ଛତୁ ଖାଇବାକୁ ପ୍ରାୟ ସମସ୍ତଙ୍କୁ ଭଲ ଲାଗିଥାଏ। ଏହା କେବଳ ସ୍ବାଦିଷ୍ଠ ନୁହେଁ, ସ୍ବାସ୍ଥ୍ୟ ଉପକାରୀ ମଧ୍ୟ। ପୋଷକ ତତ୍ତ୍ୱରେ ଭରପୂର ଥିବା ଛତୁକୁ ଆୟୁର୍ବେଦ ଶାସ୍ତ୍ରରେ ଔଷଧ ଭାବେ ଗ୍ରହଣ କରାଯାଏ। ଏହା ଅନେକ ପ୍ରକାର ସ୍ବାସ୍ଥ୍ୟ ସମସ୍ୟାରୁ ମୁକ୍ତି ଦେଇଥାଏ। ଜାଣନ୍ତୁ ସେ ସମ୍ପର୍କରେ…
– ଛତୁରେ ଥିବା ଆଣ୍ଟିଅକ୍ସିଡାଣ୍ଟ ବୟସ ବଢ଼ିବାଜନିତ ସ୍ବାସ୍ଥ୍ୟ ସମସ୍ୟାରୁ ମୁକ୍ତି ଦେଇଥାଏ। ଏହା ସହ ତ୍ୱଚାରେ ଚମକ ଆଣିଥାଏ। ଫଳରେ ଆପଣ କମ୍ ବୟସ୍କର ଲାଗିଥା’ନ୍ତି।
– ଏହାକୁ ନିୟମିତ ଖାଇବା ଫଳରେ ଶରୀରରେ ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଇଥାଏ। ଏହା ଥଣ୍ଡା ଓ ଶର୍ଦ୍ଦିରୁ ମୁକ୍ତି ଦେଇଥାଏ।
– ଛତୁରୁ ଭରପୂର ମାତ୍ରାରେ ଭିଟାମିନ୍ ‘ଡି’ ମିଳୁଥିବାରୁ ଏହା ହାଡ଼କୁ ମଜଭୁତ କରିଥାଏ।
– ଏଥିରେ ଥିବା ବିଟା ଗ୍ଲୁକୋଜ୍ କୋଲେଷ୍ଟରଲ ମାତ୍ରା କମ୍ କରିବା ସହିତ ମଧୁମେହ ଓ ହାର୍ଟ ଆଟାକ୍ ଆଶଙ୍କାରୁ ମୁକ୍ତି ଦେଇଥାଏ।
