ବ୍ୟାଙ୍କ ଚାକିରି ଛାଡ଼ି ଅମିତ କିଷାନ ଏବେ ଜଣେ ଆଗଧାଡ଼ିର କୃଷକ। ଚାଷ କରିବା ସହ ପାଖାପାଖି ୧୮ଟି ଗାଁର ୩୦୦୦ ମହିଳାଙ୍କୁ ସେ ଆର୍ଥିକ କ୍ଷେତ୍ରରେ ସଶକ୍ତ କରିପାରିଛନ୍ତି। ଅମିତ ବେଙ୍ଗାଲୁରୁରେ ବ୍ୟାଙ୍କିଙ୍ଗ ସେକ୍ଟରରେ କାମ କରୁଥିଲେ ଓ ୨୦୧୬ରେ ୩୩ ବର୍ଷ ବୟସରେ ଏହାକୁ ଛାଡ଼ି ‘ହିବୁଭୁ ଫାର୍ମ’ ଆରମ୍ଭ କରି ଜୈବିକ ପଦ୍ଧତିରେ ଚାଷ କରୁଛନ୍ତି। ଘିଅ ଓ ଅନ୍ୟ ଡାଏରି ଉପତ୍ାଦ ପ୍ରସ୍ତୁତ କରିବା ପାଇଁ ପ୍ରତିଦିନ ୨୫ ଲିଟର କ୍ଷୀର ଜଣେ ମହିଳାଙ୍କୁ ଦେଉଛନ୍ତି ଓ ଏହି କାମରୁ ପ୍ରତ୍ୟେକ ମହିଳା ଦିନକୁ ୨୦୦-୩୦୦ ଟଙ୍କା ରୋଜଗାର କରିପାରୁଛନ୍ତି। ଏହି ଫାର୍ମରୁ ଉପତ୍ାଦିତ ତଟକା ପରିବା, ଡାଲି ଏବଂ ଡାଏରି ଉପତ୍ାଦ ଲୋକମାନଙ୍କୁ ଯୋଗାଇ ଦେଉଛନ୍ତି। ସେ ଗୋବର ଓ ଗୋମୂତ୍ରରୁ ଖତ ଏବଂ କୀଟନାଶକ ପ୍ରସ୍ତୁତ କରୁଛନ୍ତି। ଯାନ୍ତ୍ରିକ ପଦ୍ଧତିରେ ନୁହେଁ, ବରଂ ବଳଦ ଦ୍ୱାରା ହଳ କରାଯାଉଛି। ଏହି ଫାର୍ମରେ ୪୦ ପ୍ରକାର ଖାଦ୍ୟ ଶସ୍ୟ ଓ ପରିବା ଉପତ୍ାଦନ ହେଉଛି। ପ୍ରତିଦିନ ୬ ଟନ ପରିବା ଓ ୧,୫୦୦ ଲିଟର କ୍ଷୀର ବିକ୍ରି କରାଯାଉଛି। ଫାର୍ମରେ ୭୦୦ ଦେଶୀ ଗାଈ ଓ ମଇଁଷି ଅଛନ୍ତି। ଫାର୍ମରେ ସୌର ଶକ୍ତି ବ୍ୟବହାର ହେଉଛି। ପ୍ରଥମେ ସେ ୧.୫ ଏକରରେ ଚାଷ ଆରମ୍ଭ କରିଥିଲେ। ଏବେ ତାହା ବିଭିନ୍ନ ଗାଁରେ ପ୍ରାୟ ୬୫୦ ଏକରରେ ପହଞ୍ଚିଛି। ଅମିତ ଚାଷରୁ ବର୍ଷକୁ ୨୧ କୋଟି ଟଙ୍କା ରୋଜଗାର କରୁଛନ୍ତି।
