ଡାକ୍ତରଙ୍କୁ ମିଳୁନି କାଗଜ:ଆଟାରେ ଲେଖିଲେ ପ୍ରେସ୍‌କ୍ରିପସନ୍‌

ରଣପୁର,୨୫।୯(ସ୍ବ.ପ୍ର.): ନୟାଗଡ଼ ଜିଲା ରଣପୁର ବ୍ଲକ ଚାନ୍ଦପୁରସ୍ଥିତ ବସନ୍ତ ମଞ୍ଜରୀ ସାଧାରଣ ଚିକିତ୍ସାଳୟର ଜଣେ ଡାକ୍ତର ଆଟାରେ ପ୍ରେସ୍‌କ୍ରିପସନ୍‌ ଲେଖିବା ଘଟଣା ଏଠାରେ ଚର୍ଚ୍ଚାର ବିଷୟ ହୋଇଛି। ଏହି ପ୍ରେସ୍‌କ୍ରିପସନ୍‌ ସୋସିଆଲ୍‌ ମିଡିଆରେ ଘୂରି ବୁଲୁଛି। ଅଭିଯୋଗ ଅନୁସାରେ ଗୋପାଳପୁର ଅଞ୍ଚଳର ଜଣେ ମହିଳା ରୋଗୀ ଅସୁସ୍ଥତା କାରଣରୁ ଚିକିତ୍ସା ପାଇଁ ସୋମବାର ବସନ୍ତ ମଞ୍ଜରୀ ସାଧାରଣ ଚିକିତ୍ସାଳୟକୁ ଯାଇଥିଲେ। ହେଲେ ଡାକ୍ତର ନ ଥିବାରୁ କିଛି ଦଲାଲଙ୍କ ପ୍ରରୋଚନାରେ ଭେସଜ ଡାକ୍ତରଙ୍କ କ୍ୱାର୍ଟର୍ସକୁ ଯାଇଥିଲେ । ସେଠାରେ ଡାକ୍ତର ୨୦୦ ଟଙ୍କା ଫିସ୍‌ ନେଇ ମେଡିସିନ୍‌ ଆସୁଥିବା ପେଟିକୁ ଚିରି ତାର ଏକ ଟୁକୁରା ଖଣ୍ଡ (ଆଟା)ରେ ପ୍ରେସ୍‌କ୍ରିପସନ୍‌ ଲେଖିଥିଲେ। ରୋଗୀଙ୍କ ଯୁକ୍ତି ହେଲା ଡାକ୍ତର ଯାହା ଫିସ୍‌ ମାଗିଲେ ଦେଲି, ହେଲେ କାଗଜ ଖଣ୍ଡିଏ ମଧ୍ୟ ତାଙ୍କ ପାଖରେ ନ ଥିଲା ପ୍ରେସ୍‌କ୍ରିପସନ୍‌ ଲେଖିବା ପାଇଁ । ଅଦରକାରୀ ଭାବେ ପଡିରହିଥିବା ଆଟାରେ ପ୍ରେସ୍‌କ୍ରିପସନ୍‌ ଲେଖିବା କେତେଦୂର ଠିକ୍‌ ବୋଲି ସେ ପ୍ରଶ୍ନ କରିଛନ୍ତି। ଏ ନେଇ ସିଡିଏମ୍‌ଓ ଶ୍ୱେତ ମହାପାତ୍ର କୁହନ୍ତି, ଆଟାରେ ପ୍ରେସ୍‌କ୍ରିପସନ ଲେଖିବା ଠିକ୍‌ ନୁହେଁ । ଫିସ୍‌ ନେଇ ଡାକ୍ତର ଏପରି କାହିଁକି କଲେ ଏହାର ତଦନ୍ତ କରି ପଦକ୍ଷେପ ନେବେ ବୋଲି କହିଥିଲେ।
କାର୍ଯ୍ୟ ଦିବସରେ କ୍ୱାର୍ଟର୍ସରେ ଦେଖୁଛନ୍ତି ରୋଗୀ
ବସନ୍ତ ମଞ୍ଜରୀ ସାଧାରଣ ଚିକିତ୍ସାଳୟରେ ଅଧିକାଂଶ ସମୟରେ ଡାକ୍ତର ରହୁ ନାହାନ୍ତି। ଡାକ୍ତର କ୍ୱାର୍ଟର୍ସକୁ ଆସି ରୋଗୀ ଦେଖୁଛନ୍ତି। ଚିକିତ୍ସାଳୟରେ ରୋଗୀଙ୍କୁ ଦେଖିଲେ ଫିସ୍‌ ମିଳିବନି। କ୍ୱାର୍ଟର୍ସକୁ ଆସିଲେ ରୋଗୀପିଛା ୨୦୦ରୁ ୩୦୦ ଟଙ୍କା ମିଳୁଛି । ଗୋପାଳପୁରର ରୋଗୀ ସୋମବାର ପୂର୍ବାହ୍ନ ସାଢ଼େ ୧୧ଟାରେ ଚିକିତ୍ସାଳୟରେ ପହଞ୍ଚତ୍ଥିଲେ। ମାଗଣା ସେବା ପାଇବା ବଦଳରେ ସେ ୨୦୦ ଟଙ୍କା ଦେଇ ରୋଗ ଦେଖାଇଥିଲେ। ଡ୍ୟୁଟି ସମୟରେ ଡାକ୍ତର ଜଣକ ସରକାରୀ କ୍ୱାର୍ଟର୍ସରେ ରହି ଫିସ୍‌ ନେବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ପୁଣି କ୍ୱାର୍ଟର୍ସ ସମ୍ମୁଖରେ ଅଧିକାଂଶ ଡାକ୍ତର ଫିସ୍‌ ପ୍ରାପ୍ୟ ଲେଖିଛନ୍ତି। ଏ ନେଇ ଉକ୍ତ ଚିକିତ୍ସାଳୟର ଭେସଜ ବିଶେଷଜ୍ଞ ଡା. ପ୍ରଭାତ କୁମାର ସାହୁ କୁହନ୍ତି, ୨୦୦ ଟଙ୍କା ନେଇ ରୋଗୀ ଦେଖିଥିଲି। କାଗଜ ନ ଥିବାରୁ ଆଟାରେ ପ୍ରେସକ୍ରିପସନ ଲେଖିଥିବା ସେ ସ୍ବୀକାର କରିଛନ୍ତି।
ରୋଗୀ ଶୋଷଣର ଶିକାର
ବସନ୍ତ ମଞ୍ଜରୀ ସାଧାରଣ ଚିକିତ୍ସାଳୟରେ ଡାକ୍ତର ଥିଲେ ମଧ୍ୟ ସେବା ମିଳୁନି । ଡାକ୍ତର ସେବା ଦେବା ଅପେକ୍ଷା ଫିସ୍‌ ନେବାକୁ ଅଧିକ ଗୁରୁତ୍ୱ ଦେଉଥିବା ଅଭିଯୋଗ ହୋଇ ଆସୁଛି । ପୁଣି କମ ପଇସାରେ ଭଲ ହେବା ଔଷଧ ବଦଳରେ ଦାମୀ ଔଷଧ ଲେଖୁଥିବାରୁ ରୋଗୀ କେବଳ ଶୋଷଣ ହୋଇ ଚାଲିଛି।
ଦଲାଲ ସର୍ବେସର୍ବା
ଏହି ଚିକିତ୍ସାଳୟରେ ଦଲାଲ ସର୍ବେସର୍ବା ପାଲଟିଛନ୍ତି। ସେମାନଙ୍କୁ ନ ଧରିଲେ କୌଣସି କାମ ହେଉ ନାହିଁ। ସରକାରୀ ଡାକ୍ତରଙ୍କୁ ରୋଗୀ ଦେଖାଇବାକୁ ଦଲାଲ ମଧ୍ୟସ୍ଥି ସାଜୁଛନ୍ତି। ଦଲାଲଙ୍କୁ ନ ଧରିଲେ ଡାକ୍ତର ପ୍ରେସ୍‌କ୍ରିପସନ ଠିକ୍‌ ଭାବେ ଲେଖୁ ନାହାନ୍ତି। ନିରାମୟ ଏଠାରେ ବାଟବଣା । ଡାକ୍ତର ମାଗଣା ଔଷଧ ଲେଖିବା ବଦଳରେ ଦୋକାନୀ ଔଷଧକୁ ଗୁରୁତ୍ୱ ଦେଉଛନ୍ତି, ଯାହା ଆଟାରେ ଲେଖାଥିବା ପ୍ରେସ୍‌କ୍ରିପସନ ପ୍ରମାଣ କରୁଛି।


Enter your email to get our daily news in your inbox.

All Right Reserved By Dharitri.Com

ପଦ୍ମପୁର ଆସନରେ ପ୍ରାର୍ଥୀ ଘୋଷଣା ଦ୍ୱନ୍ଦ୍ୱ

ପଦ୍ମପୁର,୨୮।୩. (ପ୍ରଦୀପ୍ତ ଦାଶ): ବରଗଡ଼ ଜିଲାରେ ଥିବା ବିଧାନସଭା ଆସନ ପାଇଁ ବିଜେଡି ବୁଧବାର ପ୍ରାର୍ଥୀ ଘୋଷଣା କରିଛି। କିନ୍ତୁ ପଦ୍ମପୁର ବିଧାନସଭା ଆସନ ପାଇଁ...

ମା’ ପୁଅଙ୍କୁ ହତ୍ୟା କଲେ ମାଓବାଦୀ

ରାଉରକେଲା,୨୮।୩(ସଙ୍ଗୀତା ଜେନା): ଓଡ଼ିଶା-ଝାଡ଼ଖଣ୍ଡ ସୀମାବର୍ତ୍ତୀ ପଶ୍ଚିମ ସିଂହଭୂମ ଚାଇଁବାସା ଅଞ୍ଚଳରେ ମାଓବାଦୀମାନେ ଜଣେ ବୃଦ୍ଧା ଓ ତାଙ୍କ ପୁଅଙ୍କୁ ହତ୍ୟା କରିଛନ୍ତି। ମୃତକ ହେଲେ ଚାଇଁବାସା...

