ଦିଗପହଣ୍ଡି,୬ା୧୨(ଡି.ଏନ.ଏ.)- ଦିଗପହଣ୍ଡି ବ୍ଲକ କୈଠଡା ପଞ୍ଚାୟତରେ ଜଣେ ମହିଳାଙ୍କୁ କାଳିଆ ଟଙ୍କା ମିଳିବ କହି ଦୁର୍ବୃତ୍ତ ଟଙ୍କା ଓ ସୁନା ଗହଣା ଠକି ନେଇଛନ୍ତି। ଠକେଇର ଶିକାର ହୋଇଛନ୍ତି ଓଡ଼ସିଙ୍ଗୀ ଗଁାର ଲକ୍ଷ୍ମୀ ରେଡ୍ଡୀ।ଗୁରୁବାର ପୂର୍ବାହ୍ନ ପ୍ରାୟ ସାଢ଼େ ୧୧ଟାରେ ଲକ୍ଷ୍ମୀଙ୍କ ଘରକୁ ଜଣେ ଯୁବକ ଆସି ନିଜକୁ କୃଷି କାର୍ଯ୍ୟାଳୟ କର୍ମଚାରୀ ପରିଚୟ ଦେଇଥିଲେ। ତୁମର କାଳିଆ ଯୋଜନାରେ ୭୦ ହଜାର ଟଙ୍କା ବ୍ୟାଙ୍କକୁ ଆସିଛି। ପ୍ରଥମେ ୧୨ ହଜାର ୫ ଶହ ଟଙ୍କା ଜମା କରିବାକୁ ହେବ। ତୁମର ସୁନା ଅଳଙ୍କାରର ମୂଲ୍ୟ ଓ ଓଜନ ଲେଖାଥିବା ରଶିଦ ଦେବାକୁ ପଡ଼ିବ କହି ନିକଟସ୍ଥ ପଦ୍ମନାଭପୁର ଗ୍ରାମସ୍ଥିତ ଏକ ବ୍ୟାଙ୍କକୁ ବାଇକରେ ବସାଇ ନେଇଥିଲେ। ମହିଳା ଜଣକ ପ୍ରଥମେ ଘରେ ରଖିଥିବା ୫ ହଜାର ଟଙ୍କା ଓ ପରେ ବ୍ୟାଙ୍କ ଜମାଖାତାରୁ ଉଠାଇ ୭ ହଜାର ୫ ଶହ ଟଙ୍କା ସମ୍ପୃକ୍ତ ବ୍ୟକ୍ତିଙ୍କୁ ଦେଇଥିଲେ। ପରେ ସୁନା ଅଳଙ୍କାର ଓଜନ ଓ ମୂଲ୍ୟ ସମ୍ପର୍କିତ ରଶିଦ ଆବଶ୍ୟକ କହିବାରୁ ମହିଳା ଜଣକ ପିନ୍ଧିଥିବା ସୁନା କାନଫୁଲ ଓଜନ କରି ରଶିଦ ଆଣିବାକୁ ତାଙ୍କୁ ଦେଇଥିଲେ। ଦୁର୍ବୃତ୍ତ ଜଣକ ମହିଳାଙ୍କୁ ଆଧାର କାର୍ଡ ଜେରକ୍ସ ପାଇଁ ନିକଟସ୍ଥ ଦୋକାନକୁ ପଠାଇଥିଲେ। ଜେରକ୍ସ କରି ଫେରିବାବେଳକୁ ଦୁର୍ବୃତ୍ତ ଜଣକ ସେଠାରୁ ବାଇକ ଯୋଗେ ଫେରାର ହୋଇଯାଇଥିଲେ। ବହୁ ଖୋଜାଖୋଜି ପରେ ମଧ୍ୟ ପତ୍ତା ନମିଳିବାରୁ ମହିଳା ଜଣକ ଦିଗପହଣ୍ଡି ଥାନାରେ ପହଞ୍ଚତ୍ ଏତଲା ଦେଇଛନ୍ତି।
