ବୁଏନ୍ସ ଆୟାର୍ସ(ଆର୍ଜେଣ୍ଟିନା),୩୦।୯: ଏଠାରେ ଚାଲିଥିବା ଏଟିପି ଚ୍ୟାଲେଞ୍ଜର କ୍ଲେ କୋର୍ଟ ଇଭେଣ୍ଟରେ ଟାଇଟଲ ହାସଲ କରିବା ପରେ ଭାରତୀୟ ଉଦୀୟମାନ ଟେନିସ ଖେଳାଳି ସୁମିତ ନାଗଲ ସୋମବାର କ୍ୟାରିୟରର ଶ୍ରେଷ୍ଠ ର଼୍ୟାଙ୍କିଙ୍ଗ୍ ହାତେଇଛନ୍ତି। ପୂର୍ବ ଅପେକ୍ଷା ୨୬ ସ୍ଥାନ ଉପରକୁ ଉଠି ୧୩୫ତମ ମାନ୍ୟତା ହାସଲ କରିଛନ୍ତି। ରବିବାର ଅନୁଷ୍ଠିତ ଫାଇନାଲରେ ନାଗଲ ଘରୋଇ ଖେଳାଳି ଫାକୁନ୍ଡୋ ବାଗ୍ନିସଙ୍କୁ ୬-୪, ୬-୨ ସେଟ୍ରେ ହରାଇଥିଲେ। ମ୍ୟାଚ୍ ଜିତିବା ପାଇଁ ଭାରତୀୟ ଖେଳାଳିଙ୍କୁ ୩୭ ମିନିଟ୍ ଲାଗିଥିଲା। ଏହା ତାଙ୍କ କ୍ୟାରିୟରର ଦ୍ୱିତୀୟ ଚ୍ୟାଲେଞ୍ଜର ଟ୍ରଫି ଥିଲା। ସେ ପ୍ରଥମ ଟାଇଟଲ ୨୦୧୭ରେ ବେଙ୍ଗାଲୁରୁ ଚ୍ୟାଲେଞ୍ଜ ଇଭେଣ୍ଟରେ ପାଇଥିଲେ। ଉଲ୍ଲେଖଥାଉ କି, ୨୨ ବର୍ଷୀୟ ନାଗଲ ଚଳିତବର୍ଷ କ୍ୟାରିୟରରେ ପ୍ରଥମ ଥର ଗ୍ରାଣ୍ଡସ୍ଲାମ ଟୁର୍ନାମେଣ୍ଟ ଖେଳିଥିଲେ। ସେ ଅଷ୍ଟ୍ରେଲିଆନ ଓପନର ପ୍ରଥମ ରାଉଣ୍ଡରେ ରୋଜର ଫେଡରରଙ୍କଠାରୁ ହାରିଥିଲେ। କିନ୍ତୁ ମ୍ୟାଚ୍ର ପ୍ରଥମ ସେଟ୍ରେ ଫେଡରରଙ୍କୁ ହରାଇଥିଲେ ନାଗଲ।