ବସ୍‌ ଧକ୍କାରେ ଚାଲିଗଲା ଜୈନ ସନ୍ନ୍ୟାସିନୀଙ୍କ ଜୀବନ

ଫୁଲନଖରା,୨୮ା୩(ସତ୍ୟରଞ୍ଜନ ଦାସମହାପାତ୍ର): ଭୁବନେଶ୍ୱର-କଟକ ୧୬ ନମ୍ବର ଜାତୀୟ ରାଜପଥର ବମ୍ଫକୁଦ ନିକଟରେ ଏକ ଯାତ୍ରୀବାହୀ ବସ୍‌ ଧକ୍କାରେ ଜଣେ ଜୈନ ସନ୍ନ୍ୟାସିନୀଙ୍କ ମୃତ୍ୟୁ ଘଟିଛି। ସେ...

ମାହାଙ୍ଗା ଡବଲ ମର୍ଡର ମାମଲା: ଅନ୍ତରୀଣ ସୁରକ୍ଷା ବଳବତ୍ତର

କଟକ,୨୮ା୩ (କାର୍ତ୍ତିକ ସାହୁ) ମାହାଙ୍ଗା ଡବଲ ମର୍ଡର ମାମଲାରେ ବିଧାୟକ ପ୍ରତାପ ଜେନାଙ୍କ ଅନ୍ତରୀଣ ସୁରକ୍ଷାକୁ ହାଇକୋର୍ଟ ବଳବତ୍ତର ରଖିଛନ୍ତି। ନିମ୍ନକୋର୍ଟର ନିର୍ଦ୍ଦେଶ ବିରୋଧରେ ବିଧାୟକ...

ଦୁର୍ଘଟଣାରେ ଶ୍ୱଶୁର ମୃତ, ଜ୍ୱାଇଁ ଗୁରୁତର

ଭେଡ଼େନ,୨୮।୩ (ସୁଦନ ମହାକୁର): ବରଗଡ଼ ଜିଲା ଭେଡ଼େନ ଥାନା ଅଧୀନ ଭେଡ଼େନ-ରେମଣ୍ଡା ରାସ୍ତାର ଅପାମରା ନିକଟରେ ଗୁରୁବାର ଏକ ସଡ଼କ ଦୁର୍ଘଟଣା ଘଟିଛି। ଏକ ବାଇାକ୍‌...

କଂଗ୍ରେସରୁ ଇସ୍ତଫା ଦେଲେ ପୂର୍ବତନ ବିଧାୟକ, ବିଜେଡିରେ ଯୋଗଦେବା ସମ୍ଭାବନା

ନୂଆଦିଲ୍ଲୀ ,୨୮।୩: ବିଧାନସଭା ନିର୍ବାଚନ ପୂର୍ବରୁ ଟିଟିଲାଗଡର ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇ କଂଗ୍ରେସ ଦଳରୁ ଇସ୍ତଫା ଦେଇଛନ୍ତି। ତିନିଥର ପୂର୍ବତନ କଂଗ୍ରେସ ବିଧାୟକ...

ସୁଧାଂଶୁଙ୍କୁ ଗୁରୁଦାୟିତ୍ୱ ଦେଲା କଂଗ୍ରେସ

ରୂପସା,୨୮।୩(ବାଞ୍ଛାନିଧି ଦେ): ବାଲେଶ୍ୱର ଜିଲା କଂଗ୍ରେସ କମିଟି ସାଧାରଣ ସମ୍ପାଦକ ଓ ମୁଖ୍ୟ ମୁଖପାତ୍ର ସୁଧାଂଶୁ ଶେଖର ଜେନାଙ୍କୁ ପ୍ରଦେଶ କଂଗ୍ରେସ କମିଟି ପକ୍ଷରୁ ଭଦ୍ରକ...

୩୦ ହଜାର ଟଙ୍କା ଲାଞ୍ଚ ନେବା ବେଳେ ସିଟିଓ-ଜିଏସଟି ଅଧିକାରୀଙ୍କୁ ବାନ୍ଧିଲା ଭିଜିଲାନ୍ସ

ଭୁବନେଶ୍ୱର,୨୮।୩: ପୁରୀରେ ଲାଞ୍ଚ ନେଉଥିଲା ବେଳେ ବାଣିଜ୍ୟିକ ଟିକସ ଅଧିକାରୀ (ସିଟିଓ) ଏବଂ ଦ୍ରବ୍ୟ ଏବଂ ସେବା କର (ଜିଏସଟି) ଅଧିକାରୀଙ୍କୁ ଗିରଫ କରିଛି ଓଡ଼ିଶା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri