ବାହାନଗା,୭ା୧(ଡି.ଏନ.ଏ.)-ବିଭିନ୍ନ ମଣ୍ଡିରେ ଧାନକିଣା ବେଳେ କଟନୀଛଟନୀ କରାଯାଉ ଥିବାରୁ ଚାଷୀମାନେ ଏହାକୁ ବିରୋଧ କରୁଛନ୍ତି। ବାଲେଶ୍ୱର ଜିଲା ବାହାନଗା ସେବା ସମବାୟ ସମିତି ପକ୍ଷରୁ ଖୋଲାଯାଇଥିବା ମଣ୍ଡିକୁ ଧାନ ବିକିବାକୁ ଆସୁଥିବା ଚାଷୀ ଏ ନେଇ ଅସନ୍ତୋଷ ବ୍ୟକ୍ତ କରିଛନ୍ତି। ଚାଷୀମାନେ କହିଛନ୍ତି ଯେ, ସେମାନେ ବିକିବାକୁ ଆସୁଥିବା ଧାନର ମାନ ଠିକ୍ ନଥିବା ଦର୍ଶାଇ କୁଇଣ୍ଟାଲ ପିଛା ୩ରୁ ୭ ପ୍ରତିଶତ କାଟି ଧାନର ମୂଲ୍ୟ ହିସାବ କରାଯାଉଛି। ଏଥିଲାଗି ଧାନ ବିକି ଚାଷୀମାନେ ଉଚିତ ମୂଲ୍ୟ ପାଉ ନ ଥିବା କହିିଛନ୍ତି ା ଏଭଳି ସମସ୍ୟା ପ୍ରତି ଜିଲା ପ୍ରଶାସନର ନିଘା ନ ଥିବାରୁ ଚାଷୀ ଯୋଗେନ୍ଦ୍ର ମଳିକ, ଗଣେଶ ମଳିକ, ବାବୁଲା ମଳିକ ପଦ୍ମଲୋଚନ ରାଜ, ପଦ୍ମଲୋଚନ ପରିଡା, ଅକ୍ଷୟ ମଳିକ, ସାବିତ୍ରୀ ମଳିକ, ଶୁକମଣି ଦାସ, ସରସ୍ବତୀ ମହାଳିକ,ଶାନ୍ତୁନ୍ ବିଶ୍ୱାଳ, ବିଜୟ ବେହେରା, ସନ୍ତୋଷ ସିଂ, ଗଜେନ୍ଦ୍ର ମଳିକ, ପୂର୍ଣ୍ଣ ଚନ୍ଦ୍ର ରାଜ ପ୍ରମୁଖ ଅଭିଯୋଗ କରିଛନ୍ତି ା
ଏବାବଦରେ ବାହାନଗା ସେବା ସମବାୟ ସମିତିର ସମ୍ପାଦକ ଶରତ ଚନ୍ଦ୍ର ଦାସଙ୍କୁ ପଚାରିବାରୁ କହିଛନ୍ତି ସମିତିରେ ଧାନ କିଣାକୁ ନେଇ କୌଣସି ବିବାଦ ଦେଖାଦେଇ ନାହିଁ ା ଧାନର ମାନ ଦେଖି ମିଲର ପରସେଣ୍ଟେଜ୍ କାଟୁଛନ୍ତି ା ସେହିପରି ବରିପଦା ସେବା ସମବାୟ ସମିତିର ସମ୍ପାଦକ ସନ୍ଦୀପ୍ ପାଢୀ କହିଛନ୍ତି ଚଳିତ ବର୍ଷ ବନ୍ୟା ହୋଇ ଧାନର ରଙ୍ଗ ଫିକା ପଡିଛି ା ତେଣୁ ନିମ୍ନମାନର ଧାନ କିଣିବାକୁ ମିଲରମାନେ ରାଜି ହେଉ ନାହାନ୍ତି ା କିନ୍ତୁ ଚାଷୀମାନେ ଧାନର ମାନ ନିରୂପଣ ନେଇ ମନଇଚ୍ଛା ନିଷ୍ପତ୍ତି ନିଆଯାଉ ଥିବା ଅଭିଯୋଗ କରିଛନ୍ତି ା ସରକାର ଓ ଜିଲା ପ୍ରଶାସନ ଏ ଦିଗରେ କୌଣସି ପଦକ୍ଷେପ ନ ନେଲେ ଆଗାମୀ ଦିନରେ ଚାଷୀ ମାନେ ଆନ୍ଦୋଳନ କରିବେ ବୋଲି ଚେତାବନୀ ଦେଇଛନ୍ତି ା
