କୁକୁଡାଖଣ୍ଡି,୭ା୧୨(ଡି.ଏନ.ଏ.): କୁକୁଡ଼ାଖଣ୍ଡି ବ୍ଲକ ବ୍ରହ୍ମପୁର-ଦିଗପହଣ୍ଡି ମୁଖ୍ୟରାସ୍ତା କାଳୁଆ ମନ୍ଦିର ନିକଟରେ ଶୁକ୍ରବାର ଅପରାହ୍ନ ସାଢେ ୪ଟାରେ ଏକ ସଡ଼କ ଦୁଘଟଣାରେ ବ୍ରହ୍ମପୁର ପାଣିଗ୍ରାହୀପେଣ୍ଠ ସାହିର ଜଣେ ଯୁବକଙ୍କ ମୃତ୍ୟୁ ଘଟିଛି। ମୃତକ ଜଣଙ୍କ ବ୍ରହ୍ମପୁରର ଜଣେ ଆଇନଜୀବୀଙ୍କ ପୁଅ ରୋହିତ ମହାପାତ୍ର। ନିଜର କେତେଜଣ ସାଙ୍ଗଙ୍କ ସହ ୩ଟି ଗାଡିରେ ରୋହିତ ମହୁରୀକାଳୁଆ ପୀଠକୁ ବଣ ଭୋଜି କରିବାକୁ ଆସିଥିଲେ। ଅପରାହ୍ନରେ ନିଜ ବାଇକ (ନଂ.ଓଡି୦୭ଏକ୍ସ-୩୬୬୬) ଯୋଗେ ଫେରିବା ସମୟରେ ମନ୍ଦିର ନିକଟ ବୁଲାଣିରେ ଭାରସାମ୍ୟ ହରାଇ ରୋହିତ ପଡିଯାଇଥିଲେ। ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା। ବାଇକ ପଛରେ ବସିଥିବା ରୋହିତଙ୍କ ସାଙ୍ଗ ମଧ୍ୟ ଆହାତ ହୋଇଛନ୍ତି। ଅଧଘଣ୍ଟାଯାଏ ଆମ୍ବୁଲାନ୍ସ ନ ପହଞ୍ଚତ୍ବାରୁ ଉତ୍ତେଜନା ଦେଖାଦେଇଥିଲା।
