ପାସାଡ଼େନା, ୨୯।୧୨: ନୂଆବର୍ଷରେ ମଙ୍ଗଳରେ ଜୀବନ ସନ୍ଧାନ ପାଇଁ ନାସା ପକ୍ଷରୁ ସ୍ବତନ୍ତ୍ର କାର୍ଯ୍ୟକ୍ରମ ପ୍ରସ୍ତୁତ କରାଯାଇଛି। ୨୦୨୦ ଜୁଲାଇରେ ନାସା ପକ୍ଷରୁ ଏକ ସ୍ବତନ୍ତ୍ର ରୋଭର ମଙ୍ଗଳରେ ଜୀବନ ଖୋଜିବା ଲାଗି ଛଡ଼ାଯିବ। ଗତ ସପ୍ତାହରେ ଏହାର ପରୀକ୍ଷଣ ସଫଳତାର ସହିତ ପାସାଡ଼େନାଠାରେ ଥିବା ଜେଟ୍ ପ୍ରୋପଳଶନ୍ ଲ୍ୟାବ୍ରେ ସମ୍ପନ୍ନ ହୋଇଛି। ଏଥିରେ ୨୩ଟି କ୍ୟାମେରା ଲଗାଯାଇଛି। ସେହିପରି ଯେକୌଣସି ଶବ୍ଦକୁ ରେକର୍ଡିଂ କରିବା ଲାଗି ଏଥିରେ ୨ଟି ଶ୍ରବଣ ଯନ୍ତ୍ର ଓ ରେକର୍ଡର ଲଗାଯାଇଛି।
ଏହି ଅତ୍ୟାଧୁନିକ ରୋଭରରେ ଲେଜର ତରଙ୍ଗକୁ ମଧ୍ୟ ସାମିଲ୍ କରାଯାଇଛି। ଏହା ଫ୍ଲୋରିଡ଼ାସ୍ଥିତ କେପ୍ କାନାଭେରାଲ ଉତ୍କ୍ଷେପଣ କେନ୍ଦ୍ରରୁ ମଙ୍ଗଳ ଅଭିମୁଖେ ଯାତ୍ରା କରିବ।
