କାଳିଆପାଣି,୩୦ା୬(ଡି.ଏନ୍.ଏ.)- କାଳିଆପାଣି ଖଣି ଅଞ୍ଚଳର ଟମକା-ମଙ୍ଗଳପୁର ରାସ୍ତା ଶୋଚନୀୟ ହୋଇପଡ଼ିଛି। ପ୍ରତିଦିନ ଖଣି ଅଞ୍ଚଳରୁ ଏହି ରାସ୍ତା ଦେଇ ହଜାର ହଜାର କ୍ରୋମାଇଟ ବୋଝେଇ ଟ୍ରକ ରାଜ୍ୟ ଓ ରାଜ୍ୟ ବାହାରକୁ ଯାଉଥିବାବେଳେ ସରକାର କୋଟିକୋଟି ଟଙ୍କା ରାଜସ୍ବ ଆଦାୟ କରୁଛନ୍ତି। କାର୍ଯ୍ୟ କରୁଥିବା ବିଭିନ୍ନ ରାଷ୍ଟ୍ରାୟତ୍ତ ଓ ଘରୋଇ କମ୍ପାନୀ ଖଣି ଅଞ୍ଚଳର ବିକାଶ ପାଇଁ ନିଜର ଲାଭାଂଶରୁ କୋଟିକୋଟି ଟଙ୍କା ଜିଲା ଖଣିଜ ପାଣ୍ଠିରେ ଜମା କରୁଥିବାବେଳେ ଏହା କୌଣସି କାମରେ ଲାଗୁନାହଁି। ଅନ୍ୟପକ୍ଷରେ ଖଣି ଅଞ୍ଚଳକୁ ସଂଯୋଗ କରୁଥିବା ଟମକା-ମଙ୍ଗଳପୁର ରାସ୍ତାର କରି ତଃ କଲରଙ୍ଗୀ ଫେକର ଗେଟଠାରୁ କଅଁସ ପର୍ଯ୍ୟନ୍ତ ମୁଖ୍ୟ ବଜାର ଦେଇ ଯାଉଥିବା ରାସ୍ତାରେ ଆଣ୍ଠୁଏ ଲେଖାଏ ଗର୍ତ୍ତ ଦେଖିବାକୁ ମିଳିଛି। ଆଗକୁ ରଥଯାତ୍ରା ଥିବାରୁ ଏହି ରାସ୍ତା ମରାମତି ନେଇ ଗଣମାଧ୍ୟମରେ ଖବର ପ୍ରସାରଣ ହୋଇଥିଲେ ହେଁ ଜିଲା ପ୍ରଶାସନ ନିଦାବିଷ୍ଣୁ ସାଜିଛି। ଟାଟାଷ୍ଟିଲ ପରିଚାଳିତ ଟିସ୍କୋ ଜଗନ୍ନାଥ ମନ୍ଦିରରୁ ରଥ ଏହି ରାସ୍ତା ଦେଇ ଯିବାକୁ ଥିବାରୁ ଟାଟା ଷ୍ଟିଲ ପକ୍ଷରୁ ରାସ୍ତା ମରାମତି ହୋଇଛି। ରଥଯାତ୍ରାକୁ ସୂଚାରୁରୂପେ ପାଳନ ପାଇଁ ଟାଟଷ୍ଟିଲ ପକ୍ଷରୁ ନିଆଯାଇଥିବା ପଦକ୍ଷେପକୁ ସାଧାରଣରେ ପ୍ରଶଂସା କରାଯାଇଛି।
