ବ୍ରହ୍ମପୁର ଅଫିସ,୧୫ା୫-କରୋନା ପାଇଁ ଲକ୍ଡାଉନ୍ ଜାରି ରହିଛି। ଏହାକୁ ଉଲ୍ଲଂଘନ ଅଭିଯୋଗରେ ଗୁରୁବାର ବ୍ରହ୍ମପୁର ମହାନଗର ନିଗମ ପକ୍ଷରୁ ୪ ଦୋକାନ ସିଲ୍ କରାଯାଇଛି। ଏଥିସହ ସାମାଜିକ ଦୂରଦ୍ୱ ନିୟମ ଉଲ୍ଲଂଘନ ଓ ମାସ୍କ ବ୍ୟବହାର ନ କରିବା ଅଭିଯୋଗରେ ୪୧ ଦୋକାନୀଙ୍କଠାରୁ ୬୭୦୦ ଟଙ୍କା ଜରିମାନା ଆଦାୟ କରାଯାଇଥିବା ବିଏମ୍ସି ପକ୍ଷରୁ ସୂଚନା ମିଳିଛି ା ସହରର ବଜାର ଅଞ୍ଚଳରେ ଥିବା ସପିଂମଲ, ମାର୍କେଟ କମ୍ପ୍ଲେକ୍ସ ଖୋଲିବା ସମୟରେ ପରିବର୍ତ୍ତନ କରାଯାଇଛି ା ଏଥିସହ ସାମାଜିକ ଦୂରତ୍ୱ ରକ୍ଷା କରିବା, ପ୍ରତ୍ୟେକ ଦୋକାନରେ ମାସ୍କ ବ୍ୟବହାର ବାଧ୍ୟତାମୂଳକ ଥିବା ନେଇ ବିଏମ୍ସି ପକ୍ଷରୁ ନିର୍ଦ୍ଦେଶନାମା ଜାରି କରାଯାଇଛି ା ଏହାସତ୍ତ୍ବେ ବ୍ରହ୍ମପୁରରେ ଅନେକ ଦୋକାନୀ ଏହାକୁ ଉଲ୍ଲଂଘନ କରୁଥିବା ଅଭିଯୋଗ ହୋଇଥିଲା ା ତେବେ ଏ ନେଇ ଗୁରୁବାର ବିଏମ୍ସି ଏନ୍ଫୋର୍ସମେଣ୍ଟ ସ୍କ୍ବାଡ୍ ପକ୍ଷରୁ ସାନବଜାର, ବଡବଜାର, ଟାଟାବେଞ୍ଚ ଛକ, ରାମଲିଙ୍ଗମ୍ ବନ୍ଧ, ଟାଉନ୍ହଲ ରୋଡ ଓ ସୁବାରାଓ ଛକ ଆଦି ସ୍ଥାନରେ ଥିବା ମାର୍କେଟ, ଦୋକାନରେ ଚଢାଉ କରାଯାଇଥିଲା। ଚଢାଉବେଳେ ୪ ଦୋକାନ ଲକ୍ଡାଉନ୍ ନିୟମାବଳୀ ଉଲ୍ଲଂଘନ କରିଥିବା ଦୃଷ୍ଟିକୁ ଆସିଥିଲା। ବନ୍ଦ ନିର୍ଦ୍ଦେଶ ସତ୍ତ୍ବେ ୱାନ୍ୱେ ଟ୍ରାଫିକ୍ ରୋଡରେ ଖୋଲିଥିବା ଦୁଇଟି ସେଲୁନ ସମେତ ଜନାନା ହସ୍ପିଟାଲ ଆଗରେ ପାର୍ସଲ ପରିବର୍ତ୍ତେ ଖାଇବାକୁ ଦେଉଥିବା ଏକ ହୋଟେଲକୁ ସିଲ୍ କରାଯାଇଥିଲା ା ସେହିପରି ବିଏମ୍ସି ଦ୍ୱାରା ନିର୍ଦ୍ଧାରିତ ସମୟ ପୂର୍ବରୁ ଖୋଲିଥିବା ଶ୍ରୀଟାୱାରସ୍ଥିତ ଏକ ଡ୍ରେସ୍ ଦୋକାନକୁ ମଧ୍ୟ ସିଲ କରାଯାଇଥିଲା ା ଏହାବ୍ୟତୀତ ସହରର ବିଭିନ୍ନ ଅଞ୍ଚଳରେ ସାମାଜିକ ଦୂରତ୍ୱ ନିୟମ ଉଲ୍ଲଂଘନ ଓ ମାସ୍କ ବ୍ୟବହାର କରୁ ନ ଥିବା ୪୧ ଦୋକାନୀଙ୍କଠାରୁ ୬୭୦୦ ଟଙ୍କା ଜରିମାନା ଆଦାୟ କରାଯାଇଥିବା ବିଏମ୍ସି ପକ୍ଷରୁ କୁହାଯାଇଛି ା
