ପାଟଣା,୨୫।୧୦(ସ୍ବ.ପ୍ର.): କେନ୍ଦୁଝର ଜିଲା ପାଟଣା ମୁଖ୍ୟାଳୟ ବଜାର ଓ ତୁରୁମୁଙ୍ଗା ବଜାରରେ ବଣିକ ସଙ୍ଘ ପକ୍ଷରୁ ସୋମବାର ଶ୍ୟାମା କାଳୀ ପୂଜା ଅନୁଷ୍ଠିତ ହୋଇଛି। ଆଲୋକ ମାଳା ସହ ସୁନ୍ଦର ତୋରଣରେ ବଜାର ଝଲସି ଉଠୁଛି। ପାଟଣା ପୂଜାରେ କର୍ତ୍ତା ଭାବେ ଅଜୟ କୁମାର ଭଞ୍ଜ ପୂଜା ନୀତି ସମ୍ପନ୍ନ କରିଥିବା ବେଳେ ପୂଜକ ଭାବେ ରବୀନ୍ଦ୍ର ପାଣି , ଗଦାଧର ପଣ୍ଡା ଓ ସମ୍ବିତ କୁମାର ପାଣି ଦେନୀତି ସମ୍ପନ୍ନ କରିଥିଲେ। ସମସ୍ତ ନୀତିକାନ୍ତି ବଣିକ ସଙ୍ଘ ସଭାପତି ଅଜୟ ଭଞ୍ଜ ଓ ସମ୍ପାଦକ ବାଇଧର ସାହୁ ତତ୍ୱାବଧାନରେ ଅନୁଷ୍ଠିତ ହୋଇଛି। ବୁଧବାର ଭୁବନେଶ୍ୱର ଗୀତ ଗୁଞ୍ଜନ ପକ୍ଷରୁ ମେଲୋଡି କାର୍ଯ୍ୟକ୍ରମ ଅନୁଷ୍ଠିତ ହେବ। ଅନୁରୁପ ଭାବେ ତୁରୁମୁଙ୍ଗା ହାଇସ୍କୁଲ ପଡିଆରେ ବଣିକ ସଂଘ ପକ୍ଷରୁ କାଳୀ ପୂଜା ଅନୁଷ୍ଠିତ ହେଉଛି। ମଙ୍ଗଳବାର ସୂର୍ଯ୍ୟ ପରାଗ ହେଉଥିବାରୁ ଦେବୀଙ୍କ ନୀତିକାନ୍ତି ସହ ଦର୍ଶନ ବନ୍ଦ ରହିଛି।
