ବରଗଡ଼ ଅଫିସ୍/ସରଣ୍ଡା,୨।୬
ବରଗଡ଼ର ମିଳିତ ବିଦ୍ୟୁତ କର୍ମଚାରୀ ଏବଂ ଇଞ୍ଜିନିୟର୍ସ ଆସୋସିଏଶନର ଏକତା ମଞ୍ଚ ପକ୍ଷରୁ ସୋମବାର ଦିନକୁ କଳା ଦିବସ ଭାବେ ପାଳନ କରାଯାଇଛି । ବିଦ୍ୟୁତ ସଂଶୋଧନ ଆଇନ-୨୦୨୦ ଏବଂ ରାଜ୍ୟର ବିଦ୍ୟୁତ କ୍ଷେତ୍ର ଗୁଡ଼ିକର ପୁନଃ ଘରୋଇକରଣକୁ ବିରୋଧ,ା ବିଦ୍ୟୁତ କ୍ଷେତ୍ରରେ କାଯର୍ୟ କରୁଥିବା ଆଉଟ୍ସୋର୍ସ କର୍ମଚାରୀଙ୍କୁ ସ୍ଥାୟୀ ନିଯୁକ୍ତି ଏବଂ କରୋନା ମୁକାବିଲା ସମୟରେ କାଯର୍ୟ କରୁଥିବା ବିଦ୍ୟୁତ କର୍ମଚାରୀଙ୍କୁ ୫୦ଲକ୍ଷ ଟଙ୍କାର ବୀମା ଘୋଷଣା ଦାବିରେ ଏକତା ମଞ୍ଚ ଏହି ନିଷ୍ପତ୍ତି ନେଇଥିଲା । ବରଗଡ଼ ଇଲେକ୍ଟ୍ରିକାଲ ସର୍କଲର ହୀରାଖଣ୍ଡ ବିଦ୍ୟୁତ କର୍ମଚାରୀ ସଂଘ, ହୀରା ଜିଟିଡି ୱାର୍କର ସଂଘ, ଇଞ୍ଜିନିୟର୍ସ ଆସୋସିଏଶନ ପ୍ରମୁଖ ଏଥିରେ ସାମିଲ ଥିଲେ ବୋଲି ହୀରାଖଣ୍ଡ ବିଦ୍ୟୁତ କର୍ମଚାରୀ ସଂଘ ବରଗଡ଼ ଶାଖାର ସହ-ସମ୍ପାଦକ ଅତୀଶ ପଣ୍ଡା ଜଣାଇଛନ୍ତି । ସେହିପରି ଅତାବିରା ବ୍ଲକ ଲାଦେରପାଲିରେ ମଧ୍ୟ ୱେସ୍କୋ ୟୁଟିଲିଟିର ସମସ୍ତ କର୍ମଚାରୀ ପ୍ରତିବାଦ ସଭା, କଳା ଦିବସ ପାଳନ କରିଥିଲେ । ଏଠାରେ ମଧ୍ୟ ସମସ୍ତ ବିଦ୍ୟୁତ ଶ୍ରମିକ, କର୍ମଚାରୀ, ଇଞ୍ଜିନିୟର ତଥା ମିଳିତ ମଞ୍ଚର ସମସ୍ତ ସଭ୍ୟ ସକ୍ରିୟ ଅଂଶଗ୍ରହଣ କରିଥିଲେ ।
