Posted inରାଜ୍ୟ

ଘାତକ ସାଜିଛି ବଜ୍ରପାତ, ନେଲାଣୀ ୧୯ ଜୀବନ

ଜଗତ୍‌ସିଂହପୁର ଅଫିସ,୨୩ା୬: ବଜ୍ରପାତକୁ ନେଇ ଦିନକୁ ଦିନ ଚିନ୍ତା ବଢିବାରେ ଲାଗିଛି। ୨୦୧୬-୧୭ରୁ ଅଦ୍ୟାବଧି ଜଗତ୍‌ସିଂହପୁର ଜିଲାରେ ବଜ୍ରପାତରେ ୧୯ ଜଣଙ୍କ ମୃତ୍ୟୁ ଘଟିଥିବାବେଳେ ଶତାଧିକ ଆହତ ହୋଇଛନ୍ତି। ବଜ୍ରପାତ ସମ୍ପର୍କରେ ଲୋକେ ସଚେତନ ନ ହେଲେ ଆଗକୁ ପରିସ୍ଥିତି ଅଧିକ ଭୟଙ୍କର ହେବା ଆଶଙ୍କା ରହିଛି।
ବିଳମ୍ବରେ ହେଉ ବରଂ ମୌସୁମୀ ଓଡ଼ିଶା ଛୁଇଁଛି। ଶୁକ୍ରବାର ଜିଲାରେ ଭଲ ବର୍ଷା ହୋଇଛି। କିନ୍ତୁ ଦୁଃଖର କଥା ହେଲା ଗୁରୁବାର ବଜ୍ରପାତରେ ଜିଲାର ଜଣେ ଛାତ୍ରୀଙ୍କ ମୃତ୍ୟୁ ହୋଇଥିବାବେଳେ ୨ ଜଣ ଆହତ ହୋଇ ଚିକିତ୍ସାଧୀନ ଅଛନ୍ତି। ବିଗତବର୍ଷଗୁଡିକୁ ଅନୁଧ୍ୟାନ କଲେ ଜଣାଯାଏ, ବଜ୍ରପାତ ଯୋଗୁ ଅନେକ ଅମୂଲ୍ୟ ଜୀବନ ହାନି ଘଟିଛି। ବିଲ, ଗଛମୂଳ, ରାସ୍ତା ଏପରି କି ବାସଘର ପରିସରରେ ମଧ୍ୟ ବଜ୍ରପାତ ହୋଇଥିବା ନଜିର ରହିଛି। ୨୦୧୬-୧୭ରେ ଏଥିଯୋଗୁ ଜିଲାର ବିଭିନ୍ନ ପ୍ରାନ୍ତରେ ୮ଜଣଙ୍କ ମୃତ୍ୟୁ ହୋଇଥିଲା। ସେହିପରି ୨୦୧୭-୧୮ରେ ୭ ଓ ୨୦୧୮-୧୯ରେ ୩ ଜଣଙ୍କ ମୃତ୍ୟୁ ହୋଇଥିବା ଜିଲା ଜରୁରୀ ବିଭାଗ ପକ୍ଷରୁ ସୂଚନା ମିଳିଛି। ଚଳିତବର୍ଷ ବର୍ତ୍ତମାନ ସୁଦ୍ଧା ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି। ମୃତକ ହେଲେ ଜଗତ୍‌ସିଂହପୁର ଥାନା ରମ୍ଭାଦେଈପୁର ପଞ୍ଚାୟତ ଅନ୍ତର୍ଗତ ନରଣପୁର ଗ୍ରାମର ସୁବଳ ଭୋଇଙ୍କ କନ୍ୟା ତଥା ୯ମ ଶ୍ରେଣୀର ଛାତ୍ରୀ ସୁଜାତା ଭୋଇ। ଏହି ଗାଁର ସୁଧିର ଭୋଇଙ୍କ ପୁଅ ବଳରାମ ଓ ବସନ୍ତ ଭୋଇଙ୍କ ପୁଅ ବିଶ୍ୱରଞ୍ଜନ ଆହତ ହୋଇଛନ୍ତି। ସେମାନେ ଗାଁ କୋଠ ଘରେ ଆଶ୍ରୟ ନେଇଥିବାବେଳେ ବଜ୍ରପାତ ଯୋଗୁ ଏଭଳି ଅଭାବନୀୟ ଘଟଣା ହେଲା। ଏ ସମ୍ପର୍କରେ ନରଣପୁର ଗାଁର କେତେଜଣ ଲୋକଙ୍କ କହିବା କଥା ହେଲା ଦଇବ ଦାଉ ସାଧୁଛି। ଲୋକେ ଯଦି ଘରେ ସୁରକ୍ଷିତ ନୁହନ୍ତି, ତେବେ ଆଉ କ’ଣ କରାଯାଇପାରିବ। କେବଳ ଏହି ଘଟଣା ନୁହେଁ, ଅତୀତରେ ବିଭିନ୍ନ ସ୍ଥାନରେ ବଜ୍ରପାତ ଯୋଗୁ ଯେଉଁମାନଙ୍କ ମୃତ୍ୟୁ ହୋଇଛି, ସେମାନଙ୍କ ପରିବାର ଆଜିଯାଏ ବି ବିଜୁଳି ଆଲୁଅ ଦେଖିଲେ ଭୟଭୀତ ହୋଇପଡୁଛନ୍ତି। ସ୍ଥାନୀୟ ଅଞ୍ଚଳର କେତେଜଣ ବୟୋଜ୍ୟଷ୍ଠ ବ୍ୟକ୍ତି କହିଛନ୍ତି ଯେ, ଦିନ ଥିଲା ସେମାନେ ବର୍ଷାରେ ମଧ୍ୟ ବିଲରେ କାମ କରୁଥିଲେ। ବର୍ଷାରାତିରେ ସେମାନେ ବିଭିନ୍ନ କାମରେ ଆଖପାଖ ଗଁାକୁ ଯାଇପାରୁଥିଲେ। ମୁସଳ ଧାରାରେ ବର୍ଷା ହେଉଥିଲେ ବି ଭୟ ନ ଥିଲା। ଏବେ ବର୍ଷା ଅସରାଏ କିମ୍ବା ଆକାଶରେ ବିଜୁଳି ଆଲୁଅ ଦେଖାଗଲେ ଘରୁ ବାହାରିବାକୁ ଡର ଲାଗୁଛି। ସ୍ଥାନୀୟ ଅଞ୍ଚଳର ଜଣେ ଅବସରପ୍ରାପ୍ତ ପାଣିପାଗ ବିଶେଷଜ୍ଞ କହିଛନ୍ତି, ବାସ୍ତବରେ ପ୍ରାକୃତିକ ପରିବର୍ତ୍ତନ ଓ ମୌସୁମୀର ଅସଙ୍ଗତି ଯୋଗୁ ଓଡ଼ିଶାରେ ବଜ୍ରପାତ ବଢୁଛି। ଏଥିପ୍ରତି ମଣିଷ ମଧ୍ୟ ଅନେକାଂଶରେ ଦାୟୀ। ଜନବସତି ବଢି ଚାଲିଛି। କିନ୍ତୁ ସେହି ଅନୁସାରେ ବୃକ୍ଷରୋପଣ ହେଉନି। ଅତୀତରେ ଚାରିଆଡେ ବହୁ ସଂଖ୍ୟାରେ ଗଛ ଥିଲା। ସେତେବେଳେ ଚାଳ ଘର ଥାଇ ବି ଲୋକେ ଅଧିକ ସୁରକ୍ଷିତ ଥିଲେ। କିନ୍ତୁ ଏବେ ଚାରିଆଡେ ବିଲ୍ଡିଂ ଥାଇ ବି ଲୋକେ ଅସୁରକ୍ଷିତ। ଅନ୍ୟ ଏକ ପ୍ରସଙ୍ଗ ହେଲା ଲୋକେ ବହୁ ଟଙ୍କା ଖର୍ଚ୍ଚ କରି ବିଲ୍ଡିଂ କରୁଛନ୍ତି ସତ। କିନ୍ତୁ ଆର୍ଥିଂ ବ୍ୟବସ୍ଥା କରୁଥିବା ଲୋକଙ୍କ ସଂଖ୍ୟା ଆଶାଜନକ ନୁହେଁ। ସଚେତନତା ଓ ସତର୍କତାର ଅଭାବ ଯୋଗୁ ଅଘଟଣ ବଢୁଛି। ଏବେ ଭାରତୀୟ ପାଣିପାଗ ବିଭାଗ ବଜ୍ରପାତ ସମ୍ପର୍କିତ ସତର୍କ ସୂଚନା ପ୍ରତ୍ୟହ ଜାରି କରୁଛି। ଟିଭି, ରେଡିଓ ଓ ଖବର କାଗଜ ଆଦିରେ କେଉଁ ଜିଲା ପ୍ରତି ବଜ୍ରପାତ ଭୟ ଅଛି ସେ ସମ୍ପର୍କରେ ପୂର୍ବାନୁମାନ କରାଯାଉଛି। କିନ୍ତୁ ଲୋକେ ଖାତିର ନ କରିବା ଦ୍ୱାରା ଅନେକ ସମୟରେ ସମସ୍ୟା ସୃଷ୍ଟି ହେଉଛି। ଆକାଶରେ ବିଜୁଳି ଦେଖିବା ମାତ୍ରେ ନିରାପଦ ସ୍ଥାନରେ ଅଟକିଯିବା ଜରୁରୀ। ତାହା ନ ହେଲେ ସମ୍ଭାବ୍ୟ ବିପଦର ସମ୍ମୁଖୀନ ହେବାର ଭୟ ରହିଛି। ସୂଚନାଯୋଗ୍ୟ ଯେ, ବଜ୍ରପାତ ଯୋଗୁ ରାଜ୍ୟରେ ଗତ ୩ ବର୍ଷରେ ୧,୨୫୬ ଜଣଙ୍କ ମୃତ୍ୟୁ ହୋଇଛି। ଯାହାକି ପ୍ରାକୃତିକ ବିପର୍ଯ୍ୟୟ ଯୋଗୁ ରାଜ୍ୟର ମୋଟ ମୃତ୍ୟୁ ସଂଖ୍ୟାର ୨୭%। ୨୦୧୫-୧୬ରେ ୩୯୯, ୨୦୧୬-୧୭ରେ ୩୯୭, ୨୦୧୭-୧୮ରେ ୪୬୦ ଓ ୨୦୧୮-୧୯ରେ ୪୦୦ ଜଣଙ୍କ ବଜ୍ରପାତରେ ମୃତ୍ୟୁ ହୋଇଛି।


