ମୁମ୍ବାଇର ସ୍ଥପତି ପ୍ରତିମା ଜୋଶୀ ବସ୍ତି ବାସିନ୍ଦାଙ୍କ ସ୍ବଚ୍ଛତା ପାଇଁ ନିଜକୁ ସମର୍ପିତ କରିଦେଇଛନ୍ତି। ଦୀର୍ଘ ୩ ଦଶନ୍ଧି ହେଲା ସେ ଏହି କାର୍ଯ୍ୟ କରି ଆସୁଛନ୍ତି। ପ୍ରତିମା ଲଣ୍ଡନର ବ୍ୟାଚେଲର୍ସ ସ୍କୁଲରୁ ଆର୍କିଟେକ୍ଚର ଓ ପା୍ଲନିଂରେ ସ୍ନାତକୋତ୍ତର ଡିଗ୍ରୀ ହାସଲ କରିଛନ୍ତି। ପରିମଳ ବ୍ୟବସ୍ଥାରେ ସୁଧାର ଆଣିବା ସହ ଗରିବ ବସ୍ତିବାସିନ୍ଦାଙ୍କୁ ଘର, ଘର ଭିତରେ ପାଇଖାନ କିମ୍ବା ବିଶୁଦ୍ଧ ପାନୀୟ ଜଳ ଯୋଗାଇବାର ବ୍ୟବସ୍ଥା କରୁଛନ୍ତି। ସେ ପୁଣେ, ପିମ୍ପ୍ରି, ଚିନ୍ଓ୍ବାଡ, ନଭି ମୁମ୍ବାଇ ଓ କୋହ୍ଲାପୁର ଅଞ୍ଚଳରେ ଏହି କାର୍ଯ୍ୟ ଜାରି ରଖିଛନ୍ତି। ଏଠାକାର ବସ୍ତି ବାସିନ୍ଦାଙ୍କ ଜୀବନରେ ଏକ ବିରାଟ ପରିବର୍ତ୍ତନ ଆଣିପାରିଛନ୍ତି। ଏହି କାର୍ଯ୍ୟ ସେ ‘ଶେଲ୍ଟର ଆସୋସିଏଟ୍ସ’ ଏନ୍ଜିଓ ମାଧ୍ୟମରେ କରୁଛନ୍ତି। ୧୯୯୩ରେ ସେ ଏହାକୁ ପ୍ରତିଷ୍ଠା କରିଥିଲେ। ୩ ଦଶନ୍ଧି ମଧ୍ୟରେ ‘ଓ୍ବାନ ହୋମ ଓ୍ବାନ୍ ଟଏଲେଟ’ ଅଭିଯାନ ମାଧ୍ୟମରେ ସେ ୨୭,୦୦୦ ବସ୍ତି ଘରେ ପାଇଖାନ ତିଆରି କରିପାରିଛନ୍ତି। ତାଙ୍କ ସଂସ୍ଥାର ସ୍ବେଚ୍ଛାସେବୀମାନେ ସର୍ଭେ କରିବା ପରେ ହିତାଧିକାରୀଙ୍କୁ ଏଭଳି ସୁବିଧା ଯୋଗାଇ ଦିଆଯାଉଛି। କେବଳ ଏତିକି ନୁହେଁ, ପ୍ରତିମା ମଧ୍ୟ ବସ୍ତି ଅଞ୍ଚଳରେ ଋତୁସ୍ରାବ ସମ୍ପର୍କିତ ସ୍ବାସ୍ଥ୍ୟ ସମସ୍ୟା ଉପରେ ସଚେତନତା ଶିବିର ଓ ସାକ୍ଷରତା କାର୍ଯ୍ୟକ୍ରମ ଆୟୋଜନ କରୁଛନ୍ତି।
