ନାଟ୍ୟକାର ଅଜୟ ସ’

ଅଜୟ କୁମାର ସ’। ନାଟକକୁ ଭଲ ପାଉଥିବା ତଥା ନାଟକକୁ ନେଇ ସ୍ବପ୍ନ ଦେଖୁଥିବା ଜଣେ ମଣିଷ। କେବଳ ନାଟକକୁ ଭଲ ପାଉଥିବା କିମ୍ବା ନାଟକକୁ ନେଇ ସ୍ବପ୍ନ ଦେଖିବା ଭିତରେ ତାଙ୍କର ପରିଚୟ ସୀମିତ ନୁହଁ। ସେ ଏକାଧାରରେ ଜଣେ ନାଟ୍ୟକାର ତଥା ନିର୍ଦ୍ଦେଶକ ମଧ୍ୟ। ହାଇସ୍କୁଲ୍‌ର ଗୋଟିଏ ଘଟଣା ହିଁ ତାଙ୍କୁ ନାଟକ ପ୍ରେମରେ ପକେଇ ଦେଇଥିଲା। ୧୯୯୧ ମସିହା କଥା। ସୋର କେଶରୀପୁର ସ୍ଥିତ ଶତ୍ରୁଘ୍ନନାଥ ଉଚ୍ଚବିଦ୍ୟାପୀଠରେ ପଢୁଥାନ୍ତି ଅଜୟ। ଗପ ମଧ୍ୟ ଲେଖୁଥାନ୍ତି। ତାଙ୍କର ଜଣେ ସାର୍‌ କହିଲେ ଗୋଟିଏ ଏକାଙ୍କିକା ଲେଖିବାକୁ। ଅଜୟ ଏକାଙ୍କିକା ଲେଖିଲେ ଆଉ ସେଇଟି ସ୍କୁଲରେ ମଞ୍ଚସ୍ଥ ହୋଇ ଖୁବ୍‌ ପ୍ରଶଂସା ସାଉଣ୍ଟିଲା। ଏହାପରେ ନାଟକ ପ୍ରେମରେ ପଡ଼ିଗଲେ ଅଜୟ। ସେତେବେଳେ ଶ୍ରୀଶ୍ରୀ ଉତ୍ତରାୟଣୀ ଅପେରା ସାତଶଙ୍ଖର ନାମ ଭାରି ଡାକଥାଏ। ତାହାର ପ୍ରୋପ୍ରାଇଟର ଆଡଭୋକେଟ୍‌ ସୁରେନ୍ଦ୍ର ମହାନ୍ତି ଉଭୟ ନାଟ୍ୟକାର ତଥା ନିର୍ଦ୍ଦେଶକ ଭାବରେ ସୁନାମ ଅର୍ଜନ କରିଥାନ୍ତି। ଅଜୟ ତାଙ୍କରି ପାଖରେ ଆସିଷ୍ଟାଣ୍ଟ ଭାବରେ କାମକଲେ। ତାଙ୍କର କାମ ଥିଲା ସୁରେନ୍ଦ୍ରବାବୁ ଯେଉଁ ନାଟକ ଲେଖିବେ ତାହାକୁ ଭଲ ଅକ୍ଷରରେ ସେ ଆଉ ଏକ କାଗଜ ଉପରେ ଉତାରିବେ। ସେଇଟି ମଞ୍ଚସ୍ଥ ହେବ। ଏଭଳି କରିବା ଦ୍ୱାରା ସେ ବି ନାଟକ ଲେଖିବା ତଥା ନିର୍ଦ୍ଦେଶନା ଦେବାର କାଇଦା କୌଶଳ ହାସଲ କରୁଥାନ୍ତି। ପରେପରେ ତାଙ୍କର ଭେଟ ହେଲା ନାଟ୍ୟକାର ତଥା ନିର୍ଦ୍ଦେଶକ ସନ୍ତୋଷ ନାରାୟଣ ଦାସଙ୍କ ସହିତ। ସନ୍ତୋଷଙ୍କର ମଧ୍ୟ ସେ ଆସିଷ୍ଟାଣ୍ଟ ଭାବରେ କାମକଲେ। ଏହିଭଳି ଦଶ ପନ୍ଦରବର୍ଷ ବିତିଗଲା। ସନ୍ତୋଷ ନାରାୟଣ ଦାସଙ୍କ ସହିତ କାମ କରିବା ବେଳେ ତାଙ୍କର ବହୁ ଯାତ୍ରାପାର୍ଟିର ପ୍ରଯୋଜକଙ୍କ ସହିତ ଚିହ୍ନା ପରିଚିତ ହୋଇଥାଏ। ସେମାନଙ୍କ ମଧ୍ୟରୁ ଜଣେ ପ୍ରଯୋଜକ ଏକ ନୂଆପାର୍ଟି କଲେ ଓ ଅଜୟବାବୁଙ୍କୁ ନାଟକ ଲେଖି ନିର୍ଦ୍ଦେଶନା ଦେବା ପାଇଁ ଅନୁରୋଧ କଲେ। ଅଜୟ ବାବୁଙ୍କ ପାଇଁ ଏହା ଥିଲା ଏକ ସୁବର୍ଣ୍ଣ ସୁଯୋଗ। ‘ଲିଭିନି ଅଳତା ଶୁଖିନି ଲୁହ’ ଥିଲା ତାଙ୍କର ପ୍ରଥମ ନାଟକ। ଏହାକୁ ସେ ଲେଖିବା ସହିତ ନିର୍ଦ୍ଦେଶନା ମଧ୍ୟ ଦେଇଥିଲେ। ସେତିକିନୁହେଁ, ସେ ଏହି ସମୟକାଳ ମଧ୍ୟରେ ଉତ୍ତର ବାଲେଶ୍ୱରର ବିଭିନ୍ନ ଯାତ୍ରାପାର୍ଟିରେ କାମ କରୁଥାନ୍ତି। ସେ ପାର୍ଟିଗୁଡ଼ିକ ମଧ୍ୟରେ ଅପେରା ଦାରୁବ୍ରହ୍ମ, ଅପେରା ତାରାତାରିଣୀ, କଳିଙ୍ଗ ଦରବାର, ଶ୍ୟାମସୁନ୍ଦର ଗଣନାଟ୍ୟ, ଯାତ୍ରା ଓଁକାର ଆଦି ଅନ୍ୟତମ। ସେ ଲେଖିଥିବା ନାଟକଗୁଡ଼ିକ ମଧ୍ୟରେ ରହିଛି ବାହାଘର ଦିନ ବିଧବା ହେବି, ଝିଅମାନେ ମରିବା ଆସ, ପରୀ ରାଇଜରୁ ଆସିଛି ବୋହୂ, ସାଥୀ ଆସିଥିଲା ସପନ ହୋଇ, କିଏ ଜାଣିଥିଲା ଏମିତି ହେବ, ଲୁହ ଆଇନାରେ ମୁହଁ ଦେଖୁଛି। ଚଳିତବର୍ଷ ଯୁବ ନିର୍ଦ୍ଦେଶକ ତାପସ ସ୍ବାଇଁଙ୍କ ସହିତ ସେ ଧଉଳି ଗଣନାଟ୍ୟ ପାଇଁ ଏକ ନାଟକ କରୁଛନ୍ତି; ଯାହାର ଟାଇଟଲ ରହିଛି ‘କର୍ଣ୍ଣ ଖୋଜୁଛି ତା’ ନିଜ ଠିକଣା। ନାଟକଟିକୁ ନେଇ ବେଶ୍‌ ଆଶାବାଦୀ ଅଛନ୍ତି ଅଜୟ। ବାପା ସ୍ବର୍ଗତ ନିରଞ୍ଜନ ସ’ ଏବଂ ମା’ ସୁମିତ୍ରା ସ’ଙ୍କ ପ୍ରେରଣା ତାଙ୍କୁ ଏତେ ବାଟକୁ ଆଣିପାରିଛି। ସ୍ତ୍ରୀ ସ୍ବର୍ଣ୍ଣଲତା ଓ ଦୁଇପୁଅ ମନୀଶ ଏବଂ ଗଗନଦୀପଙ୍କ ସହଯୋଗ ତାଙ୍କର ଯାତ୍ରାପଥକୁ ସବୁବେଳେ ସୁଗମ କରୁଛି ବୋଲି କହନ୍ତି ଏହି ପ୍ରତିଭାବାନ୍‌ ଯୁବ ନାଟ୍ୟକାର।


