ଭୁବନେଶ୍ୱର,୧୨ା୧୧(ବ୍ୟୁରୋ): ରାଜ୍ୟ ସରକାର ଓଏଏସ ସ୍ତରରେ ବଡ଼ ଧରଣର ଅଦଳ ବଦଳ କରିଛନ୍ତି। ୫୮ ଜଣ ତହସିଲଦାରଙ୍କୁ ବିଡିଓ ଭାବେ ନିଯୁକ୍ତି ଦିଆଯିବା ସହିତ ସେମାନଙ୍କୁ ତହସିଲଦାର ଭାବେ ଅତିରିକ୍ତ ଦାୟିତ୍ୱ ଦିଆଯାଇଛି। ଏ ନେଇ ସୋମବାର ପଞ୍ଚାୟତିରାଜ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ କରାଯାଇଛି। ଆଳି ତହସିଲଦାର ଜୟନ୍ତ କୁମାର ପୃଷ୍ଟି,ବାହନଗା ତହସିଲଦାର ଦେବଯାନୀ ଭୂୟାଁ, ବିଷମ କଟକ ତହସିଲଦାର ଆଲବର୍ଟ ଲାକ୍ରାଙ୍କୁ ବିଡିଓ ଭାବେ ନିଯୁକ୍ତି ଦିଆଯାଇଛି। ଏଥିସହିତ ସେମାନଙ୍କୁ ସେହି ତହସିଲର ତହସିଲଦାର ଭାବେ ଅତିରିକ୍ତ ଦାୟିତ୍ୱ ଦିଆଯାଇଛି। ସେହିପରି ଗୁମା ତହସିଲଦାର ନଟବର ଗରଡା,କାଲିମେଳା ତହସିଲଦାର ଉମା ଶଙ୍କର ଦଳେଇ, କୁଚିଣ୍ଡା ତହସିଲଦାର ନିଶି ପୋନମ ମିଞ୍ଜ, କୋମନା ତହସିଲଦାର ଶ୍ୟାମଲ କୁମାର ରାୟ, କୁନ୍ଦ୍ରା ତହସିଲଦାର ଶ୍ୱେତା ସ୍ନିଗ୍ଧା, ରାଜକନିକା ତହସିଲଦାର ଡି.ଏସ. ସୁଭଦର୍ଶିନୀ ଯୋଶୀ ପ୍ରମୁଖଙ୍କୁ ବିଡିଓ ଭାବେ ନିଯୁକ୍ତି ଦିଆଯାଇଛି। ଏଥିସହିତ ସେହି ତହସିଲର ତହସିଲଦାର ଭାବେ ଅତିରିକ୍ତ ଦାୟିତ୍ୱ ଦିଆଯାଇଛି।
