ୱେଲିଂଟନ,୩ ।୯: ନ୍ୟୁଜିଲାଣ୍ଡର ଓକଲ୍ୟାଣ୍ଡ ସୁପରମାର୍କେଟରେ ଜଣେ ଆତଙ୍କବାଦୀ ଏକକାଳୀନ ୬ଜଣଙ୍କୁ ଛୁରାମାଡ କରିଥିଲେ । ତତ୍କ୍ଷଣାତ୍ ପୋଲିସ ଉକ୍ତ ଆତଙ୍କବାଦୀଙ୍କ ଉପରକୁ ଗୁଳି ଚଳାଇବାରୁ ମାତ ୬୦ ସେକେଣ୍ଡ ମଧ୍ୟରେ ସେ ନିହତ ହୋଇଥିବା କୁହାଯାଉଛି । ନ୍ୟୁଜିଲାଣ୍ଡ ପ୍ରଧାନମନ୍ତ୍ରୀ ଜେସିଣ୍ଡା ଅର୍ଡର୍ନ ଏହାକୁ ଆତଙ୍କବାଦୀ ଆକ୍ରମଣ ବୋଲି କହିଛନ୍ତି । ସେ କହିଛନ୍ତି ଆକ୍ରମଣ କରିଥିବା ବ୍ୟକ୍ତି ଆତଙ୍କବାଦୀ ସଙ୍ଗଠନ ଆଇଏସ୍ ଦ୍ୱାରା ପ୍ରେରଣା ପାଇଛି । ପୋଲିସର ସୂଚନା ଅନୁଯାୟୀ, ଓକଲ୍ୟାଣ୍ଡର ସୁପର ମାର୍କେଟରେ ଦିନ ପ୍ରାୟ ୨ଟା ୪୦ରେ ଏହି ଘଟଣା ଘଟିଛି । ପୋଲିସ ଉକ୍ତ ବ୍ୟକ୍ତିଙ୍କ ଉପରେ ଲଗାତାର ନଜର ରଖିଥିବାରୁ ଘଟଣା ଘଟିବାର ମାତ୍ର ୬୦ ସେକେଣ୍ଡ ମଧ୍ୟରେ ପୋଲିସ ଗୁଳିରେ ଆକ୍ରମଣକାରୀ ଟଳି ପଡିଛନ୍ତି ବୋଲି ପୋଲିସ କହିଛି । ପ୍ରଧାନମନ୍ତ୍ରୀ କହିଛନ୍ତି ଉକ୍ତ ବ୍ୟକ୍ତି ଜଣଙ୍କ ଶ୍ରୀଲଙ୍କା ବାସିନ୍ଦା ହୋଇଥିବା ବେଳେ ତାଙ୍କର ଆଇଏସ୍ ସହ ସମ୍ପର୍କ ଥିଲା ।
