କୋରାପୁଟ/ନାରାୟଣପାଟଣା,୩।୧(ସ୍ବ.ପ୍ର./ଡି.ଏନ୍.ଏ.):କୋରାପୁଟ ଜିଲାର ଆନ୍ଧ୍ର ସୀମାନ୍ତ ବନ୍ଧୁଗାଁ ବ୍ଲକ କାପଲଡା ଗ୍ରାମରେ ଆନ୍ଧ୍ର ପକ୍ଷରୁ ପ୍ରାୟ ୩୬ ଏକର ଜମିରେ ପାମଅଏଲ ଚାଷ ହୋଇଥିବା ବନ୍ଧୁଗାଁ ବ୍ଲକ ପ୍ରଶାସନ ନିକଟରେ ଅଭିଯୋଗ ହୋଇଛି । ଏହି ଖବର ପରେ ସୋମବାର ବନ୍ଧୁଗାଁ ତହସିଲଦାର ସଦାଶିବ ଭତ୍ରା ଘଟଣାସ୍ଥଳରେ ପହଞ୍ଚତ୍ ଘଟଣା ସମ୍ପର୍କରେ ଯଞ୍ଚ କରିଥିଲେ। ଏଥିସହ ପାମ୍ ଅଏଲ ଚାରା ରୋପଣ କାଯର୍ୟରେ ନିୟୋଜିତ ୨ଟି ଜେସିବିକୁ ଜବତ କରିଛନ୍ତି। କୋରାପୁଟ ଜିଲା ପରିଷଦ ଅଧ୍ୟକ୍ଷା ସସ୍ମିତା ମେଲକା ମଧ୍ୟ ଏହି ଖବରପାଇ କାପଲଡା ଗ୍ରାମରେ ପହଞ୍ଚତ୍ ସେଠାର ସ୍ଥିତି ନିରୀକ୍ଷଣ କରିଛନ୍ତି। ଏହି କାଯର୍ୟକୁ ତୁରନ୍ତ ବନ୍ଦ କରିବାକୁ ତହସିଲଦାରଙ୍କୁ ନିର୍ଦ୍ଦେଶ ଦେବା ସହ ଲାଗିଥିବା ପାମ୍ ଅଏଲ ଗଛକୁ ଓପଡାଯାଇଛି।
ମିଳିଥିବା ସୁଚନାନୁଯାୟୀ ଆନ୍ଧ୍ରର ରାମ ମୋହନ ରାୟ ନାମକ ଜଣେ ଡାକ୍ତର ବନ୍ଧୁଗାଁ ବ୍ଲକର କାପଲଡା ପଞ୍ଚାୟତ ସଦର ଗ୍ରାମର ୩୬ ଏକର (୨୯ ଏକର ସରକାରୀ ଓ ୭ଏକର ବେସରକାରୀ) ଜମିରେ ଥିବା ଗଛ କାଟି ସେଠାରେ ପାମ୍ ଅଏଲ୍ ଗଛ ଲଗାଉଛନ୍ତି। ବେସରକାରୀ ଜମିର ମାଲିକଙ୍କଠାରୁ ଲିଜ ସୁତ୍ରରେ ଜମି ନେଇ ସେଠାରେ ପାମ୍ ଅଏଲ ଚାଷ କରୁଥିବା ଡାକ୍ତର ରାମ ମୋହନ ରାୟ କହିଛନ୍ତି। ସୂଚନା ଥାଉକି ଯେ କେନ୍ଦ୍ର ସରକାରଙ୍କ ପକ୍ଷରୁ କୋରାପୁଟ ଜିଲାର ବନ୍ଧୁଗାଁ ବ୍ଲକରେ ଥିବା ବହୁ ଶୁଖିଲା ଜମିକୁ ଶସ୍ୟ ଶାମଳା କରିବା ଲକ୍ଷ୍ୟରେ ଏଠାରେ ବନ ବନ୍ଧୁ ଯୋଜନା କାର୍ଯ୍ୟକାରୀ ହୋଇଥିଲା। ଜିଲା ଜଳ ବିଭାଜିକା ବିଭାଗ ପକ୍ଷରୁ ଏହି ବ୍ଲକର କେତେକ ଗ୍ରାମରେ ଥିବା ପାହାଡିଆ ଜମିରେ ଜଳସେଚନ କରାଯାଇ ସେଠାରେ ସୂର୍ଯ୍ୟମୁଖି ସମେତ ବିଭିନ୍ନ ପନିପରିବା ଚାଷ କରାଯାଇଥିଲା। ସେତେବେଳେ ଏହାଦ୍ୱାରା ସେଠାକାର ଚାଷୀଙ୍କ ଉନ୍ନତି ହୋଇଥିବା ବିଭାଗ ପକ୍ଷରୁ ଦର୍ଶାଯାଇଥିଲା। ମାତ୍ର ବର୍ତମାନ ସେଠାର ସ୍ଥିତି ଏକ ପ୍ରକାର ଅଲଗା ରହିଛି। ପୂର୍ବରୁ ଲେମନ ଗ୍ରାସ ଚାଷ କରୁଥିବା ଶହ ଶହ ଚାଷୀ ବର୍ତ୍ତମାନ ଏହି ଚାଷ ଛାଡି ଜମିକୁ ପଡିଆ ରଖିଛନ୍ତି। କାରଣ ଲେମନଗ୍ରାସର ଦର ୧୩ ଶହ ଟଙ୍କାରୁ ବର୍ତମାନ ୯ ଶହ ଟଙ୍କାକୁ ଖସି ଆସିଥିବାରୁ ସେମାନେ ଏପରି ନିଷ୍ପତି ନେଇଛନ୍ତି। ତେଣୁ ଶହ ଶହ ଏକର ଜମି ଶୁଷ୍କ ହୋଇ ପଡଛି। ଏହାର ସୁଯୋଗ ନେଇ ଆନ୍ଧ୍ରର କେତେଜଣ ବ୍ୟବସାୟୀ ଚାଷୀଙ୍କ ଏହି ଜମିକୁ ଲିଜ ସୁତ୍ରରେ ନେବା ଆରମ୍ଭ କରିଛନ୍ତି। ଏହାଦ୍ୱାରା ସ୍ଥାନୀୟ ଚାଷୀ ନିଜ ଜମିରୁ କିଛି ଆର୍ଥ ପାଇବା ଆଶା କରି ସମ୍ପୃକ୍ତ ବ୍ୟବସାୟୀମାନଙ୍କୁ ଲିଜ ସୁତ୍ରରେ ଜମି ଦେଉଥିବା ଜଣାପଡିଛି।
