ବଲାଙ୍ଗୀର ଅଫିସ,୧୪ା୨- ପଥର ବ୍ଳାଷ୍ଟିଂ ବେଳେ ଯୁବକଙ୍କ ମୃତ୍ୟୁ ଘଟଣାର ଉଚିତ୍ ତଦନ୍ତ ଓ ଦୋଷୀ ବିରୋଧରେ କାର୍ଯ୍ୟାନୁଷ୍ଠାନ ଦାବି ନେଇ ବଲାଙ୍ଗୀର ଜିଲା ସିନ୍ଧେକେଲା ଥାନା ଅନ୍ତର୍ଗତ ତୁରୁକଭଟା ଗ୍ରାମର ଏକ ପରିବାର ଗୁରୁବାର ଜିଲାପାଳ ଏବଂ ଏସ୍ପିଙ୍କୁ ଫେରାଦ ହୋଇଛନ୍ତି ା ତୁରୁକ୍ଭଟା ଗ୍ରାମର ଲୋକନାଥ ଛୁରା (୨୫)ଙ୍କ ଗତ ଜାନୁୟାରୀ ୧୫ ତାରିଖ ଦିନ ନିମୁର୍ଲା ପଥରକ୍ୱାରିଠାରେ ବ୍ଳାଷ୍ଟିଂ ଯୋଗୁଁ ମୃତ୍ୟୁ ଘଟିଥିବା ପରିବାର ଲୋକେ ଅଭିଯୋଗ କରିଛନ୍ତି ା ଏନେଇ ପୋଲିସ ଓ ସ୍ଥାନୀୟ ପ୍ରଶାସନିକ ଅଧିକାରୀମାନେ ଘଟଣାର ପ୍ରକୃତ ସତ୍ୟାସତ୍ୟ ଉନ୍ମୋଚନ କରିବା ପରିବର୍ତ୍ତେ ଅଭଯୁକ୍ତଙ୍କୁ ଘଣ୍ଟ ଘୋଡାଇବାକୁ ଚେଷ୍ଟା କରୁଛନ୍ତି ବୋଲି ମୃତଙ୍କ ମାତା ଗେହ୍ଳି ଛୁରା ଅଭିଯୋଗ କରିଛନ୍ତି ା କିଛି ମାସ ତଳେ ଲୋକନାଥ ଛୁରା ତାଙ୍କ ନିଜ ଗଁାର ଜନାର୍ଦ୍ଦନ ଛୁରାଙ୍କ ନିକଟରେ ମୁନ୍ସୀ କାମ କରୁଥିଲେ ା ମୁନ୍ସୀ କାମ କରୁଥିଲେ ମଧ୍ୟ ଲୋକନାଥଙ୍କୁ ଘଟଣାଦିନ ନିମୁର୍ଲା ପଥର କ୍ୱାରିରେ କାମ କରିବାକୁ ଜନାର୍ଦ୍ଦନ କୁଆଡେ କହିଥିଲେ ା ଉଭୟେ ସେଠାରେ ଉପସ୍ଥିତ ଥିବାବେଳେ ବ୍ଳାଷ୍ଟିଂ ହୋଇଥିଲା। ଏଥିରେ ଉଭୟେ ଗୁରୁତର ଆହତ ହୋଇଥିଲେ ା ଉଭୟେଙ୍କୁ ଖଡିଆଳ ସ୍ଥିତ ମିଶନ ହସପିଟାଲକୁ ନିଆଯାଇଥିଲା ା ବାରଣ ସତ୍ତ୍ୱେ ଗୁରୁତର ଲୋକନାଥଙ୍କ ସହ ତାଙ୍କ ମଁା ଗେହ୍ଳି ଛୁରା ମଧ୍ୟ ଖଡିଆଳ ମିଶନ ହସପିଟାଲ ଯାଇଥିଲେ ା ସେଠାରେ ଜନାର୍ଦ୍ଦନଙ୍କ ଚିକିତ୍ସା କରାଯାଇଥିଲା ବେଳେ ଲୋକନାଥଙ୍କୁ ହସପିଟାଲ ବାରଣ୍ଡାରେ ପକାଇ ଦିଆଯାଇଥିଲା ା ଲୋକନାଥଙ୍କ ଚିକିତ୍ସା ପାଇଁ ତାଙ୍କ ମଁା ଡାକ୍ତରମାନଙ୍କୁ କାକୁତି ମିନତି ହୋଇଥିଲେ ମଧ୍ୟ ଡାକ୍ତରଖାନା କର୍ତ୍ତୃପକ୍ଷ ପ୍ରଥମେ ୧ ଲକ୍ଷ ଟଙ୍କା ଜମା କରିବାକୁ କୁଆଡେ କହିଥିଲେ ା ଏତେଟଙ୍କା କେଉଁଠି ପାଇବେ ବୋଲି ଗେହ୍ଳି କହିଲା ପରେ ମଧ୍ୟ କେହି ଶୁଣି ନ ଥିଲେ। କେଇଘଣ୍ଟା ପରେ ସେହି ବାରଣ୍ଡାରେ ଚିକିତ୍ସା ସେବା ନପାଇ ଲୋକନାଥଙ୍କ ମୃତ୍ୟୁ ଘଟିଥିଲା ବୋଲି ଗେହ୍ଳି ଅଭିଯୋଗ କରିଛନ୍ତି ା ଏହି ଘଟଣା ପରେ ସେଠାରେ କେତେକ ଯୁବକ ଲୋକନାଥଙ୍କ ମୃତଦେହ ରଖି ରାସ୍ତାରୋକୋ କରିଥିଲେ ା ଏହାପରେ ସିନ୍ଧେକେଲା ପୋଲିସ ଓ ଟିଟିଲାଗଡ ତହସିଲଦାର ପୀଡିତ ପରିବାରକୁ ନ୍ୟାୟ ପ୍ରଦାନ କରାଯିବ ବୋଲି ପ୍ରତିଶ୍ରୁତି ଦେବା ପରେ ଖଡିଆଳ ଥାନାରେ ଲୋକନାଥଙ୍କ ମୃତଦେହ ବ୍ୟବଚ୍ଛେଦ କରାଯାଇଥିଲା ା ଘଟଣା ଘଟିବାର ଆଜିକୁ ପ୍ରାୟ ଏକ ମାସ ସମୟ ହୋଇଯାଇଥିଲେ ମଧ୍ୟ ଲୋକନାଥଙ୍କ ପରିବାରକୁ ଟଙ୍କାଟିଏ ସହାୟତା ମିଳିନାହିଁ ା ଏନେଇ ସିନ୍ଧେକେଲା ଥାନାଧିକାରୀଙ୍କ ପାଖକୁ ଓ ଟିଟିଲାଗଡ ତହସିଲଦାରଙ୍କ ପାଖକୁ ବାରମ୍ବାର ଧାଉଁଥିଲେ ମଧ୍ୟ ସେମାନେ ଆଉ ଏହି ଘଟଣାକୁ ଗୁରୁତ୍ୱ ଦେଉନଥିବା ଗେହ୍ଳି ଜଣାଇଛନ୍ତି ା ଏଣୁ ଗେହ୍ଳି ଛୁରା ଓ ତାଙ୍କ ପରିବାରର କେତେକ ସଦସ୍ୟ ଗୁରୁବାର ବଲାଙ୍ଗୀର ଆସି ଜିଲାପାଳ ଅରିନ୍ଦମ ଡାକୁଆଙ୍କୁ ତାଙ୍କ କାର୍ଯ୍ୟାଳୟରେ ଭେଟି ଏହି ଘଟଣାର ଉଚିତ୍ ତଦନ୍ତ କରିବାକୁ ଦାବି କରିଥିଲେ ା ଏହାପରେ ଗେହ୍ଳି ଓ ପରିବାର ସଦସ୍ୟମାନେ ଏସପି ଅଫିସକୁ ଯାଇ ସେଠାରେ ଦାବିପତ୍ର ପ୍ରଦାନ କରିଥିଲେ। ପରେ ଜିଲା ଶ୍ରମ କାର୍ଯ୍ୟାଳୟକୁ ଯାଇ ସେମାନେ ଦାବିପତ୍ର ପ୍ରଦାନ କରିଥିବା ଜଣାପଡିଛି ା