Enter your email to get our daily news in your inbox.

All Right Reserved By Dharitri.Com

୩ ମହିଳା ଡାକ୍ତରଙ୍କୁ ମାନସିକ ନିର୍ଯାତନା

ସମ୍ବଲପୁର,୧୮।୧୧(ପ୍ରମୋଦ ବହିଦାର): ସମ୍ବଲପୁର ଜିଲା ମୁଖ୍ୟ ଚିକିତ୍ସାଳୟ (ଡିଏଚ୍‌ଏଚ୍‌)ର ସ୍ତ୍ରୀ ଓ ପ୍ରସୂତି ବିଭାଗରେ କାର୍ଯ୍ୟରତ ୩ ମହିଳା ଡାକ୍ତର ବିଭାଗୀୟ ଇନଚାର୍ଜଙ୍କ ବିରୋଧରେ ମାନସିକ ନିର୍ଯାତନା…

ବାତ୍ୟା ଆଶଙ୍କା: ସଜାଗ ପୁରୁଷୋତ୍ତମପୁର ଜଳସମ୍ପଦ ବିଭାଗ, ନଦୀ-ନାଳକୁ ନ ଯିବା ପାଇଁ…

ପୁରୁଷୋତ୍ତମପୁର,୧୮ା୧୧(ସବିତା ମିଶ୍ର): ସାମୁଦ୍ରିକ ଝଡ଼ ‘ଅକ୍ୱାନ’କୁ ନେଇ ଆଶଙ୍କା ଦେଖାଦେଇଛି। ପୂର୍ବ ବନ୍ୟାର ଭୟ ମନରୁ ଲିଭି ନ ଥିବାବେଳେ ଆଉ ଏକ ସମ୍ଭାବ୍ୟ ବିପଦକୁ ନେଇ…

ଆଇପିଏଲରୁ ସନ୍ୟାସ ନେବା ପରେ ଧୋନୀଙ୍କୁ ପେନଶନ ଦେବ CSK? ଜାଣନ୍ତୁ କେତେ ଟଙ୍କା ମିଳିବ…

ନୂଆଦିଲ୍‌ଲୀ,୧୮।୧୧: କୁହାଯାଏ ଯେ ଜୀବନର ଆକାଶରେ କିଛି ଏପରି ନାମ ଲେଖାଯାଇଥାଏ, ଯାହା କେବଳ କିଛି ଅକ୍ଷର ହୋଇ ରହି ନଥାଏ, ବରଂ ଏକ ସମ୍ପୂର୍ଣ୍ଣ ଯୁଗର…

