ବ୍ରହ୍ମପୁର ଅଫିସ, ୮।୫ -ଗଞ୍ଜାମ ଜିଲାରେ ଏବେ ସୁରଟ ଫେରନ୍ତାଙ୍କୁ ନେଇ ଚିନ୍ତା ବଢ଼ିବାରେ ଲାଗିଛି । ନିକଟରେ ଗଞ୍ଜମକୁ ସୁରାଟରୁ ଫେରିଥିବା ପ୍ରବାସୀ ଓଡ଼ିଆମାନଙ୍କୁ ବିଭିନ୍ନ ସଙ୍ଗରୋଧ କକ୍ଷରେ ରଖାଯାଇଛି। ଏବେ ସେମାନଙ୍କ ସ୍ବାବ୍ ରିପୋର୍ଟରେ ଦିନକୁ ଦିନ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଛି। ଗୁରୁବାର ଜିଲାର ବିଭିନ୍ନ ସଙ୍ଗରୋଧ କକ୍ଷରେ ଥିବା ୧୭ ଜଣ ସୁରଟ ଫେରନ୍ତାଙ୍କୁ ଏମକେସିଜି ମେଡିକାଲର ସ୍ବତନ୍ତ୍ର କରୋନା ୱାର୍ଡରେ ଭର୍ତ୍ତି କରାଯାଇଥିଲା। ସେହିପରି ଶୁକ୍ରବାର ମଧ୍ୟ ୧୨ ଜଣ ସନ୍ଧିଗ୍ଧ କରୋନା ୱାର୍ଡରେ ଭର୍ତ୍ତି ହୋଇଛନ୍ତି। ବର୍ତ୍ତମାନ ସୁଦ୍ଧା ମେଡିକାଲରେ ୨୯ ଜଣ ସନ୍ଧିଗ୍ଧ ଚିକିତ୍ସିତ ହେଉଥିବା ନେଇ ମେଡିକାଲ ଅଧିକ୍ଷକ ପ୍ରଫେସର ଡ. ସନ୍ତୋଷ କୁମାର ମିଶ୍ର ଶୁକ୍ରବାର ସୂଚନା ଦେଇଛନ୍ତି।
ଏମକେସିଜି ମେଡିକଲର ସ୍ବତନ୍ତ୍ର କରୋନା ୱାର୍ଡରେ ୩୦ ଗୋଟି ଶଯ୍ୟା ରହିଥିବା ବେଳେ ବର୍ତ୍ତମାନ ୨୯ ଜଣ ସନ୍ଧିଗ୍ଧ ଚିକିତ୍ସିତ ହେଉଛନ୍ତି । ଅଧିକ ସନ୍ଧିଗ୍ଧ ମେଡିକାଲ ଆସିଲେ ସେମାନଙ୍କ ପାଇଁ ସେଠାରେ ରହିବା ବଡ ମୁସ୍କିଲ ହେବ ବୋଲି ମେଡିକାଲ ସୂତ୍ରରୁ ଜଣାପଡିଛି।
