ଟାଙ୍ଗୀ(ଖୋର୍ଦ୍ଧା),୨୧।୮(ଡି.ଏନ.ଏ.)-ଭୁବନେଶ୍ୱର, ବାଲୁଗାଁ, ଆସିକା ଓ ବ୍ରହ୍ମପୁର ଅଭିମୁଖେ ବସ୍ଗୁଡ଼ିକ ବେଆଇନ ଭାବେ ଯାତାୟାତ କରୁଥିବା ବାରମ୍ବାର ଅଭିଯୋଗ ହେଉଛି। ତେଣୁ ମଙ୍ଗଳବାର ପରିବହନ ବିଭାଗ ତରଫରୁ ଯାଞ୍ଚ ଆରମ୍ଭ ହୋଇଯାଇଛି । ଖୋର୍ଦ୍ଧା ଜିଲା ଏନ୍ଫୋର୍ସମେଣ୍ଟ ସ୍କ୍ବାଡର ମୁଖ୍ୟ ମାନା ସିଂହଙ୍କ ନେତୃତ୍ୱରେ ପରିବହନ କର୍ମଚାରୀମାନେ ୧୬ ନଂ ଜାତୀୟ ରାଜପଥ ଟାଙ୍ଗୀ ବାଇପାସ୍ରେ ଯାତ୍ରୀବାହୀ ବସ୍ଗୁଡ଼ିକର ପରମିଟ୍ ଯାଞ୍ଚ କରିଥିବା ଜଣାପଡିଛି। ବସ୍ଗୁଡ଼ିକ ଟାଙ୍ଗୀ ଓ ଚାନ୍ଦପୁର ରାସ୍ତାରେ ନ ଯାଇ ବିନା ପରମିଟ୍ରେ ବାଇପାସ୍ରେ ଯାଉଥିବା ଅଭିଯୋଗ ହୋଇଆସୁଛି। ତେଣୁ ତନଖି ବେଳେ ପରିବହନ କର୍ମଚାରୀମାନେ ଜରିମାନା ଆଦାୟ ସହ ତାଗିଦ୍ ମଧ୍ୟ କରିଥିଲେ। ସୂଚନାଯୋଗ୍ୟ, ବିଭାଗ ପକ୍ଷରୁ ଟାଙ୍ଗୀ-ଚାନ୍ଦପୁର ଦେଇ ଯାତାୟାତ କରିବାକୁ ନିର୍ଦ୍ଦେଶନାମା ଜାରି ସହ ବିନା ପରମିଟ୍ରେ ଚଳାଚଳ କରୁଥିବା ବସ୍ଗୁଡ଼ିକ ପ୍ରତି ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ ଓ ଜରିମାନା ଆଦାୟ କରାଯାଇଛି।
