ଭାରତରେ ଜଳଖିଆ କହିଲେ ଇଡ୍ଲି, ତରକାରି ଭାରି ପ୍ରିୟ। ଏହି ଖାଦ୍ୟରୁ ପ୍ରାୟ ଦିନ ଆରମ୍ଭ ହୋଇଥାଏ। ବିଭିନ୍ନ ସ୍ଥାନରେ ଇଡ୍ଲିର ସ୍ବାଦ ଭିନ୍ନ କରିବାକୁ ଦୋକାନୀମାନେ ଚେଷ୍ଟା କରିଥାନ୍ତି। କିନ୍ତୁ କର୍ନାଟକର ହାଲାଗୁରୁ ଗାଁରେ ‘ବାବୁ ହୋଟେଲ’ର ଛିବୁଲ୍ ଇଡ୍ଲିର ସ୍ବତନ୍ତ୍ର ସ୍ବାଦ ଲୋକଙ୍କୁ ୭୦ ବର୍ଷ ହେଲା ବାନ୍ଧି ରଖିଛି। ଗିନା ଆକୃତିର ବାମ୍ବୋ ବାସ୍କେଟ୍ରେ ଏହି ଇଡ୍ଲି ତିଆରି ହେଉଛି। ବାଉଁଶ ପାତ୍ର ଉପରେ ଛୋଟ ଗିନା ରଖି ସେଥିରେ ଆଣ ଭରିବା ପରେ ତାହାକୁ ବଡ଼ ସିଲ୍ଭର ପାତ୍ର ମଧ୍ୟରେ ରଖି ମଣ୍ଡାପିଠା ପରି ପ୍ରସ୍ତୁତ କରାଯାଉଛ। ୭ ଦଶନ୍ଧିର ଏହି ହୋଟେଲକୁ ଏବେ ଚଳାଉଛନ୍ତି ଭକ୍ତ ବତ୍ସଳା। ପ୍ରତିଦିନ ୫୦୦ ଲୋକ ଖାଉଛନ୍ତି ଇଡ୍ଲି। ଗୋଟିକର ଦାମ୍ ୧୦ ଟଙ୍କା। ବାଉଁଶ ପାତ୍ରରେ ଏହାକୁ ତିଆରି କରାଯାଉଥିବାରୁ ସ୍ବାଦ ଭିନ୍ନ ରହୁଛି। ବତ୍ସଳା ସୋସିଓଲୋଜିରେ ଡିଗ୍ରୀ କରିଥିଲେ ମଧ୍ୟ ତାଙ୍କ ପରିବାରର ଏହି ଦୋକାନ ଚଳାଇବାର ଦାୟିତ୍ୱ ନେଇଛନ୍ତି। ହାଲାଗୁରୁରେ ଅଧିକ ବାଉଁଶ ଚାଷ ହେଉଥିବାରୁ ବାଉଁଶର ଛୋଟ ବାସ୍କେଟ ତିଆରି କରିବା ସହଜ ହେଉଛି ବୋଲି କହନ୍ତି ବତ୍ସଳା। ସେହି ଗାଁରେ ଆଉ କେତୋଟି ଦୋକାନ ଖୋଲିଥିଲେ ମଧ୍ୟ ବତ୍ସଳାଙ୍କ ପ୍ରସ୍ତୁତି ଶୈଳୀ ଭିନ୍ନ ହୋଇଥିବାରୁ ଏହା ସ୍ବାଦଯୁକ୍ତ ହୋଇପାରୁଛି। ଏହି କୌଶଳ ସେ ତାଙ୍କ ପୂର୍ବପିଢ଼ିଠାରୁ ଶିକ୍ଷା କରିଛନ୍ତି ବୋଲି କହନ୍ତି ବତ୍ସଳା। ହୋଟେଲ ସକାଳ ୫.୩୦ରୁ ଆରମ୍ଭ ହୋଇ ମଧ୍ୟାହ୍ନ ଯାଏ ଚାଲୁଛି।
