‘ଏମ୍ବିଏ ସରପଞ୍ଚ’ ଭାବେ ରାଜସ୍ଥାନର ଛବି ରାଜଓ୍ବାତ ବେଶ୍ ଜଣାଶୁଣା।
ଏମ୍ବିଏରେ ଡିଗ୍ରୀ ହାସଲ ପରେ ସେ ରାଜନୀତିକୁ ଆସିଥିଲେ ଓ ୨୦୧୦ରେ ପ୍ରଥମେ ସରପଞ୍ଚ ହୋଇଥିଲେ। ୨୦୧୦-୧୫, ୨୦୧୫-୨୦, ଏହି ଦୁଇ ଅବଧିରେ ସେ ସରପଞ୍ଚ ହୋଇ ପଞ୍ଚାୟତର ସୋଡା ଗାଁରେ ଶିକ୍ଷା, ରାସ୍ତାଘାଟ ତଥା ଜଳ ସମସ୍ୟା ଦୂର କରିବାରେ ସଫଳତା ପାଇଛନ୍ତି। ଏବେ ସରପଞ୍ଚ ନ ରହିଲେ ମଧ୍ୟ ବିଭିନ୍ନ ବିକାଶମୂଳକ କାର୍ଯ୍ୟରେ ତାଙ୍କର ଯୋଗଦାନ ରହୁଛି। ଅଧାରୁ ପାଠ ଛାଡ଼ିଦେଇଥିବା ପିଲାଙ୍କୁ ପୁନର୍ବାର ସ୍କୁଲକୁ ଫେରାଇ ଆଣିବାରେ ସକ୍ଷମ ବ୍ୟତୀତ ବିଦ୍ୟାଳୟର ପୁନରୁଦ୍ଧାର କରିଛନ୍ତି। ଶୁଷ୍କ ପୁଷ୍କରିଣୀର ପୁନରୁଦ୍ଧାର ହେବା ଦ୍ୱାରା ଜଳସେଚନ ହୋଇପାରିଛି। ପଞ୍ଚାୟତରେ ଥିବା କଲେଜର ଭିତ୍ତିଭୂମି ବିକାଶ କରାଯାଇଛି। ଏକ ବିରାଟ ପୋଖରୀ ଖନନ ପରେ ଜମିକୁ ଜଳସେଚନ କରାଯାଇପାରୁଛି। ଏଥିସହ, କଲେଜରେ ଡିଜିଟାଲ ଲାଇବ୍ରେରି କରିଛନ୍ତି। ଏବେ ଗାଁରେ ଇ- ଲାଇବ୍ରେରି ଖୋଲିବାକୁ ଯୋଜନା ରଖିଛନ୍ତି।