ମାଂସ କାଟୁଥିବା ବେଳେ ୩ ଅଭିଯୁକ୍ତ ଗିରଫ

ନୀଳଗିରି, ୧୮।୧୧(ପ୍ରଶାନ୍ତ ବିଶ୍ୱାଳ): କୁଲଡିହା ବନ୍ୟପ୍ରାଣୀ ଅଭୟାରଣ୍ୟ ଅନ୍ତର୍ଗତ ତେଣ୍ଡା (ହୁଡ଼ିସାହି) ଅଞ୍ଚଳରେ ବନ୍ୟପ୍ରାଣୀ ମାଂସ କାଟୁଥିବା ବେଳେ ୩ଜଣଙ୍କୁ ଗିରଫ କରିଛି ବନବିଭାଗ। ୱାଇଲ୍ଡଲାଇଫ୍‌ ବିଟ୍‌ର…

ସାକ୍ଷୀଗୋପାଳରେ ଅଁଳା ନବମୀ: ରାଧା ପାଦ ଦର୍ଶନ କରୁଛନ୍ତି ଶ୍ରଦ୍ଧାଳୁ

ସାକ୍ଷୀଗୋପାଳ,୧୮ା୧୧(କିଶୋର ମହାପାତ୍ର/ପ୍ରଶାନ୍ତ କୁମାର ବାରିକ): ପୁରୀ ଜିଲା ସାକ୍ଷୀଗୋପାଳ ମନ୍ଦିରରେ ପବିତ୍ର ଅଁଳା ନବମୀ ଅବସରରେ ଶ୍ରୀରାଧାଙ୍କ ଓଡ଼ିଆଣୀ ବେଶ ଓ ରାଧା ପାଦ ଦର୍ଶନ ପାଇଁ…

ଗତିପଥ ବଦଳାଇଲା ବାତ୍ୟା: ଓଡ଼ିଶାର ଏହି ସ୍ଥାନରେ କରିବ ଲ୍ୟାଣ୍ଡଫଲ! ଆସିଲା ବଡ଼ ସୂଚନା

ଭୁବନେଶ୍ୱର, ୧୮।୧୧: ଭୀଷଣ ବାତ୍ୟାର ରୂପ ନେଇଛି ସାମୁଦ୍ରିକ ଝଡ଼ ‘ଅକ୍ୱାନ’। ବୁଧବାର ସକାଳ ୫ଟା ୩୦ ମିନିଟରେ ପର୍ଯ୍ୟବେକ୍ଷଣ ଅନୁଯାୟୀ, ଏହା ଭୀଷଣ ବାତ୍ୟାରେ ପରିଣତ…

ଶନିଙ୍କ ମାର୍ଗୀ ଚଳନ: ୨୦୨୭ ପୂର୍ବରୁ ୪ ରାଶିଙ୍କ ଘରକୁ ଆସିବ ଧନର ସୁଅ! ଚାକିରି-ବ୍ୟବସାୟରେ…

ଶନିଦେବଙ୍କୁ ନ୍ୟାୟ ଓ କର୍ମଫଳର ଦେବତା ବୋଲି ମାନାଯାଏ। ବ୍ୟକ୍ତିଙ୍କ କର୍ମ ଅନୁସାରେ ଶନିଦେବ ତାଙ୍କୁ ଫଳ ପ୍ରଦାନ କରିଥାନ୍ତି। ଜ୍ୟୋତିଷ ଶାସ୍ତ୍ର ଅନୁଯାୟୀ, ଶନିଦେବ ଯେତେବେଳେ…

ଟିମ ଇଣ୍ଡିଆରେ ଫେରିବେ ଦୁଇ ଷ୍ଟାର୍‌ ଖେଳାଳି, ଆସନ୍ତାକାଲି ନ୍ୟୁଜିଲାଣ୍ଡ ସହ ଲଢ଼େଇ; ୯ ନୂଆ ମୁହଁଙ୍କୁ ସୁଯୋଗ!

ନୂଆଦିଲ୍ଲୀ, ୧୮।୧୧: ଟି-୨୦ ଓ ଦିନିକିଆ ସିରିଜ ଜିତିବା ପରେ ଏବେ ଟେଷ୍ଟ ସିରିଜରେ ନ୍ୟୁଜିଲାଣ୍ଡକୁ ଭେଟିବ ଟିମ ଇଣ୍ଡିଆ। ଆସନ୍ତାକାଲି ଅର୍ଥାତ୍‌ ଗୁରୁବାର, ୧୯ ନଭେମ୍ବରରୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?