।୩(ଉତ୍ତମ କୁମାର ଦାଶ): ଆଗାମୀ ସାଧାରଣ ନିର୍ବାଚନ ବିଧାନ ସଭା କ୍ଷେତ୍ର ପାଇଁ ବିଜେଡି ପକ୍ଷରୁ ବୁଧବାର ପ୍ରଥମ ପର୍ଯ୍ୟାୟ ବିଧାୟକ ପ୍ରାର୍ଥିନୀ/ପ୍ରାର୍ଥିଙ୍କ ନାମ ଘୋଷଣା...

ଟିଟିଲାଗଡ଼: ବଢ଼ିଲା ସୁରେନ୍ଦ୍ରଙ୍କ ବିଜେଡିରେ ଯୋଗଦାନ ଚର୍ଚ୍ଚା

ସଇଁତଲା,୨୮ା୩(ରାଖାଲ ପ୍ରସାଦ ଶତପଥୀ): ନିର୍ବାଚନ ଯେତିକି ପାଖେଇ ଆସୁଛି, ଦଳଗୁଡ଼ିକ ଭିତରେ ଆଶାୟୀଙ୍କ ପ୍ରାର୍ଥୀ ସଂଖ୍ୟା ମଧ୍ୟ ବଢ଼ିବାରେ ଲାଗିଛି। ଭାଜପା ଲୋକ ସଭା ସଦସ୍ୟଙ୍କ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri