ଖଣ୍ଡପଡା,୨୧ା୫(ସ୍ବ.ପ୍ର.): ନିଖିଳ ଉକତ୍ଳ କଂସାରୀ ସମାଜର ୪୭ତମ ରାଜ୍ୟସ୍ତରୀୟ ବାର୍ଷିକ ଅଧିବେଶନ ଆସନ୍ତା ଜୁନ୍ ୮ ଓ ୯ତାରିଖ ଦୁଇଦିନ ଧରି କଣ୍ଟିଲୋଠାରେ ଅନୁଷ୍ଠିତ ହେବ। ଏଥିରେ କେନ୍ଦ୍ରାଞ୍ଚଳ ଶାଖାର ୫ ଗୋଟି ଜିଲା ଯଥା ନୟାଗଡ଼, କଟକ, ବୌଦ୍ଧ, ଫୁଲବାଣୀ ଓ ଅନୁଗୋଳ ଜିଲାର କଂସାରୀ ଭାଇମାନେ ଯୋଗଦେବାର କାର୍ଯ୍ୟକ୍ରମ ଥିବା ଅନୁଷ୍ଠାନର ସମ୍ପାଦକ ଶ୍ରୀପତି ମହାରଣା ସୂଚନା ଦେଇଛନ୍ତି। କଂସା ପିତ୍ତଳ ହସ୍ତଶିଳ୍ପକୁ ପୁନରୁଦ୍ଧାର କରିବା ସହିତ କଂସାରୀ ସମାଜକୁ ସୁଦୃଢ କରିବାକୁ ହେଲେ ଆମକୁ ସଙ୍ଗଠିତ ହେବାକୁ ପଡିବ। ରାଜ୍ୟର ସମସ୍ତ କଂସାରୀ ଭାଇମାନେ ଏକାଠି ହୋଇ ଆନ୍ଦୋଳନ ପନ୍ଥା ଗ୍ରହଣ କରିବାକୁ ପଡିବ ା ନ ହେଲେ ଆମ ଦୁଃଖ କେହି ବୁଝିବେ ନାହିଁ ବୋଲି ରବିବାର ଭୁବନେଶ୍ୱର ସତ୍ୟନଗରଠାରେ ଅନୁଷ୍ଠିତ ସମାବେଶରେ ରାଜ୍ୟର ବିଭିନ୍ନ ଅଞ୍ଚଳରୁ ଆସିଥିବା କଂସାରୀ ସଂଗଠନର ସଦସ୍ୟମାନେ ମତ ଦେଇଥିଲେ। ଭୁବନେଶ୍ୱର କଂସାରୀ ସମାଜ ଉନ୍ନୟନ ପରିଷଦର ବରିଷ୍ଠ ସଦସ୍ୟ ନବୀନ ଚନ୍ଦ୍ର ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ନିଖିଳ ଉକତ୍ଳ କଂସାରୀ ସମାଜ କେନ୍ଦ୍ରାଞ୍ଚଳ ଶାଖା ସଭାପତି ଅଖିଳ କୁମାର ମହାରଣା ଯୋଗଦେଇ କାରିଗର ତଥା ସଂଗଠନ ବହୁ ସମସ୍ୟା ମଧ୍ୟରେ ଗତିକରୁଥିବା ପ୍ରକାଶ କରିଥିଲେ। ସମାବେଶରେ ନିଖିଳ ଉକତ୍ଳ କଂସାରୀ ସମାଜ କେନ୍ଦ୍ରାଞ୍ଚଳ ଶାଖାର ପୂର୍ବତନ ସଭାପତି ନକୁଳ ସାହୁ, ଦଣ୍ଡପାଣି ସାହୁ, ସମ୍ପାଦକ ଶ୍ରୀପତି ମହାରଣା, ପୂର୍ବତନ ସମ୍ପାଦକ ଅନାଦି ଚରଣ ସାହୁ, ଭୁବନେଶ୍ୱର କଂସାରୀ ସମାଜ ଉନ୍ନୟନ ପରିଷଦ ସମ୍ପାଦକ ସୁଦର୍ଶନ ସାହୁ, ବରିଷ୍ଠ ସଦସ୍ୟ ନୀଳକଣ୍ଠ ସାହୁ, ନରେନ୍ଦ୍ର କୁମାର ସାହୁ, ସଂଗଠନ ସଂପାଦକ ବାବାଜୀ ଚରଣ ସାହୁ, ଜଗତ୍ସିଂହପୁର ତିର୍ତ୍ତୋଲରୁ ମଙ୍ଗୁଳି ସାହୁ, ଯାଜପୁର କୁନ୍ଦପାଟଣାର କୈଳାସ ସାହୁ, ଆସିକାର କାଳୁ ଚରଣ ସାହୁ, ବରଗଡର ଅର୍ଜୁନ ସାହୁ ପ୍ରମୁଖ ୫୦ରୁ ଊର୍ଦ୍ଧ୍ୱ ସଦସ୍ୟ ଯୋଗଦେଇ ସାମ୍ପ୍ରତିକ ପରିସ୍ଥିତିରେ ଆମେମାନେ ଯଦି ସଂଘବଦ୍ଧ ଭାବରେ ଆମ ଦାବିକୁ ସରକାରଙ୍କ ପାଖରେ ଉପସ୍ଥାପନ କରି ଆବଶ୍ୟକ ସ୍ଥଳେ ଆନ୍ଦୋଳନ ପନ୍ଥା ନ ଆପଣେଇବା ତେବେ ଦାବି ହାସଲ କରିପାରିବା ନାହିଁ। ଏକାଠି ହୋଇ ସ୍ବର ଉତ୍ତୋଳନ କଲେ କଂସା ପିତଳ ହସ୍ତଶିଳ୍ପର ବିକାଶ ତଥା ଉନ୍ନତି ହୋଇପାରିବ ବୋଲି ମତବ୍ୟକ୍ତ କରିଥିଲେ ା
ସୂଚନାଯୋଗ୍ୟ ସୌଖୀନ ବ୍ୟବସାୟୀଙ୍କ ପ୍ରତିଯୋଗିତା, କଞ୍ଚାମାଲ ଅଭାବ, ଉପତ୍ାଦିତ ସାମଗ୍ରୀର ମାନ୍ଦା ବଜାର ବ୍ୟବସ୍ଥା, ଜଙ୍ଗଲ ଅବକ୍ଷୟ, କାଠ କୋଇଲାର ଅଭାବ ସାଙ୍ଗକୁ କଂସାପିତ୍ତଳ କାରିଗରଙ୍କୁ ଶୋଷଣ ଓ ସରକାରୀ ପ୍ରୋତ୍ସାହନ ଅଭାବ କଂସାରୀ ସମାଜକୁ ପଙ୍ଗୁ କରିଦେଇଛି। ଫଳରେ ଏହି ହସ୍ତଶିଳ୍ପ ସମ୍ପୂର୍ଣ୍ଣ ବୁଡିଯିବା ଉପରେ। ଆସନ୍ତା ଜୁନ ମାସରେ କଣ୍ଟିଲୋଠାରେ ଆୟୋଜିତ ବାର୍ଷିକ ଅଧିବେଶନରେ ରାଜ୍ୟର ସମସ୍ତ ଅଞ୍ଚଳର କଂସାରୀ ଭାଇମାନେ ଯୋଗଦେଇ ପରବର୍ତ୍ତୀ କାର୍ଯ୍ୟପନ୍ଥା ପ୍ରସ୍ତୁତ କରାଯିବ ବୋଲି ସଭାରେ ସହମତି ପ୍ରକାଶ ପାଇଥିଲା। ପରିଶେଷରେ ନିରଞ୍ଜନ ମହାରଣା ଧନ୍ୟବାଦ ଦେଇଥିଲେ ା