Enter your email to get our daily news in your inbox.

All Right Reserved By Dharitri.Com

୧୪ ବର୍ଷର ବନବାସ ଶେଷ କରି କାହିଁକି ରାଜନୀତିକୁ ଫେରିଲେ ଛୋଟେ ମିଆଁ

ମୁମ୍ବାଇ,୨୮।୩: ବଲିଉଡ଼ ଅଭିନେତା ତଥା ପୂର୍ବତନ ଏମପି ଗୋବିନ୍ଦା ଗୁରୁବାର ମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କ ନେତୃତ୍ୱରେ ଶିବସେନାରେ ଯୋଗ ଦେଇଛନ୍ତି। ମୁମ୍ବାଇ ଉତ୍ତର ପଶ୍ଚିମରେ ଶିବସେନାର...

ସିଦ୍ଧାର୍ଥଙ୍କୁ ବିବାହ ଲାଗି ହଁ କହିଲେ ଅଦିତି, ସରିଲା ନିର୍ବନ୍ଧ

ବମ୍ବେ: ବିବାହ ହୋଇନି, ସରିଛି ନିର୍ବନ୍ଧ। ଲୁଚାଛପାରେ ବଲିଉଡ୍‌ ଅଭିନେତ୍ରୀ ଅଦିତି ରାଓ ହୈଦରୀ ଏବଂ ସିଦ୍ଧାର୍ଥ କର୍ନାଟକର ଏକ ମନ୍ଦିରରେ ବିବାହ କରିନେଇଛନ୍ତି ବୋଲି...

ମନର ଯନ୍ତ୍ରଣା ବଖାଣିଲେ କରିନା

ଆଜିକାଲି କରୀନା କପୁର ଫିଲ୍ମ ‘କ୍ରୁ’କୁ ନେଇ ବେଶ୍‌ ଚର୍ଚ୍ଚାରେ ଅଛନ୍ତି। ଏହି ଫିଲ୍ମରେ ତାଙ୍କ ସହ ତବୁ ଏବଂ କ୍ରିତି ସାନନ ମଧ୍ୟ ମୁଖ୍ୟ...

ମାତ୍ର ଦେଢ ବର୍ଷ ବୟସରେ ୨୫୦ କୋଟି ଟଙ୍କାର ମାଲିକାଣୀ ହେବେ ଏହି ଷ୍ଟାରକିଡ୍‌

ବଲିଉଡର ପାଓ୍ବାରଫୁଲ୍‌ କପଲ୍‌ ରଣବୀର କପୁର ଏବଂ ଆଲିଆ ଭଟ୍ଟ ମୁମ୍ବାଇର ବାନ୍ଦ୍ରାଠାରେ ନୂଆ ଘର ପ୍ରସ୍ତୁତ କରୁଛନ୍ତି। ଏହି ଦମ୍ପତି ଶୀଘ୍ର ନିଜ ନୂଆ...

ଭାଜପାରେ ମିଶିଲେ ସିଦ୍ଧାନ୍ତ ମହାପାତ୍ର

ନୂଆଦିଲ୍ଲୀ/ଭୁବନେଶ୍ୱର,୨୮ା୩: ଭାଜପାରେ ଗୁରୁବାର ଯୋଗ ଦେଇଛନ୍ତି ଅଭିନେତା ତଥା ବିଜେଡିର ପୂର୍ବତନ ଏମ୍‌ପି ସିଦ୍ଧାନ୍ତ ମହାପାତ୍ର। ଦିଲ୍ଲୀ ମୁଖ୍ୟ କାର୍ଯ୍ୟାଳୟରେ ଯୋଗଦେଇ ସେ ଭାଜପାରେ ସାମିଲ...

ମୁନାୱାର ଫାରୁକିଙ୍କୁ ଅଟକ ରଖିଲା ପୋଲିସ

ମୁମ୍ବାଇ: ‘ବିଗ୍‌ ବସ’ ୧୭ ବିଜେତା ତଥା ଷ୍ଟାଣ୍ଡଅପ ହାସ୍ୟ ଅଭିନେତା ମୁନାୱାର ଫାରୁକି ପୁଣି ଥରେ ଅସୁବିଧାରେ ପଡ଼ିଛନ୍ତି । ବାସ୍ତବରେ ମୁନାୱାର ଫାରୁକିଙ୍କୁ...

ବିଦେଶି ବୟଫ୍ରେଣ୍ଡଙ୍କୁ ବିବାହ କଲେ ତାପସି? ଅନୁରାଗ କାଶ୍ୟପ ଅତିଥି!

ମୁମ୍ବାଇ: ଲଙ୍ଗ ଟାଇମ ବୟଫ୍ରେଣ୍ଡ ମୈଥିୟାସ ବୋଙ୍କ ସହ ବଲିଉଡ ଅଭିନେତ୍ରୀ ତାପସି ପନ୍ନୁଙ୍କ ବିବାହ ଖବର ଏବେ ହେଡଲାଇନରେ ରହିଛି। ଗତ ଦଶ ବର୍ଷ...

୫୧ ବର୍ଷ ବୟସରେ ଦ୍ୱିତୀୟ ଥର ପାଇଁ ମା’ ହେଲେ ଏହି ଅଭିନେତ୍ରୀ

ଓ୍ବାଶିଂଟନ: ହଲିଉଡର ପ୍ରସିଦ୍ଧ ଅଭିନେତ୍ରୀ କ୍ୟାମେରନ ଡିଆଜଙ୍କ ଘରେ ପୁଣିଥରେ ଖୁସିର ମୁହୂର୍ତ୍ତ ଆସିଛି। ଅଭିନେତ୍ରୀଙ୍କ ଘରେ କୁଆଁ କୁଆଁ ଡାକ ଶୁଭିଛି। ହଁ, କାମେରନ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri