ପ୍ୟାରିସ, ୪ା୨(ଏଏଫ୍ପି)-ଅଷ୍ଟ୍ରେଲିଆନ ଓପନ ଟେନିସ ଟାଇଟଲ ବିଜୟିନୀ ହେବା ପରେ ସୋଫିଆ କେନିନ ସଦ୍ୟ ପ୍ରକାଶିତ ଡବ୍ୟ୍ଲୁଟିଏ ର଼୍ୟାଙ୍କିଙ୍ଗ ତାଲିକାରେ ତାଙ୍କ କ୍ୟାରିୟର ଶ୍ରେଷ୍ଠ ୭ମ ସ୍ଥାନ ଅଧିକାର କରିଛନ୍ତି। ଶନିବାର ମେଲବୋର୍ନଠାରେ ଗାର୍ବାଇନ ମୁଗୁରୁଜାଙ୍କ ବିପକ୍ଷରେ ୪-୬, ୬-୨, ୬-୨ ସେଟ୍ରେ ଚମକପ୍ରଦ ବିଜୟ ପରେ ଆମେରିକାର ଏହି ଖେଳାଳିଙ୍କ ୮ ସ୍ଥାନ ପଦୋନ୍ନତି ଘଟିଛି। ସେମିଫାଇନାଲରେ ୨୧ ବର୍ଷୀୟା କେନିନଙ୍କଠାରୁ ପରାସ୍ତ ହୋଇଥିବା ଅଷ୍ଟ୍ରେଲିଆର ଆଶଲେ ବାର୍ଟି ପ୍ରଥମ ସ୍ଥାନ ବଜାୟ ରଖିଛନ୍ତି। ଅନ୍ୟପକ୍ଷରେ କାରୋଲିନା ପ୍ଲିସ୍କୋଭାଙ୍କୁ ପଛରେ ପକାଇ ସିମୋନା ହାଲେପ ଦ୍ୱିତୀୟ ସ୍ଥାନ ଅଧିକାର କରିନେଇଛନ୍ତି।
ଟପ୍ ୧୦ ର଼୍ୟାଙ୍କିଙ୍ଗ ତାଲିକା:
୧.ଆଶଲେ ବାର୍ଟି (ଅଷ୍ଟ୍ରେଲିଆ), ୨.ସିମୋନା ହାଲେପ (ରୋମାନିଆ), ୩. କାରୋଲିନା ପ୍ଲିସ୍କୋଭା (ଚେକ୍ରିପବି୍ଲକ), ୪. ଏଲିନା ସ୍ବିତୋଲିନା (ୟୁକ୍ରେନ୍), ୫, ବେଲିଣ୍ଡା ବେନ୍ସିକ୍ (ସୁଇଜରଲାଣ୍ଡ), ୬. ବାଏଙ୍କା ଆଣ୍ଡ୍ରେସ୍କୁ (କାନାଡା), ୭. ସୋଫିଆ କେନିନ (ଆମେରିକା), ୮. କିକି ବର୍ଟେନ୍ସ (ନେଦରଲାଣ୍ଡ୍ସ), ୯. ସେରେନା ଓ୍ବିଲିୟମ୍ସ (ଆମେରିକା), ୧୦. ନାଓମି ଓସାକା (ଜାପାନ)।
